8. Nāgasaṃyuttaṃ

Author： _System_Pali_VRI_ @ Administrator

8. Nāgasaṃyuttaṃ

1. Suddhikasuttaṃ

342. SāvatthinidānaṃT3.298V2.238M2.202 .

‘‘ Catasso imā , bhikkhave , nāgayoniyo .

Katamā catasso ?

Aṇḍajā nāgā , jalābujā nāgā , saṃsedajā nāgā , opapātikā nāgā – imā kho , bhikkhave , catasso nāgayoniyo ’’ ti .

Paṭhamaṃ .

2. Paṇītatarasuttaṃ

343. Sāvatthinidānaṃ .

‘‘ Catasso imā , bhikkhave , nāgayoniyo .

Katamā catasso ?

Aṇḍajā nāgā , jalābujā nāgā , saṃsedajā nāgā , opapātikā nāgā .

TatraP3.241 , bhikkhave , aṇḍajehi nāgehi jalābujā ca saṃsedajā ca opapātikā ca nāgā paṇītatarā .

Tatra , bhikkhave , aṇḍajehi ca jalābujehi ca nāgehi saṃsedajā ca opapātikā ca nāgā paṇītatarā .

Tatra , bhikkhave , aṇḍajehi ca jalābujehi ca saṃsedajehi ca nāgehi opapātikā nāgā paṇītatarā .

Imā kho , bhikkhave , catasso nāgayoniyo ’’ ti .

Dutiyaṃ .

3. Uposathasuttaṃ

344. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme .

Atha kho aññataro bhikkhu yena bhagavā tenupasaṅkami ;

upasaṅkamitvā bhagavantaṃ abhivādetvā ekamantaṃ nisīdi .

Ekamantaṃ nisinno kho so bhikkhu bhagavantaṃ etadavoca –

‘‘ ko nu kho , bhante , hetu , ko paccayo , yena midhekacce aṇḍajā nāgā uposathaṃ upavasanti vossaṭṭhakāyā ca bhavantī ’’ ti ?

‘‘ IdhaV2.239 , bhikkhu , ekaccānaṃT3.299 aṇḍajānaṃ nāgānaṃ evaṃ hoti –

‘ mayaṃ kho pubbe kāyena dvayakārino ahumha , vācāya dvayakārino , manasā dvayakārino .

Te mayaṃ kāyena dvayakārino , vācāya dvayakārino , manasā dvayakārino , kāyassa bhedā paraṃ maraṇā aṇḍajānaṃ nāgānaṃ sahabyataṃ upapannā .

Sacajja mayaṃ kāyena sucaritaṃ careyyāma , vācāya sucaritaṃ careyyāma , manasā sucaritaṃ careyyāma , evaṃ mayaṃM2.203 kāyassa bhedā paraṃ maraṇā sugatiṃ saggaṃ lokaṃ upapajjeyyāma .

Handa , mayaṃ etarahi kāyena sucaritaṃ carāma , vācāya sucaritaṃ carāma , manasā sucaritaṃ carāmā ’ ti .

Ayaṃ kho , bhikkhu , hetu , ayaṃ paccayo , yena midhekacce aṇḍajā nāgā uposathaṃ upavasanti vossaṭṭhakāyā ca bhavantī ’’ ti .

Tatiyaṃ .

4. Dutiyauposathasuttaṃ

345. SāvatthinidānaṃP3.242 .

Atha kho aññataro bhikkhu yena bhagavā … pe … ekamantaṃ nisinno kho so bhikkhu bhagavantaṃ etadavoca –

‘‘ ko nu kho , bhante , hetu , ko paccayo , yena midhekacce jalābujā nāgā uposathaṃ upavasanti vossaṭṭhakāyā ca bhavantī ’’ ti ?

‘‘ Idha , bhikkhu … pe … ayaṃ kho , bhikkhu , hetu , ayaṃ paccayo , yena midhekacce jalābujā nāgā uposathaṃ upavasanti vossaṭṭhakāyā ca bhavantī ’’ ti .

Catutthaṃ .

5. Tatiyauposathasuttaṃ

346. Sāvatthinidānaṃ .

Ekamantaṃ nisinno kho so bhikkhu bhagavantaṃ etadavoca –

‘‘ ko nu kho , bhante , hetu , ko paccayo , yena midhekacce saṃsedajā nāgā uposathaṃ upavasanti vossaṭṭhakāyā ca bhavantī ’’ ti ?

