Issues
Select Version
Visuddhimagga-mahāṭīkā(Dutiyo bhāgo)
  • 12. Iddhividhaniddesavaṇṇanā
  • Abhiññākathāvaṇṇanā
  • Dasaiddhikathāvaṇṇanā
  • Nandopanandanāgadamanakathāvaṇṇanā
  • 13. Abhiññāniddesavaṇṇanā
  • Dibbasotadhātukathāvaṇṇanā
  • Cetopariyañāṇakathāvaṇṇanā
  • Pubbenivāsānussatiñāṇakathāvaṇṇanā
  • Cutūpapātañāṇakathāvaṇṇanā
  • Pakiṇṇakakathāvaṇṇanā
  • 14. Khandhaniddesavaṇṇanā
  • Paññākathāvaṇṇanā
  • Paññāpabhedakathāvaṇṇanā
  • Paññābhūmi-mūla-sarīravavatthānavaṇṇanā
  • Rūpakkhandhakathāvaṇṇanā
  • Viññāṇakkhandhakathāvaṇṇanā
  • Vedanākkhandhakathāvaṇṇanā
  • Saññākkhandhakathāvaṇṇanā
  • Saṅkhārakkhandhakathāvaṇṇanā
  • Atītādivibhāgakathāvaṇṇanā
  • Kamādivinicchayakathāvaṇṇanā
  • 15. Āyatanadhātuniddesavaṇṇanā
  • Āyatanavitthārakathāvaṇṇanā
  • Dhātuvitthārakathāvaṇṇanā
  • 16. Indriyasaccaniddesavaṇṇanā
  • Indriyavitthārakathāvaṇṇanā
  • Saccavitthārakathāvaṇṇanā
  • Dukkhaniddesakathāvaṇṇanā
  • Jātiniddesavaṇṇanā
  • Jarāniddesavaṇṇanā
  • Maraṇaniddesavaṇṇanā
  • Sokaniddesavaṇṇanā
  • Paridevaniddesavaṇṇanā
  • Dukkhaniddesavaṇṇanā
  • Domanassaniddesavaṇṇanā
  • Upāyāsaniddesavaṇṇanā
  • Appiyasampayoganiddesavaṇṇanā
  • Piyavippayoganiddesavaṇṇanā
  • Icchitālābhaniddesavaṇṇanā
  • Pañcupādānakkhandhaniddesavaṇṇanā
  • Samudayaniddesakathāvaṇṇanā
  • Nirodhaniddesakathāvaṇṇanā
  • Magganiddesakathāvaṇṇanā
  • Ekavidhādivinicchayakathāvaṇṇanā
  • 17. Paññābhūminiddesavaṇṇanā
  • Paṭiccasamuppādakathāvaṇṇanā
  • Avijjāpaccayāsaṅkhārapadakathāvaṇṇanā
  • Paṭṭhānapaccayakathāvaṇṇanā
  • Avijjāpaccayāsaṅkhārapadavitthārakathāvaṇṇanā
  • Saṅkhārapaccayāviññāṇapadavitthārakathāvaṇṇanā
  • Viññāṇapaccayānāmarūpapadavitthārakathāvaṇṇanā
  • Nāmarūpapaccayāsaḷāyatanapadavitthārakathāvaṇṇanā
  • Saḷāyatanapaccayāphassapadavitthārakathāvaṇṇanā
  • Phassapaccayāvedanāpadavitthārakathāvaṇṇanā
  • Vedanāpaccayātaṇhāpadavitthārakathāvaṇṇanā
  • Taṇhāpaccayāupādānapadavitthārakathāvaṇṇanā
  • Upādānapaccayābhavapadavitthārakathāvaṇṇanā
  • Bhavapaccayājātiādipadavitthārakathāvaṇṇanā
  • Bhavacakkakathāvaṇṇanā
  • 18. Diṭṭhivisuddhiniddesavaṇṇanā
  • Nāmarūpapariggahakathāvaṇṇanā
  • Arūpadhammānaṃ upaṭṭhānākārakathāvaṇṇanā
