32. Nissayaniddeso
Nissayoti –
230.
Byattassa pañcavassassa , natthi nissaya kāriyaṃ ;
Yāvajīvampi abyatto , nissitoyeva jīvati .
231.
Ekaṃsaṃ
V0.33 cīvaraṃ katvā , paggaṇhitvāna añjaliṃ ;Ukkuṭikaṃ nisīditvā , vade yāvatatīyakaṃ ;
‘‘ Ācariyo me , bhante , hohi ,
Āyasmato nissāya vacchāmī ’’ ti .
232.
Pakkante pakkhasaṅkante , vibbhante vāpi nissayo ;
Maraṇāṇattupajjhāya-samodhānehi sammati .
233.
Nissāya
M0.27 na vaselajjiṃ , apubbaṃ ṭhānamāgato ;Āgame catupañcāhaṃ , ñātuṃ bhikkhusabhāgataṃ .
234.
Addhikassa gilānassa , gilānupaṭṭhakassa ca ;
Yācitassa araññe vā , sallakkhantena phāsukaṃ ;
Sabhāge dāyakesante , vasituṃ tāva labbhatīti .