253.
Gabbhiniṃ vuṭṭhapentī hi , dve panāpattiyo phuse ;
Payoge dukkaṭaṃ , vuṭṭhā-pite pācittiyaṃ siyā .
254.
Dutiyaṃ tatiyañceva , catutthaṃ pañcamampi ca ;
Chaṭṭhañca sattamañceva , paṭhamena samaṃ mataṃ .
255.
Bhikkhunī vuṭṭhapetvāna , bhikkhuniṃ sahajīviniṃ ;
Dvevassaṃ nānuggaṇhantī , ekaṃ pācittiyaṃ phuse .
256.
Navamaṃ dasamañceva , aṭṭhamena samaṃ mataṃ ;
Dvīsu āpattibhedasmiṃ , nānattaṃ natthi kiñcipi .
Gabbhinīvaggo sattamo .