3. Nissaggiyaniddeso
17.
Vikappanamadhiṭṭhāna-makatvā
M0.445 kālacīvaraṃ ;Dasāhamatimāpeti , tassa nissaggiyaṃ siyā .
18.
Bhikkhusammutiyāññatra , ticīvaramadhiṭṭhitaṃ ;
Ekāhamatimāpeti , nissaggi samayaṃ vinā .
19.
Aññātikā bhikkhuniyā , purāṇacīvaraṃ pana ;
Dhovāpeti rajāpeti , ākoṭāpeti taṃ siyā .
20.
Aññātikā
V0.374 bhikkhuniyā , hatthato kiñci mūlakaṃ ;Adatvā cīvarādāne , nissaggiyamudīritaṃ .
21.
Appavāritamaññātiṃ , viññāpentassa cīvaraṃ ;
Aññatra samayā tassa , nissaggiyamudīritaṃ .
22.
Rajataṃ jātarūpaṃ vā , māsakaṃ vā kahāpaṇaṃ ;
Gaṇheyya vā gaṇhāpeyya , nissaggi sādiyeyya vā .
23.
Parivatteyya nissaggi , rajatādi catubbidhaṃ ;
Kappiyaṃ kappiyenāpi , ṭhapetvā sahadhammike .
24.
Vikappanamadhiṭṭhāna-makatvāna pamāṇikaṃ ;
Dasāhamatimāpeti , pattaṃ nissaggiyaṃ siyā .
25.
Pañcabandhanato ūna-patte sati paraṃ pana ;
Viññāpeti navaṃ pattaṃ , tassa nissaggiyaṃ siyā .
26.
Paṭiggahetvā bhuñjanto , sappitelādikaṃ pana ;
Sattāhamatimāpeti , tassa nissaggiyaṃ siyā .
27.
Bhikkhussa cīvaraṃ datvā , acchindantassa taṃ puna ;
Sakasaññāya nissaggi , acchindāpayatopi vā .
28.
Appavāritamaññātiṃ
M0.446 , suttaṃ yāciya cīvaraṃ ;Vāyāpentassa nissaggi , vinā ñātippavārite .
29.
Jānanto
V0.375 bhikkhu saṅghassa , lābhaṃ pariṇataṃ pana ;Attano pariṇāmeti , tassa nissaggiyaṃ siyāti .