305. Vāyodhātuniddese uddhaṅgamā vātāti uggārahikkārādipavattakā uddhaṃ ārohanavātā .Adhogamā vātāti uccārapassāvādinīharaṇakā adho orohanavātā .Kucchisayā vātāti antānaṃ bahivātā .Koṭṭhāsayā vātāti antānaṃ antovātā .Aṅgamaṅgānusārinoti dhamanījālānusārena sakalasarīre aṅgamaṅgāni anusaṭā samiñjanapasāraṇādinibbattakavātā .Assāsoti antopavisananāsikavāto
M2.132 .Passāsoti bahinikkhamananāsikavāto .Ayamettha saṅkhepo .Vitthārato pana yaṃ vattabbaṃ siyā , taṃ sabbaṃ saddhiṃ bhāvanānayena visuddhimagge vuttaṃ .