63. Upasampadāvidhi
125. Tena
M0.130 kho pana samayena upasampannā dissanti kuṭṭhikāpi gaṇḍikāpi kilāsikāpi sosikāpi apamārikāpi .Bhagavato etamatthaṃ ārocesuṃ .
Anujānāmi , bhikkhave , upasampādentena terasa [ tassa ( ka .)] antarāyike dhamme pucchituṃ .
Evañca pana , bhikkhave , pucchitabbo –
‘‘ santi te evarūpā ābādhā – kuṭṭhaṃ , gaṇḍo , kilāso , soso , apamāro ?
Manussosi
V0.119 ?Purisosi ?
Bhujissosi ?
Aṇaṇosi ?
Nasi rājabhaṭo ?
Anuññātosi mātāpitūhi ?
Paripuṇṇavīsativassosi ?
Paripuṇṇaṃ te pattacīvaraṃ ?
Kiṃnāmosi ?
Konāmo te upajjhāyo ’’ ti ?
Tena kho pana samayena bhikkhū ananusiṭṭhe upasampadāpekkhe antarāyike dhamme pucchanti .
Upasampadāpekkhā vitthāyanti , maṅkū honti , na sakkonti vissajjetuṃ .
Bhagavato etamatthaṃ ārocesuṃ .
Anujānāmi , bhikkhave , paṭhamaṃ anusāsitvā pacchā antarāyike
P1.94 dhamme pucchitunti .Tattheva saṅghamajjhe anusāsanti .
Upasampadāpekkhā tatheva vitthāyanti , maṅkū honti , na sakkonti vissajjetuṃ .
Bhagavato etamatthaṃ ārocesuṃ .
Anujānāmi , bhikkhave , ekamantaṃ anusāsitvā saṅghamajjhe antarāyike dhamme pucchituṃ .
Evañca pana , bhikkhave , anusāsitabbo –
126. Paṭhamaṃ upajjhaṃ gāhāpetabbo .
Upajjhaṃ gāhāpetvā
T1.189 pattacīvaraṃ ācikkhitabbaṃ – ayaṃ te patto , ayaṃ saṅghāṭi , ayaṃ uttarāsaṅgo , ayaṃ antaravāsako .Gaccha , amumhi okāse tiṭṭhāhīti .
Bālā abyattā anusāsanti .
Duranusiṭṭhā upasampadāpekkhā vitthāyanti , maṅkū honti , na sakkonti vissajjetuṃ .
Bhagavato etamatthaṃ ārocesuṃ .
Na , bhikkhave , bālena abyattena anusāsitabbo .
Yo anusāseyya , āpatti dukkaṭassa .
Anujānāmi , bhikkhave , byattena bhikkhunā paṭibalena anusāsitunti .
Asammatā anusāsanti .
Bhagavato etamatthaṃ ārocesuṃ .
Na , bhikkhave , asammatena anusāsitabbo .
Yo anusāseyya , āpatti dukkaṭassa .
Anujānāmi
M0.131 , bhikkhave , sammatena anusāsituṃ .Evañca pana , bhikkhave , sammannitabbo [ sammanitabbo ( ka .)]– attanā vā [ attanāva ( syā .)] attānaṃ sammannitabbaṃ , parena vā paro sammannitabbo .
Kathañca
V0.120 attanāva attānaṃ sammannitabbaṃ ?Byattena bhikkhunā paṭibalena saṅgho ñāpetabbo –
‘‘ suṇātu me , bhante , saṅgho .
Itthannāmo itthannāmassa āyasmato upasampadāpekkho .
Yadi saṅghassa pattakallaṃ , ahaṃ itthannāmaṃ anusāseyyan ’’ ti .
Evaṃ attanāva attānaṃ sammannitabbaṃ .
Kathañca pana parena paro sammannitabbo ?
Byattena bhikkhunā paṭibalena saṅgho ñāpetabbo –
‘‘ suṇātu me , bhante , saṅgho .
Itthannāmo itthannāmassa āyasmato upasampadāpekkho .
Yadi saṅghassa pattakallaṃ , itthannāmo itthannāmaṃ anusāseyyā ’’ ti
T1.190 .Evaṃ parena paro sammannitabbo .
Tena sammatena bhikkhunā upasampadāpekkho upasaṅkamitvā evamassa vacanīyo –
‘‘ suṇasi , itthannāma , ayaṃ te saccakālo bhūtakālo .
Yaṃ jātaṃ taṃ saṅghamajjhe pucchante santaṃ atthīti vattabbaṃ , asantaṃ natthī ’’ ti vattabbaṃ .
Mā kho vitthāyi , mā kho maṅku ahosi .
Evaṃ taṃ pucchissanti –
‘‘ santi te evarūpā ābādhā – kuṭṭhaṃ , gaṇḍo , kilāso , soso , apamāro ?
Manussosi ?
Purisosi ?
Bhujissosi ?
Aṇaṇosi ?
Nasi rājabhaṭo ?
Anuññātosi mātāpitūhi ?
Paripuṇṇavīsativassosi ?
Paripuṇṇaṃ te pattacīvaraṃ ?
Kiṃnāmosi ?
Konāmo te upajjhāyo ’’ ti ?
