Vāsamālinīkya

Namo tassa bhagavato arahato sammāsambuddhassa

VuḍḍhopiM0.179 jinānaṃ , buddhosi vijānaṃ ;

Pubboditi māhaṃ , kubbomi vimānaṃ .

( Tanumajjhāgāthā )

Mahāsamatakūlaṃ , narāpavarapūjaṃ ;

Jahā abhayapūraṃ , namā kanakarūpaṃ .

( Kumāralalitāgāthā )

NarāsabhasubuddhaṃM0.180 , pajāmatanuruttaṃ ;

Dayākaramuduttaṃ , namāma ha usukkaṃ .

( Kumāralalitāgāthā )

Hitaṃ vahasusīlo , pamodati sukhatte ;

Name tamapabuddhaṃ , jinaṃ gatasukhantaṃ .

( Kumāralalitāgāthā )

Bandhu ca santakileso , yo pitavaṇṇapabhāso ;

Gotamagottasuññato , tassa namo narasīho .

( Citrapadāgāthā )

BuddhaṃM0.181 suddhaṃ lokesītaṃ , ukkaṃ yuttaṃ yoge haṃ ;

Vantātītaṃ oghe sīdaṃ , vandāpīhaṃ sokehīhaṃ .

( Vijjummālāgāthā )

Bhogavatī yopakhamī , sītadayā lokasakhā ;

Dhātutaye kitti sa ve , dātu jaye-tassa ca me ;

( Māṇavakagāthā )

Mānito lukho rutotha , sannibho subho sukho ca ;

Jānito dharo namo ca , tassa yo thuto guṇova .

( Samānikāgāthā )

JayaṃM0.182 dhajaṃ pajāpuge , ṭhitaṃ lilaṃ mahāsukhe ;

Subhaṃ phuṭaṃ pabhaṃ name , hitaṃ sukhaṃ dadātu me .

( Pamāṇikāgāthā )

10.

Puṇṇapuññajanitasubhaṃ , jātiñātithutiyaguṇaṃ ;

Bhedaveravimalajinaṃ , ñāṇapādacaraṇa-mahaṃ .

( Halamukhīgāthā )

11.

Sati mati suci yo-bhāso , thuti muni sukhito kāyo ;

Manujapumasuto nātho , jayavara mu-sabho dāto .

( Bhujagasusugāthā )

12.

YoM0.183 buddho pavaro lilo puge ,

Lokutto abhayo ṭhito sukhe ;

Uttiṇṇaṃ nisabhaṃ hitaṃ vahe ,

Monindaṃ vimalaṃ jinaṃ name .

( Suddhavirājitagāthā )

13.

Devindaṃ varagaṇatherindaṃ ,

Niṭṭhānaṃ bhavajananibbānaṃ ;

Niddosaṃ raṇarajanipphoṭaṃ ,

Vande-haṃ subhamukhasoṇṇemaṃ .

( Paṇavagāthā )

14.

GotamagotteM0.184 ketuva ñātaṃ ,

Lokajakhette meruva jātaṃ ;

Thandilajeṭṭhe bheditamāraṃ ,

Paṇḍitamajjhe medhiva bhāṇaṃ ;

Mantiya vande sevitanāthaṃ .

( Rummavatīgāthā )

15.

Buddho sukko amitaguṇīso ,

Yutto mutto sasiva timīto ;

Khe yo tejo tapasiva akko ,

Phelo theto tava namakāro .

( Mattāgāthā )

16.

YoM0.185 jitamāre ve aji sabbaṃ ,

Tho mitasāre he-dhitapattaṃ ;

Saṃsitapuṇṇo so nami tassa ,

Paṇḍitaphullo so matikassa .

( Campakamālāgāthā )

17.

KanakarūpaM0.186 mūpameyyakaṃ ,

Pavarasūra pūjasevataṃ ;

Kamalabhūma dhūradesakaṃ ,

Naramarūpa rū name ta-haṃ .

( Manoramāgāthā )

18.

Deve gate dvevārā gamāsi ,

Sele cale ye ñātā pacāyi ;

Uddhaṃ tale tevāsaṃ akāsi ,

Buddhaṃ mate esāhaṃ namāmi .

( Ubbhāsakantagāthā )

19.

Ukke sunutaṃ puthukañca theraṃ ,

Vutte sukhumaṃ ujukaṃ tathetaṃ ;

Dibbe paṭimaṃ kiriyaṃ vadetaṃ ,

Iddhe mahitaṃ kathitaṃ namehaṃ .

( Upaṭṭhitagāthā )

20. DibbassaM0.187 pūre pavarehi gutto ,

Siddhattha bhūte nagarehi vuṭṭho ;

Saṅkassa pūre ma-gaṇehi buddho ,

Aññattha pūje paname ni kubbo .