‘‘ Idha , bhikkhu … pe … ayaṃT3.300 kho , bhikkhu , hetu , ayaṃ paccayo , yena midhekacce saṃsedajā nāgā uposathaṃ upavasanti vossaṭṭhakāyā ca bhavantī ’’ ti .

Pañcamaṃ .

6. Catutthauposathasuttaṃ

347. Sāvatthinidānaṃ .

Ekamantaṃ nisinno kho so bhikkhu bhagavantaṃ etadavoca –

‘‘ koV2.240 nu kho , bhante , hetu , ko paccayo , yena midhekacce opapātikā nāgā uposathaṃ upavasanti vossaṭṭhakāyā ca bhavantī ’’ ti ?

‘‘ Idha , bhikkhu , ekaccānaṃ opapātikānaṃ nāgānaṃ evaṃ hoti –

‘ mayaṃ kho pubbe kāyena dvayakārino ahumha , vācāya dvayakārino , manasā dvayakārino .

Te mayaṃ kāyena dvayakārino , vācāya dvayakārino , manasā dvayakārino , kāyassa bhedā paraṃ maraṇā opapātikānaṃ nāgānaṃ sahabyataṃ upapannā .

SacajjaP3.243 mayaṃ kāyena sucaritaṃ careyyāmaM2.204 , vācāya … manasā sucaritaṃ careyyāma , evaṃ mayaṃ kāyassa bhedā paraṃ maraṇā sugatiṃ saggaṃ lokaṃ upapajjeyyāma .

Handa , mayaṃ etarahi kāyena sucaritaṃ carāma , vācāya … manasā sucaritaṃ carāmā ’ ti .

Ayaṃ kho , bhikkhu , hetu , ayaṃ paccayo , yena midhekacce opapātikā nāgā uposathaṃ upavasanti vossaṭṭhakāyā ca bhavantī ’’ ti .

Chaṭṭhaṃ .

7. Sutasuttaṃ

348. Sāvatthinidānaṃ .

Ekamantaṃ nisinno kho so bhikkhu bhagavantaṃ etadavoca –

‘‘ ko nu kho , bhante , hetu , ko paccayo , yena midhekacco kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjatī ’’ tiT3.301 ?

‘‘ Idha , bhikkhu , ekacco kāyena dvayakārī hoti , vācāya dvayakārī hoti , manasā dvayakārī hoti .

Tassa sutaṃ hoti –

‘ aṇḍajā nāgā dīghāyukā vaṇṇavanto sukhabahulā ’ ti .

Tassa evaṃ hoti –

‘ aho vatāhaṃ kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjeyyan ’ ti .

So kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjati .

Ayaṃ kho , bhikkhu , hetu , ayaṃ paccayo , yena midhekacco kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjatī ’’ ti .

Sattamaṃ .

8. Dutiyasutasuttaṃ

349. Sāvatthinidānaṃ .

Ekamantaṃ nisinno kho so bhikkhu bhagavantaṃ etadavoca –

‘‘ koV2.241 nu kho , bhante , hetu , ko paccayo , yena midhekacco kāyassa bhedā paraṃ maraṇā jalābujānaṃ nāgānaṃ sahabyataṃ upapajjatī ’’ ti ?

… Pe … ayaṃP3.244 kho , bhikkhu , hetu , ayaṃ paccayo , yena midhekacco kāyassa bhedā paraṃ maraṇā jalābujānaṃ nāgānaṃ sahabyataṃ upapajjatīti .

Aṭṭhamaṃ .

9. Tatiyasutasuttaṃ

350. Sāvatthinidānaṃ .

Ekamantaṃ nisinno kho so bhikkhu bhagavantaṃ etadavoca –

‘‘ ko nu kho , bhante , hetu , ko paccayo , yena midhekacco kāyassaM2.205 bhedā paraṃ maraṇā saṃsedajānaṃ nāgānaṃ sahabyataṃ upapajjatī ’’ ti ?

… Pe … ayaṃ kho , bhikkhu , hetu , ayaṃ paccayo , yena midhekacco kāyassa bhedā paraṃ maraṇā saṃsedajānaṃ nāgānaṃ sahabyataṃ upapajjatīti .

Navamaṃ .

10. Catutthasutasuttaṃ

351. Sāvatthinidānaṃ .

Ekamantaṃ nisinno kho so bhikkhu bhagavantaṃ etadavoca –

‘‘ ko nu kho , bhante , hetu , ko paccayo , yena midhekacco kāyassaT3.302 bhedā paraṃ maraṇā opapātikānaṃ nāgānaṃ sahabyataṃ upapajjatī ’’ ti ?