  • Sambahulasuttantasaṃsandanākathāvaṇṇanā
  • Upamāhināmarūpavibhāvanākathāvaṇṇanā
  • 19. Kaṅkhāvitaraṇavisuddhiniddesavaṇṇanā
  • Paccayapariggahakathāvaṇṇanā
  • 20. Maggāmaggañāṇadassanavisuddhiniddesavaṇṇanā
  • Sammasanañāṇakathāvaṇṇanā
  • Cattārīsākāraanupassanākathāvaṇṇanā
  • Indriyatikkhakāraṇanavakakathāvaṇṇanā
  • Rūpanibbattipassanākārakathāvaṇṇanā
  • Arūpanibbattipassanākārakathāvaṇṇanā
  • Rūpasattakasammasanakathāvaṇṇanā
  • Arūpasattakasammasanakathāvaṇṇanā
  • Udayabbayañāṇakathāvaṇṇanā
  • Vipassanupakkilesakathāvaṇṇanā
  • Maggāmaggavavatthānakathāvaṇṇanā
  • 21. Paṭipadāñāṇadassanavisuddhiniddesavaṇṇanā
  • Upakkilesavimuttaudayabbayañāṇakathāvaṇṇanā
  • Bhaṅgānupassanāñāṇakathāvaṇṇanā
  • Bhayatupaṭṭhānañāṇakathāvaṇṇanā
  • Ādīnavānupassanāñāṇakathāvaṇṇanā
  • Nibbidānupassanāñāṇakathāvaṇṇanā
  • Muñcitukamyatāñāṇakathāvaṇṇanā
  • Paṭisaṅkhānupassanāñāṇakathāvaṇṇanā
  • Saṅkhārupekkhāñāṇakathāvaṇṇanā
  • Anulomañāṇakathāvaṇṇanā
  • Vuṭṭhānagāminīvipassanākathāvaṇṇanā
  • 22. Ñāṇadassanavisuddhiniddesavaṇṇanā
  • Paṭhamamaggañāṇakathāvaṇṇanā
  • Sotāpannapuggalakathāvaṇṇanā
  • Dutiyamaggañāṇakathāvaṇṇanā
  • Tatiyamaggañāṇakathāvaṇṇanā
  • Catutthamaggañāṇakathāvaṇṇanā
  • Arahantapuggalakathāvaṇṇanā
  • Bodhipakkhiyakathāvaṇṇanā
  • Vuṭṭhānabalasamāyogakathāvaṇṇanā
  • Pahātabbadhammapahānakathāvaṇṇanā
  • Pariññādikiccakathāvaṇṇanā
  • Pariññādippabhedakathāvaṇṇanā
  • 23. Paññābhāvanānisaṃsaniddesavaṇṇanā
  • Ānisaṃsapakāsanāvaṇṇanā
  • Nānākilesaviddhaṃsanakathāvaṇṇanā
  • Phalasamāpattikathāvaṇṇanā
  • Nirodhasamāpattikathāvaṇṇanā
  • Āhuneyyabhāvādisiddhikathāvaṇṇanā
  • Nigamanakathāvaṇṇanā
  • Nigamanagāthāyo
Visuddhimagga-mahāṭīkā(Dutiyo bhāgo)
  • 12. Iddhividhaniddesavaṇṇanā
  • Abhiññākathāvaṇṇanā
  • Dasaiddhikathāvaṇṇanā
  • Nandopanandanāgadamanakathāvaṇṇanā
  • 13. Abhiññāniddesavaṇṇanā
  • Dibbasotadhātukathāvaṇṇanā
  • Cetopariyañāṇakathāvaṇṇanā
  • Pubbenivāsānussatiñāṇakathāvaṇṇanā
  • Cutūpapātañāṇakathāvaṇṇanā
  • Pakiṇṇakakathāvaṇṇanā
  • 14. Khandhaniddesavaṇṇanā
  • Paññākathāvaṇṇanā
  • Paññāpabhedakathāvaṇṇanā
  • Paññābhūmi-mūla-sarīravavatthānavaṇṇanā
  • Rūpakkhandhakathāvaṇṇanā
  • Viññāṇakkhandhakathāvaṇṇanā