( Indavajirāgāthā )

21.

Subhaṃ thutaṃ yo rajataṃ balatthaṃ ,

Yugaṃ hutaṃ so kanakaṃ kamatthaṃ ;

Citaṃ ṭhitaṃ lohitakaṃ manāpaṃ ,

Lilaṃ itaṃ soraci taṃ namāhaṃ .

( Upendavajirāgāthā )

22.

PinitaṃM0.188 viṇaṃ sakhilaṃ yaji taṃ ,

Susukhaṃ dhujaṃ biluvaṃ niyutaṃ ;

Ṭhapiyaṃ simaṃ thunutaṃ puthulaṃ ,

Nami haṃ khiṇaṃ sukhumaṃ mudukaṃ .

( Sumukhīgāthā )

23.

SogatiM0.189 bodhayiṃ gāhiya pattaṃ ,

Otari sonami jānita atthaṃ ;

Bhūpati pūjayi sākiya vaṃsaṃ ,

Sūjadhi ūpadhi bhāsita dhammaṃ .

( Dodhakagāthā )

24.

Cattāro-me yācite so pavutthe ,

Laddhā bhoge kāmite oghamutte ;

Kattā tose-taṃ name colayutte ,

Tatthā-loke taṃpate kho padukke .

( Sālinīgāthā )

25.

Sattā-lokoM0.190 sarito yo dhajukkaṃ ,

Tatthā-gopo raciyo-noja-muddhaṃ ;

Bhaddā-soko-pacito-bho pabuddhaṃ ,

Saddhāyogo bhaji so-ho-namuccaṃ .

( Vātompīgāthā )

26.

Ñātamarūnaṃ upari ṭhitānaṃ ,

Vālapasūkaṃ huvati jinānaṃ ;

Devasuyāmo jinamiti ñāto ,

Tena sukhā-bho vinami idā so .

( Sirīgāthā )

27.

PuṇṇakenaM0.191 kusumena sevataṃ ,

Kuñjareva thunutena khe gataṃ ;

Sundarena nami tena me jayaṃ ,

Puññatejakari-dhesa ve dadaṃ .

( Rathoddhatāgāthā )

28.

Mātu āyu khiṇu-ke iha pubbe ,

Tāsu sādhu visute-disakucce ;

Vāta tāla khaciteni-dha soṇṇe ,

‘‘ Tāta tāta ’’ yaji te-tisa vande .

( Svāgatagāthā )

29.

UpariM0.192 kamalayoni sobhitaṃ ,

Juhati dhavalajoti-dositaṃ ;

Sukari ya-matabodhi-mocitaṃ ,

Sunami caraṇaloki-dho-rimaṃ .

( Bhaddikāgāthā )

30.

VaneM0.193 jino yo vinayaṃ supekkhi-maṃ ,

Mate ṭhito-bho dijakaṃ dubajjitaṃ ;

Aghe-nidho khobhi-taraṃ mune-cchi-daṃ ,

Name-bhito bodhimahaṃ lukha-jjhitaṃ .

( Vaṃsaṭṭhagāthā )

31.

Yo jāti-domānī-mupāsi lambi taṃ ,

Kodhehi lokehi dubhāsi paṇḍitaṃ ;

Pūrepi mūlepi pahāsi diṭṭhikaṃ ,

Sabbehi pattehi namāmi icchitaṃ .

( Indavaṃsāgāthā )

32.

VerañjakeM0.194 pūravare vibhūsite ,

Nelañjane dūmavane vikūjite ;

Khemaṅkare thūlatare vidū site ,

Eta-ṅgame pūna name virūpi ve .

( Indavaṃsāgāthā )

33.

Adhunāpi sa sārisuto nimalaṃ ,

Tamupāsi matāpi kuto ci nayaṃ ;

Karuṇāyi dha yāci budho vinayaṃ ,

Garukāpi namāmi su-yo jita-haṃ .

( Toṭakagāthā )

34.

JanavaroM0.195 muni so sarito vane ,

Vasabhato udito-pari gotame ;

Gamanaso guṇiko gami-to name ,

Nagara-do juti-mo ghatito-sathe .

( Dutavilambitagāthā )

35.

BhagavatiM0.196 kuṭigāre yo nisinne ,

Dhanavati suvisāle-ko isinde ;

Ya-malabhi muni lābhe molichinne ,

Sa panami juti-māse-to kilinne .

( Puṭagāthā )

36.

Paṭhapita-miccassa sidatu sabbaṃ ,

Paṭhami-dha sikkhassa hitasukhatthaṃ ;

Pavadiya giddhassa khiṇalukhatthaṃ ,

Panami ca kiccassa sikhamukappaṃ .

( Kusumavicittāgāthā )

37.

