Attadīpa dhammadesanā
Pucchā – attadīpadhammadesanā
M0.147 panāvuso bhagavatā kattha kaṃ ārabbha kismiṃ vatthusmiṃ bhāsitā .Vissajjanā – vesāliyaṃ bhante veḷuvagāmake āyasmantaṃ ānandaṃ ārabbha bhāsitā , āyasmā bhante ānando bhagavato gilānavuṭṭhitassa aciravuṭṭhitassa gelaññā bhagavato gelaññena attano khedapattakāraṇaṃ ārocesi , tasmiṃ bhante vatthusmiṃ bhāsitā .
‘‘ Tasmātihānanda
M0.152 attadīpā viharatha attasaraṇā anaññasaraṇā ’’.Pucchā – bhagavatā āvuso purima dutiyadivase pucchitavissajjitakkamena attadīpadhammadesanañca aññāni ca dhammadesanāni kathetvā pariniṭṭhita sabbabuddhakiccena āyusaṅkhāro kattha ossaṭṭho .
Vissajjanā – vesāliyaṃ bhante cāpāle cetiye mārena pāpimatā yācito bhagavā satena sampajānena āyusaṅkhāro ossaṭṭho .
‘‘ Parinibbātu
M0.157 dāni bhante bhagavā , parinibbātu sugato , parinibbāna kālo dāni bhante bhagavato .Apposukko tvaṃ pāpima hoti , na ciraṃ tathāgatassa parinibbānaṃ bhavissati , ito tiṇṇaṃ māsānaṃ accayena tathāgato parinibbāyissati .