  • Vedanākkhandhakathāvaṇṇanā
  • Saññākkhandhakathāvaṇṇanā
  • Saṅkhārakkhandhakathāvaṇṇanā
  • Atītādivibhāgakathāvaṇṇanā
  • Kamādivinicchayakathāvaṇṇanā
  • 15. Āyatanadhātuniddesavaṇṇanā
  • Āyatanavitthārakathāvaṇṇanā
  • Dhātuvitthārakathāvaṇṇanā
  • 16. Indriyasaccaniddesavaṇṇanā
  • Indriyavitthārakathāvaṇṇanā
  • Saccavitthārakathāvaṇṇanā
  • Dukkhaniddesakathāvaṇṇanā
  • Jātiniddesavaṇṇanā
  • Jarāniddesavaṇṇanā
  • Maraṇaniddesavaṇṇanā
  • Sokaniddesavaṇṇanā
  • Paridevaniddesavaṇṇanā
  • Dukkhaniddesavaṇṇanā
  • Domanassaniddesavaṇṇanā
  • Upāyāsaniddesavaṇṇanā
  • Appiyasampayoganiddesavaṇṇanā
  • Piyavippayoganiddesavaṇṇanā
  • Icchitālābhaniddesavaṇṇanā
  • Pañcupādānakkhandhaniddesavaṇṇanā
  • Samudayaniddesakathāvaṇṇanā
  • Nirodhaniddesakathāvaṇṇanā
  • Magganiddesakathāvaṇṇanā
  • Ekavidhādivinicchayakathāvaṇṇanā
  • 17. Paññābhūminiddesavaṇṇanā
  • Paṭiccasamuppādakathāvaṇṇanā
  • Avijjāpaccayāsaṅkhārapadakathāvaṇṇanā
  • Paṭṭhānapaccayakathāvaṇṇanā
  • Avijjāpaccayāsaṅkhārapadavitthārakathāvaṇṇanā
  • Saṅkhārapaccayāviññāṇapadavitthārakathāvaṇṇanā
  • Viññāṇapaccayānāmarūpapadavitthārakathāvaṇṇanā
  • Nāmarūpapaccayāsaḷāyatanapadavitthārakathāvaṇṇanā
  • Saḷāyatanapaccayāphassapadavitthārakathāvaṇṇanā
  • Phassapaccayāvedanāpadavitthārakathāvaṇṇanā
  • Vedanāpaccayātaṇhāpadavitthārakathāvaṇṇanā
  • Taṇhāpaccayāupādānapadavitthārakathāvaṇṇanā
  • Upādānapaccayābhavapadavitthārakathāvaṇṇanā
  • Bhavapaccayājātiādipadavitthārakathāvaṇṇanā
  • Bhavacakkakathāvaṇṇanā
  • 18. Diṭṭhivisuddhiniddesavaṇṇanā
  • Nāmarūpapariggahakathāvaṇṇanā
  • Arūpadhammānaṃ upaṭṭhānākārakathāvaṇṇanā
  • Sambahulasuttantasaṃsandanākathāvaṇṇanā
  • Upamāhināmarūpavibhāvanākathāvaṇṇanā
  • 19. Kaṅkhāvitaraṇavisuddhiniddesavaṇṇanā
  • Paccayapariggahakathāvaṇṇanā
  • 20. Maggāmaggañāṇadassanavisuddhiniddesavaṇṇanā
  • Sammasanañāṇakathāvaṇṇanā
  • Cattārīsākāraanupassanākathāvaṇṇanā
  • Indriyatikkhakāraṇanavakakathāvaṇṇanā
  • Rūpanibbattipassanākārakathāvaṇṇanā
  • Arūpanibbattipassanākārakathāvaṇṇanā
  • Rūpasattakasammasanakathāvaṇṇanā
  • Arūpasattakasammasanakathāvaṇṇanā
  • Udayabbayañāṇakathāvaṇṇanā
  • Vipassanupakkilesakathāvaṇṇanā
  • Maggāmaggavavatthānakathāvaṇṇanā
