Purejātānaṃ rūpadhammānaṃ upatthambhakaṭṭhena upakārako arūpadhammo pacchājātapaccayo , gijjhapotakasarīrānaṃ āhārāsācetanā viya .
Cittapayogasaṅkhātena kiriyābhāvena upakārako dhammo kammapaccayo .
Yathāha – vipākābyākato eko khandho tiṇṇaṃ khandhānaṃ , cittasamuṭṭhānānañca rūpānaṃ , vipākapaccayena paccayo … pe … paṭisandhikkhaṇe vipākābyākato eko khandho … pe … dve khandhā dvinnaṃ khandhānaṃ kaṭattā ca rūpānaṃ vipākapaccayena paccayo .
Khandhā vatthussa vipākapaccayena paccayoti .