135. Dutiye ukkācitavinītāti appaṭipucchitvā vinītā dubbinītaparisā .Paṭipucchāvinītāti pucchitvā vinītā suvinītaparisā .Yāvatāvinītāti pamāṇavasena vinītā , pamāṇaṃ ñatvā vinītaparisāti attho .‘‘ Yāvatajjhā ’’ ti pāḷiyā pana yāva ajjhāsayāti attho , ajjhāsayaṃ ñatvā vinītaparisāti vuttaṃ hoti .Tatiyaṃ uttānameva .
137. Catutthe
M2.217V2.197 uppādā vā tathāgatānan ti tathāgatānaṃ uppādepi veneyyapuggalānaṃ maggaphaluppatti viya saṅkhārānaṃ aniccādisabhāvo na tathāgatuppādāyatto , atha kho tathāgatānaṃ uppādepi anuppādepi hotimevāti vuttaṃ hoti .Ṭhitāva sā dhātūti ṭhito eva so aniccasabhāvo byabhicārābhāvato na kadāci saṅkhārā aniccā na hoti .Kāmaṃ asaṅkhatā viya dhātu na nicco so sabhāvo , tathāpi sabbakālikoyevāti adhippāyo .Aparo nayo – ṭhitāva sā dhātūti ‘‘ sabbe saṅkhārā aniccā ’’ ti esā dhātu esa sabhāvo tathāgatānaṃ uppādato pubbe uddhañca appaṭivijjhiyamāno na tathāgatehi uppādito , atha kho sabbakālaṃ sabbe saṅkhārā aniccā , ṭhitāva sā dhātu , kevalaṃ pana sayambhuñāṇena abhisambujjhanato ‘‘ ayaṃ dhammo tathāgatena abhisambuddho ’’ ti pavedanato ca tathāgato dhammassāmīti vuccati apubbassa tassa uppādanato .Tena vuttaṃ ‘‘ ṭhitāva sā dhātū ’’ ti . 137. CatuttheV2.235 dhammaṭṭhitatāti sabhāvaṭṭhitatā .Dhammaniyāmatāti sabhāvaniyāmatā .Sabbe saṅkhārāti catubhūmakasaṅkhārā .Aniccāti hutvā abhāvaṭṭhena aniccā .
| 版本一 | 版本二 |
|---|---|
| Abhisambujjhatīti ñāṇena abhisambujjhati . | Atha vā abhisambujjhatīti paccakkhakaraṇena abhimukhaṃ bujjhati , yāthāvato paṭivijjhati . |
| Abhisametīti ñāṇena abhisamāgacchati . | Tato eva abhisameti abhimukhaṃ samāgacchati . |
| Ācikkhatīti katheti . | Ādito kathento ācikkhati , uddisatīti attho . |
| Desetīti dasseti . | Tameva uddesaṃ pariyosāpento deseti . |
| Paññāpetīti jānāpeti . | Yathāuddiṭṭhamatthaṃ nidassanavasena pakārehi ñāpento paññāpeti . |
| Paṭṭhapetīti ñāṇamukhe ṭhapeti . | Pakārehi etamatthaṃ patiṭṭhapento paṭṭhapeti . |
| Vivaratīti vivaritvā dasseti .Vibhajatīti vibhāgato dasseti . | Yathāuddiṭṭhaṃ paṭinidassanavasena vivarati vibhajati . |
| Uttānīkarotīti pākaṭaṃ karoti . | Vivaṭaṃ vibhattañca atthaṃ hetūdāharaṇadassanehi pākaṭaṃ karonto uttānīkaroti . |
Dukkhāti sampaṭipīḷanaṭṭhena dukkhā .
Anattāti avasavattanaṭṭhena anattā .Iti imasmiṃ sutte tīṇi lakkhaṇāni missakāni kathitāni .