  • 21. Paṭipadāñāṇadassanavisuddhiniddesavaṇṇanā
  • Upakkilesavimuttaudayabbayañāṇakathāvaṇṇanā
  • Bhaṅgānupassanāñāṇakathāvaṇṇanā
  • Bhayatupaṭṭhānañāṇakathāvaṇṇanā
  • Ādīnavānupassanāñāṇakathāvaṇṇanā
  • Nibbidānupassanāñāṇakathāvaṇṇanā
  • Muñcitukamyatāñāṇakathāvaṇṇanā
  • Paṭisaṅkhānupassanāñāṇakathāvaṇṇanā
  • Saṅkhārupekkhāñāṇakathāvaṇṇanā
  • Anulomañāṇakathāvaṇṇanā
  • Vuṭṭhānagāminīvipassanākathāvaṇṇanā
  • 22. Ñāṇadassanavisuddhiniddesavaṇṇanā
  • Paṭhamamaggañāṇakathāvaṇṇanā
  • Sotāpannapuggalakathāvaṇṇanā
  • Dutiyamaggañāṇakathāvaṇṇanā
  • Tatiyamaggañāṇakathāvaṇṇanā
  • Catutthamaggañāṇakathāvaṇṇanā
  • Arahantapuggalakathāvaṇṇanā
  • Bodhipakkhiyakathāvaṇṇanā
  • Vuṭṭhānabalasamāyogakathāvaṇṇanā
  • Pahātabbadhammapahānakathāvaṇṇanā
  • Pariññādikiccakathāvaṇṇanā
  • Pariññādippabhedakathāvaṇṇanā
  • 23. Paññābhāvanānisaṃsaniddesavaṇṇanā
  • Ānisaṃsapakāsanāvaṇṇanā
  • Nānākilesaviddhaṃsanakathāvaṇṇanā
  • Phalasamāpattikathāvaṇṇanā
  • Nirodhasamāpattikathāvaṇṇanā
  • Āhuneyyabhāvādisiddhikathāvaṇṇanā
  • Nigamanakathāvaṇṇanā
  • Nigamanagāthāyo

Paṭṭhānapaccayakathāvaṇṇanā

Author: 注释—善巧 @ 小僧善巧

‘‘ NaV0.104 tāvāhaṃ pāpima parinibbāyissāmī ’’ ti vacanato ‘‘ tāta ehi , tāva idaṃ rajjaṃ paṭipajjāhī ’’ tiādīsu yadipi parimāṇaniyamanakamapadapūraṇamattādīsupi tāva -saddo dissati , idha pana vakkhamānattāpekkho adhippetoti vuttaṃ ‘‘ tāvāti vattabbantarāpekkho nipāto ’’ ti .
Hetunoti hetusabhāvassa dhammassa .Satipi hetusabhāvassa ārammaṇapaccayādibhāve savisese tāva paccaye dassentena ‘‘ adhipatipaccayādibhūtassa cā ’’ ti vuttaṃ .
‘‘ Hetu hutvā paccayo ’’ ti vutte dhammassa hetusabhāvatā niddhāritā , na paccayavisesoti tassa adhipatipaccayādibhāvo na nivāritoti āha ‘‘ etenapi so eva doso āpajjatī ’’ ti .
Tenāti hetubhāvaggahaṇena .Idhāti ‘‘ hetupaccayo ’’ ti ettha .Dhammaggahaṇan ti alobhādidhammaggahaṇaṃ .Sattiviseso attano balaṃ sattikāraṇabhāvo , yo rasotipi vuccati , svāyaṃ anaññasādhāraṇatāya dhammato anaññopi paccayantarasamavāyeyevaV0.230 labbhamānattā añño viya katvā vutto .
Tassāti hetubhāvasaṅkhātassa sāmatthiyassa .Hetu hutvāti etthāpi hetubhāvavācako hetusaddo , na hetusabhāvadhammavācakoti āha ‘‘ hetu hutvā paccayoti ca vuttan ’’ ti .
