148. Ugghaṭitaññūādīsu – ugghaṭitaññūti ettha ugghaṭitaṃ nāma
P0.223 ñāṇugghāṭanaṃ , ñāṇe ugghaṭitamatteyevaV0.71 jānātīti attho .Saha udāhaṭavelāyāti udāhāre udāhaṭamatteyeva .Dhammābhisamayoti catusaccadhammassa ñāṇena saddhiṃ abhisamayo .Ayaṃ vuccatīti ayaṃ ‘ cattāro satipaṭṭhānā ’ tiādinā nayena saṃkhittena mātikāya ṭhapiyamānāya desanānusārena ñāṇaṃ pesetvā arahattaṃ gaṇhituṃ samattho puggalo ugghaṭitaññūti vuccati .
149. Vipañcitaṃ vitthāritameva atthaṃ jānātīti vipañcitaññū .
Ayaṃ vuccatīti ayaṃ saṅkhittena mātikaṃ ṭhapetvā vitthārena atthe bhājiyamāne arahattaṃ pāpuṇituṃ samattho puggalo vipañcitaññūti vuccati .
150. Uddesādīhi netabboti neyyo .
Anupubbena dhammābhisamayo hotīti anukkamena arahattappatti .
151. Byañjanapadameva
M0.74 paramaṃ assāti padaparamo .Na tāya jātiyā dhammābhisamayo hotīti na tena attabhāvena jhānaṃ vā vipassanaṃ vā maggaṃ vā phalaṃ vā nibbattetuṃ sakkotīti attho .