NilobhāsiM0.197 dhūmehi yu-cco vilāse ,

Ṭhito cā-bhi bhū tehi rukkho-digāhe ;

Yi-to tāni pūrepi luddho dvivāre ,

Jino-kāsi pūjemi buddho hitā-se .

( Bhujaṅgappayātagāthā )

38.

JanarameM0.198 dasasare visālake ,

Munivare kuṭighare-riyāpathe ;

Dhutatare-subhakathe caji sa ve ,

Tatiyake-ta-midha ve ṭhapi name .

( Piyaṃvadāgāthā )

39.

Vesālike tu vasi kātu cātukaṃ ,

Te ñāhi tesu labhi-dhā-mukā-mukaṃ ;

Negāmikesu bhaji phāsu sā-yukaṃ ,

Etā-dhikesu nami-kāsu-dā-tulaṃ .

( Lalitāgāthā )

40.

VadiM0.199 suppiyo duvacanaṃ tamato ,

Sahi muttiko guṇakathaṃ tathato ;

Gami māṇavo durapathaṃ carato ,

Nami sādhavo budhavaraṃ paraso .

( Pamitakkharāgāthā )

41.

Yu-pagami vimalo sakhilo tadā ,

Yuvavati-pivano rami yo brahmā ;

EkasayiM0.200 ṭhitato kathi kho guṇe ,

Esa nami jina-mo padhi-do-juke .

( Ujjalāgāthā )

42.

Jānaṃ sabbesaṃ desi yo kho-dhimuttaṃ ,

Ānandattheraṃ vedito coḷisuttaṃ ;

Kāyassammukhe kātuno-lokiyaṃ-se ,

Ṭhāna-ssa-ppuge kāruṇo hoti vande .

( Vessadevī gāthā )

43.

SukathiyaM0.201 majjhimasīla-maparaṃ ,

Yu-pacita-metthi-dha cīra-manayaṃ ;

Budhayi ca bhajjita-mīṇavataraṃ ,

Sunami pavajjita-mīha-mamalaṃ .

( Tāmarasagāthā )

44.

Mahakañhi sīlampi abhāsi kante ,

Brahmathandilī mamhi manāpi ramme ;

Calakampi gīrampi kadāci ambe ,

Varapaṇḍi khīṇampi namāmi taṃ ve .

( Kamalāgāthā )

45.

MohanteM0.202 jini paṭhame jaye jitāyaṃ ,

Soramme isipatane vane nivāsaṃ .

Khobhante kiri sakale vade vilāsaṃ ,

Ghoraṃve vinidamane name jinā-haṃ .

( Pahāsinīgāthā )

46.

Divārakaṃ bajanagaraṃ phitaṃ vase ,

Nisāya taṃ janagaṇanaṃ ṭhitaṃ mate ;

Vijānakaṃ tamajaṭakaṃ sitaṃ vane ,

Hitāvahaṃ narapavaraṃ imaṃ name .

( Ruciragāthā )

47.

Racita-maviralaṃM0.203 manussa mathā paṇaṃ ,

Pasiya tatiyakaṃ catuttha makā sayaṃ ;

Karita-madhikataṃ akhubbhamalā sabhaṃ ,

Jahitagatiparaṃ panujja namāma-haṃ .

( Parājitāgāthā )

48.

Nagara-majaya-mesa nivasi tha pare ,

Mahati sa maṇike sakuṇakujavane ;

Yapati vasati ve hitasivavahane ,

Surata mubhayame-sita mima paname .

( Paharaṇakalikāgāthā )

49.

ChaṭṭhaṃM0.204 vase athu-da tattha vane mune saṃ ,

Sabbaṃ dhare makulapabbatake upedaṃ ;

Cattaṃ male manuja matthavase sudesaṃ ,

Bhattaṃ name lahuka mappa mare dhune taṃ .

( Vasantatilakagāthā )

50.

NunaM0.205 upavasati idha tha puna parime ,

Sukhaguṇamahati tidasapura ajite ;

Yuganuta mavadi vitatha mughatari ve ,

Hutathuna manami simada tula mariye .

( Sasikalāgāthā )

51.

Jinapati susumāraṃ bhesakallāvane-saṃ ,

Nivasati puthuñāṇaṃ khve-sa nandālaye-taṃ ;

Vimala-mi dhu-jukāyaṃ bhedasantāpa-sesaṃ ,

Vijaha-pi sukhumālaṃ esamantā name-haṃ .

( Mālinīgāthā )

52.

MahatiM0.206 sukantiye atha ca tattha sītale ,

Vasati kusambiye navamavassa-pī-tare ;

Avahi sukha-ntime pajaha-mattha-mī-dha ve ,

Panami nudaṃ hine sakalasatthavasaye .

( Pabhaddakagāthā )

53.

