251. Aṅgajātaṃ chindantassevāti aṅgajātameva chindantassāti yojanā .Atha vā aṅgajātaṃ chindantassa thullaccayamevāti yojanā .Ahikīṭadaṭṭhādīsu nimittabhūtesu chindantassāti yojanā .Aṅgajātan ti bījavirahitaṃ purisanimittaṃ .Bīje hi chinne opakkamikapaṇḍako nāma abhabbo hotīti vadanti .Eke pana ‘‘ bījassāpi chedanakkhaṇe
M2.230 dukkaṭāpatti eva kamena purisindriyādike antarahite paṇḍako nāma abhabbo hoti , tadā liṅganāsanāya nāsetabbo ’’ ti vadanti .Tādisaṃ vā dukkhan ti muṭṭhiādīhi dukkhaṃ uppādentassa .Tādisaṃ vā dukkhaṃ uppādentassāti muṭṭhippahārādīhi attano dukkhaṃ uppādentassa .
264. Namatakan ti ettha heṭṭhā vuttanamatakato ( cūḷava . aṭṭha .256) visesaṃ dassento āha ‘‘ eḷakalomehī ’’ tiādi . 264.‘‘ Namatakaṃ santhatasadisan ’’ ti gaṇṭhipadesu vuttaṃ .
Avāyiman ti vāyitvā na kataṃ .Cammakhaṇḍaparihārenāti cammakhaṇḍaṃ viya adhiṭṭhānavikappanaapanayanena , paribhuñjitabbanti attho .
Cammakhaṇḍaparihārena paribhuñjitabban ti anadhiṭṭhahitvā paribhuñjitabbaṃ .
Peḷāyāti aṭṭhaṃsādiākārena katāya
M0.459 mañjūsāya .Etan ti ‘‘ āsittakūpadhānan ’’ ti etaṃ nāmaṃ .Dārumayāpīti pisaddo na tambaloharajatamayā evāti dasseti .Etthevāti maḷorikāyameva .Ettheva paviṭṭhānīti maḷorikāya eva antogadhāni .
Ādhārakasaṅkhepagamanatoti
V2.107 ādhārake saṅkhepaṃ gamanato .Hīti saccaṃ , yasmā vā .Pubbe pattarakkhanatthaṃ ādhārako anuññāto , idāni bhuñjanatthanti daṭṭhabbaṃ .Pubbe pattasaṅgopanatthaṃ ādhārako anuññāto , idāni bhuñjanatthaṃ .Eko bhikkhu gacchatīti sambandho .Sesakan ti gahetabbaphalapūvehi sesakaṃ .
Tasmiṃ khaṇeti tasmiṃ bhuñjanakkhaṇe .
Vedaṃ viyāti sutiṃ viya .Vācanāmaggan ti vācanāya upāyaṃ .
Sakāti sammāsambuddhasaṅkhātassa
V2.112 sassa attano esā sakā .Tena vuttaṃ ‘‘ sammāsambuddhenā ’’ ti .Sammāsambuddhena hi māgadhaniruttiyā eva dhammo bhāsito , tasmā sā māgadhanirutti sakā nāmāti vuccati .Niruttīti atthaṃ nīharitvā vuccate imāya saddapaññattiyāti nirutti , vacadhātussa vakārassa ukāro , sabbavohāro labbhati .Idha pana ‘‘ sakāyā ’’ ti vuttattā māgadhavohāro eva .Tena vuttaṃ ‘‘ māgadhavohāro ’’ ti .‘‘ Sabhāvaniruttī ’’ tipi pāṭho .Evañhi sati sabbasattānaṃ sabhāvena pavattā mūlabhāsābhūtā māgadhaniruttiyeva .