Ekato āgacchanti .
Na , bhikkhave , ekato āgantabbaṃ .
Anusāsakena paṭhamataraṃ āgantvā saṅgho ñāpetabbo –
‘‘ suṇātu me , bhante , saṅgho .
Itthannāmo itthannāmassa āyasmato upasampadāpekkho
P1.95 .Anusiṭṭho so mayā .
Yadi saṅghassa pattakallaṃ , itthannāmo āgaccheyyā ’’ ti .
Āgacchāhīti vattabbo .
Ekaṃsaṃ uttarāsaṅgaṃ kārāpetvā bhikkhūnaṃ pāde vandāpetvā ukkuṭikaṃ nisīdāpetvā añjaliṃ paggaṇhāpetvā upasampadaṃ yācāpetabbo –
‘‘ saṅghaṃ , bhante , upasampadaṃ yācāmi .
Ullumpatu maṃ , bhante , saṅgho anukampaṃ upādāya .
Dutiyampi , bhante , saṅghaṃ upasampadaṃ yācāmi .
Ullumpatu maṃ , bhante , saṅgho anukampaṃ
M0.132 upādāya .Tatiyampi , bhante , saṅghaṃ upasampadaṃ yācāmi .
Ullumpatu maṃ
T1.191 , bhante , saṅgho anukampaṃ upādāyā ’’ ti .Byattena bhikkhunā paṭibalena saṅgho ñāpetabbo –
‘‘ Suṇātu me , bhante , saṅgho .
Ayaṃ itthannāmo itthannāmassa āyasmato upasampadāpekkho .
Yadi
V0.121 saṅghassa pattakallaṃ , ahaṃ itthannāmaṃ antarāyike dhamme puccheyyan ’’ ti ?Suṇasi , itthannāma , ayaṃ te saccakālo bhūtakālo .
Yaṃ jātaṃ taṃ pucchāmi .
Santaṃ atthīti vattabbaṃ , asantaṃ natthīti vattabbaṃ .
Santi te evarūpā ābādhā – kuṭṭhaṃ gaṇḍo kileso soso apamāro , manussosi , purisosi , bhujissosi , aṇaṇosi , nasi rājabhaṭo , anuññātosi mātāpitūhi , paripuṇṇavīsativassosi , paripuṇṇaṃ te pattacīvaraṃ , kiṃnāmosi , konāmo te upajjhāyoti ?
Byattena bhikkhunā paṭibalena saṅgho ñāpetabbo –
127.‘‘ Suṇātu me , bhante , saṅgho .
Ayaṃ itthannāmo itthannāmassa āyasmato upasampadāpekkho , parisuddho antarāyikehi dhammehi , paripuṇṇassa pattacīvaraṃ .
Itthannāmo saṅghaṃ upasampadaṃ yācati itthannāmena upajjhāyena .
Yadi saṅghassa pattakallaṃ , saṅgho itthannāmaṃ upasampādeyya itthannāmena upajjhāyena .
Esā ñatti .
‘‘ Suṇātu me , bhante , saṅgho .
Ayaṃ itthannāmo itthannāmassa āyasmato upasampadāpekkho , parisuddho antarāyikehi dhammehi , paripuṇṇassa pattacīvaraṃ .
Itthannāmo saṅghaṃ upasampadaṃ yācati itthannāmena upajjhāyena .
Saṅgho itthannāmaṃ upasampādeti itthannāmena upajjhāyena
T1.192 .Yassāyasmato khamati itthannāmassa upasampadā itthannāmena upajjhāyena , so tuṇhassa ;
yassa nakkhamati , so bhāseyya .
‘‘ Dutiyampi etamatthaṃ vadāmi – suṇātu me , bhante , saṅgho .
Ayaṃ itthannāmo itthannāmassa āyasmato upasampadāpekkho , parisuddho antarāyikehi dhammehi , paripuṇṇassa pattacīvaraṃ .
Itthannāmo saṅghaṃ upasampadaṃ yācati itthannāmena upajjhāyena .
Saṅgho itthannāmaṃ upasampādeti itthannāmena upajjhāyena .
Yassāyasmato khamati itthannāmassa upasampadā itthannāmena upajjhāyena , so tuṇhassa ;
yassa nakkhamati , so bhāseyya .
‘‘ Tatiyampi
M0.133 etamatthaṃ vadāmi – suṇātu me , bhante , saṅgho .Ayaṃ itthannāmo itthannāmassa āyasmato upasampadāpekkho , parisuddho antarāyikehi dhammehi , paripuṇṇassa pattacīvaraṃ .
Itthannāmo saṅghaṃ upasampadaṃ yācati itthannāmena upajjhāyena .
Saṅgho itthannāmaṃ upasampādeti itthannāmena upajjhāyena .
Yassāyasmato khamati itthannāmassa upasampadā itthannāmena upajjhāyena , so tuṇhassa ;
yassa nakkhamati , so bhāseyya .
‘‘ Upasampanno
V0.122 saṅghena itthannāmo itthannāmena upajjhāyena .Khamati saṅghassa , tasmā tuṇhī , evametaṃ dhārayāmī ’’ ti .
Upasampadākammaṃ niṭṭhitaṃ .