Yudhavati pālileyyaka vane pahāya nāge ,

Upaṭhahi nāgi-dhe-sa dasame jahāya bāle ;

Sukhavasi kāyike ca manake tadāsa sāte ,

Yuta-madhi vāhite ca paname payāta māre .

( Vāṇinīgāthā )

54.

ItoM0.207 patte nāḷe vasati dijagāmepi dasame ,

Hitopatthenā-yeka adhiki-dha vādehi vadake ;

Vilomatthehā-neka-sahi ṭhita-māghepi samaye ,

Viyogatthe-tā-neja-mapi pihavāsehi paname .

( Sikharaṇīgāthā )

55.

Dviadhiki-tareM0.208 verañjāyaṃ tato dasamaṃ pare ,

Nivasi nilake khedaṅghātaṃ karo paramaṃ vane ;

Kilami idha ve vehaṅgānaṃ manoramakaṃ vase ,

Viraji-sigaṇe medhaṅkāraṃ asokadadaṃ name .

( Hiriṇīgāthā )

56.

Yo sampuṇṇe upari tirase cāliye pabbatepi ,

Sobhaṃ phulle suvasi itare kāmite appamehi ;

Sāvatthikkenu-da catudase kārite ālayepi ,

Kāmo-cchidde tu bhaya muname ñātime dvārakehi .

( Mandakkantāgāthā )

57.

SakkoM0.209 kappile kariya madake niggaho yoti pañce ,

Dakkho kappiye vasidha yamake iddhako bhohi aññe ;

Yakkho dabbike damiya nagare soḷase-topi vaṅke ,

Aggo-ghattite paciya paname bodhake monipaññe .

( Kusumitalatāvellitagāthā )

58.

DuladdheM0.210 pūre yopari ca dasato rājagehaṃ bhajanto ,

Tu satte kūle kho kari dha yapato vāsamejaṃ jahanto ;

Dumaṭṭhe pūneso ramita-calato ṭṭhārasetaṃ dadaṃ so ,

Guṇasse vūpeto namidha karabho kāyakhedaṃ sahanto .

( Meghavipphujjitagāthā )

59.

CālīyeM0.211 parime tatheva acale-kūnepi vīse lilaṃ ,

Bhāgī ce sa hite pageva pavase sūrehi nisevitaṃ ;

Kārite ramike pare ca nagare pūrepi vīse imaṃ ,

Hārite vasime jahena paname mūlepi khīṇe jitaṃ .

( Saddūlavikkīlitagāthā )

60.

Pañcapañca-mākare tatopi piṇḍakena jetakānane ca ,

Aññamañña-mādarena yo nisinnakena te ca māpayeva ;

Pubbapubbaārāme payoji-pāsikāya vāramāvasedha ,

Suddhasuddha-māmalena poriyātimāya mānasā namesa .

( Vuttagāthā )

Puññenā ’ nenaM0.212 saṃsāramupadhi suci sappūrise vo paseve ,

Tehā dinnaṃ sugāho suciparisaupeto arogo bhaveyyaṃ ;

Dīghāyūko mahāpañña yasadhanasulābho ca kalyāṇamitto ,

Lokādibbo ca maggo samamatiparivārova nibbānapatto .

( Saddharāgāthā )

Ka .

NassatiM0.213 sāsane chanavutādhike ca tivise sate kaliyuge ,

Dvesatacuddasādhikasahassake sakalaraṭṭhakaṃ khubhi gate ;

Bhātikayuddhakena nagaraṃ tadā bhavati chārikā yatigaṇo ,

Dukkhagato mahāpaharaṇehi jivitakhayampi eti piṭake .

( Bhaddakagāthā )

Kha .

UdisakaM0.214 cetyakepi vikiriya nāsati dha so thiro sagaṇato ,

Vijahiya purato ttaravaneka kumbhakaragāmakaṃ nivasaye ;

Satagaṇakehi tattha janakopi ‘‘ bhota idha vāsa sabbayatinaṃ ,

Upaṭṭhahamī ’’ ti tamhi katipāhanaṃ vasati kho vimaṃsiya sukhaṃ .

( Lalitagāthā )

Ga .

Tattha araññe ramito sucari saddhamma-timāni suyatīhi tipīko ,

Dhūrasuyutto parigāhiya sujāto supaṭṭhāti kunadita-muyānaṃ ;

So satamaccehi kataṃ nagari daṃ tassa ca pācina raha dhikakose ,

Paccayanāyāsu da chāyabahuko suddhayatipi idha vasanakāle .

( Tanugāthā )

Gha .

Phagguṇamāse chadine raciya niṭṭhaṃva gato paramari iminā-yaṃ ,

Sijjhatu pemaṃ vata rakkhatu sudevo uda vaḍḍhatu jinavacane taṃ ;

Vāsamālinī niṭṭhitā .

Issues

Select Version

Vāsamālinīkya

Vāsamālinīkya