209.
Paṭhame
V0.287 dutiye ceva , tatiye ca catutthake ;Tulyo lasuṇavaggassa , chaṭṭhenidha vinicchayo .
210.
Kulāni upasaṅkamma , nisīditvā panāsane ;
Sāmike tu anāpucchā , pakkamantī duve phuse .
211.
Paṭhamena ca pādena , anovassamatikkame ;
Dukkaṭaṃ hoti , pācitti , dutiyātikkame siyā .
212.
Sāmike tu anāpucchā , āsane ce nisīdati ;
Payoge dukkaṭaṃ hoti , pācitti ca nisīdite .
213.
Chaṭṭhena sattamaṃ sabbaṃ , samānaṃ aṭṭhame pana ;
Payoge dukkaṭaṃ , ujjhā-pite pācittiyaṃ siyā .
214.
Attānaṃ cābhisappentī , dve phuse nirayādinā ;
Payoge dukkaṭaṃ vuttaṃ , pācitti abhisappite .
215.
Vadhitvā pana attānaṃ , rodantī tu duve phuse ;
Vadhati rodati pācitti , karotekaṃ tu dukkaṭaṃ .
Rattandhakāravaggo dutiyo .