Buddhavandanā
1.
Devalokā cavitvāna
M0.65 ,Mahāmāyāya kucchiyaṃ ;
Uppajji guruvāramhi ,
Vandetaṃ sakyapuṅgavaṃ .
2.
Dasamā saccaye neso
M0.66 ,Vijāyi mātukucchito ;
Sukkavāre lumbiniyaṃ ,
Vande taṃ lokapūjitaṃ .
3.
Cakkavattisiriṃ hitvā ,
Mahāsinikkhamaṃ sudhī ;
Nikkhamī candavāramhi ,
Name taṃ munikuñjaraṃ .
4.
Assatthabodhimūlamhi
M0.67 ,Pallaṅke aparājite ;
Patto sabbaññutaṃ nātho ,
Name taṃ budhavāsare .
5.
Pañcavaggiyamukhānaṃ
M0.68 ,Devānaṃ migadāvane ;
Sorivāre dhammacakkaṃ ,
Vattesi taṃ jinaṃ name .
6.
Sabbasaṅkhatadhammānaṃ ,
Pakāsiyaaniccataṃ ;
Nibbutaṃaṅgavāramhi ,
Namādhiamatandadaṃ .
7.
Sūriyavāre soṇṇāya
M0.69 ,Doṇiyā jinaviggaho ;
Agginujjalito tassa ,
Name dhātusarīrakaṃ .