Evampi utubījādīnaṃ aṅkurādīsu kathaṃ paccayavisesabhāvoti āha ‘‘ utubījādayo pana … pe … bhāvato ’’ ti .
Lokuttaranibbattanaṃ upanissāya parassa sinehuppādane lokuttaradhammā upanissayo viya hontīti ayamettha leso , bhāvino pana lokuttarassa akusalānaṃ upanissayatā sambhavatīti āha ‘‘ na idaṃ sārato daṭṭhabbanti adhippāyo ’’ ti .
Aṭṭhakathāyaṃ pana heṭṭhimaphalānaṃ kusalūpanissayatā vuttā eva .