24. Añjanīniddeso
Añjanīti
V0.26 – 182.
Vaṭṭāṭṭhasoḷasaṃsā vā , maṭṭhā vaṭṭati añjanī ;
Tissopi mūle gīvāyaṃ , lekhā ekāva bandhituṃ .
183.
Yaṃ kiñci rūpaṃ mālādikammaṃ makaradantakaṃ ;
Gomuttakaḍḍhacandādi-vikāraṃ nettha vaṭṭati .
184.
Labbhekavaṇṇasuttena , sibbituṃ thavikā tathā ;
Sipāṭi kuñcikākoso , salākāpi acittakā .
185.
Saṅkhanābhivisāṇaṭṭhi-naḷadantamayā
M0.21 tathā ;Phalakaṭṭhamayā veḷu-lākhālohamayāpi ca .
186.
Añjaniyo salākāyo , dhūmanettā ca labbhare ;
Tathā satthakadaṇḍāni , natthudānā ca tammayāti .