‘‘ Idha , bhikkhu , ekacco kāyena dvayakārī hoti , vācāya dvayakārī , manasā dvayakārī .

Tassa sutaṃ hoti –

‘ opapātikā nāgā dīghāyukā vaṇṇavanto sukhabahulā ’ ti .

Tassa evaṃ hoti –

‘ aho vatāhaṃ kāyassa bhedā paraṃ maraṇā opapātikānaṃ nāgānaṃ sahabyataṃ upapajjeyyan ’ ti .

So kāyassa bhedā paraṃ maraṇā opapātikānaṃ nāgānaṃ sahabyataṃ upapajjati .

Ayaṃ kho , bhikkhu , hetu , ayaṃ paccayo , yena midhekacco kāyassa bhedā paraṃ maraṇā opapātikānaṃ nāgānaṃ sahabyataṃ upapajjatī ’’ ti .

Dasamaṃ .

11-20.
Aṇḍajadānūpakārasuttadasakaṃ

352-361.

EkamantaṃV2.242 nisinno kho so bhikkhu bhagavantaṃ etadavoca –

‘‘ ko nu kho , bhante , hetu , ko paccayo , yena midhekaccoP3.245 kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjatī ’’ ti ?

‘‘ Idha , bhikkhu , ekacco kāyena dvayakārī hoti , vācāya dvayakārī , manasā dvayakārī .

Tassa sutaṃ hoti –

‘ aṇḍajā nāgā dīghāyukā vaṇṇavanto sukhabahulā ’ ti .

Tassa evaṃ hoti –

‘ aho vatāhaṃ kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjeyyan ’ ti .

So annaṃ deti .

So kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjati .

Ayaṃ kho , bhikkhu , hetu … pe … upapajjatīti … pe … so pānaṃ deti … pe … vatthaṃ deti … pe … yānaṃ deti … pe … mālaṃ deti … pe … gandhaṃ deti … pe … vilepanaṃ deti … pe … seyyaṃ deti … pe … āvasathaṃ deti … pe … padīpeyyaṃM2.206 deti .

So kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjati .

Ayaṃ kho , bhikkhu , hetu , ayaṃ paccayo , yenaT3.303 midhekacco kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjatī ’’ ti .

Vīsatimaṃ .

21-50.
Jalābujādidānūpakārasuttattiṃsakaṃ

362-391.

Sāvatthinidānaṃ .

Ekamantaṃ nisinno kho so bhikkhu bhagavantaṃ etadavoca –

‘‘ ko nu kho , bhante , hetu , ko paccayo , yena midhekacco kāyassa bhedā paraṃ maraṇā jalābujānaṃ nāgānaṃ … pe … saṃsedajānaṃ nāgānaṃ … pe … opapātikānaṃ nāgānaṃ sahabyataṃ upapajjatī ’’ ti ?

‘‘ Idha , bhikkhu , ekacco kāyena dvayakārī hoti , vācāya dvayakārī , manasā dvayakārī .

Tassa sutaṃ hoti –

‘ opapātikā nāgā dīghāyukā vaṇṇavanto sukhabahulā ’ ti .

Tassa evaṃ hoti –

‘ aho vatāhaṃ kāyassa bhedā paraṃ maraṇā opapātikānaṃ nāgānaṃ sahabyataṃ upapajjeyyan ’ ti .

So annaṃ deti … pe … pānaṃ deti … pe … padīpeyyaṃ deti .

So kāyassa bhedāV2.243 paraṃ maraṇā opapātikānaṃ nāgānaṃ sahabyataṃ upapajjati .

Ayaṃ kho , bhikkhu , hetu , ayaṃ paccayo , yena midhekaccoP3.246 kāyassa bhedā paraṃ maraṇā opapātikānaṃ nāgānaṃ sahabyataṃ upapajjatī ’’ ti .

( Iminā peyyālena dasa dasa suttantā kātabbā . Evaṃ catūsu yonīsu cattālīsaṃ veyyākaraṇā honti . Purimehi pana dasahi suttantehi saha honti paṇṇāsasuttantāti .)

Nāgasaṃyuttaṃ samattaṃ .

Tassuddānaṃ –

SuddhikaṃT3.304 paṇītataraṃ , caturo ca uposathā ;

Tassa sutaṃ caturo ca , dānūpakārā ca tālīsaṃ ;

Paṇṇāsa piṇḍato suttā , nāgamhi suppakāsitāti .

Issues

Select Version

Khandhavaggo

Khandhavaggo