Evañca katvātiādinā yathāvuttamatthaṃ pāḷiyā samattheti .
Yadi evaṃ aṭṭhakathāyaṃ dhammasseva paccayatāvacanaṃ kathanti āha ‘‘ aṭṭhakathāyaṃ panā ’’ tiādiM0.227 .Teneva cettha amhehipi ‘‘ dhammato anaññopi añño viya katvā ’’ ti ca vuttaṃ .
Yadi aṭṭhakathāyaṃ ‘‘ yo hi dhammo , mūlaṭṭhena upakārako dhammo ’’ ti ca ādīsu dhammena dhammasattivibhāvanaṃ kataṃ , atha kasmā idha hetubhāvena paccayoti dhammasattiyeva vibhāvitāti codanaṃ manasi katvā vuttaṃ ‘‘ idhāpi vā … pe … dassetī ’’ ti .
Dhammasattivibhāvanaṃ panettha na sakkā paṭikkhipitunti dassento ‘‘ na hī ’’ tiādimāha .
Attho etassa atthīti attho , atthābhidhāyivacananti vuttaṃ ‘‘ etīti etassa attho vattatī ’’ ti , tasmā atthoti atthavacananti vuttaṃ hoti .Tenāha ‘‘ tañca uppattiṭṭhitīnaṃ sādhāraṇavacanan ’’ ti .Tañcāti hi ‘‘ vattatī ’’ ti vacanaṃ paccāmaṭṭhaṃ .Atha vā etīti etassa atthoti ‘‘ etī ’’ ti etassa padassa attho ‘‘ vattatī ’’ ti ettha vattanakiriyā .Tañcāti tañca vattanaṃ .Etasmiṃ panatthe sādhāraṇavacanan ti ettha vacana -saddo atthapariyāyo veditabbo ‘‘ vuccatī ’’ ti katvā .
Koci hi paccayo ṭhitiyā eva hoti yathā pacchājātapaccayo , koci uppattiyāyeva yathā anantarādayo , koci ubhayassa yathā hetuādayoti .Yadaggena uppattiyā paccayo , tadaggena ṭhitiyāpi paccayoti koci āsaṅkeyyāti tadāsaṅkānivattanatthaṃ vuttaṃ ‘‘ koci hi … pe … hetuādayo ’’ ti .Ettha ca yathā uppajjanārahānaṃ uppattiyā paccaye satiyeva uppādo , nāsati , evaṃ tiṭṭhantānampi ṭhitipaccayavaseneva ṭhānaṃ yathā jīvitindriyavasena sahajātadhammānanti daṭṭhabbaṃ .Ye pana arūpadhammānaṃ ṭhitiṃ paṭikkhipanti , yaṃ vattabbaṃ , taṃ heṭṭhā vuttameva .
Yathā adhikaraṇasādhano patiṭṭhattho hetu-saddo , evaṃ karaṇasādhano pavattiatthopi yujjatīti dassento ‘‘ hinotī ’’ tiādimāha .
‘‘ Lobho nidānaṃ kammānaṃ samudayāyā ’’ tiādivacanato hetūnaṃ kammanidānabhāvo veditabbo .Etenāti hetupaccayato aññeneva kusalabhāvasiddhivacanena .
Taṃnivāraṇatthan ti tassa khaṇantare rūpīnaṃ sahajātapaccayabhāvassa ‘‘ kañci kāle na sahajātapaccayena paccayo ’’ ti nivāraṇatthaṃ .Tena padadvayena samānesu paccayapaccayuppannadhammesu purimato pacchimassa visesamatthaṃ dasseti .
Punapi purimato pacchimassa upacayena visesaṃ dassetuṃ ‘‘ purimena cā ’’ tiādi vuttaṃ .Tattha purimenāti ‘‘ okkantikkhaṇe nāmarūpan ’’ ti iminā paccayaniddesavacanena .‘‘ Eko khandho vatthu ca tiṇṇaṃ khandhānan ’’ tiādinā paṭiccavārādipāṭhena .Atthavivaraṇañhi paccayaniddesapāḷiyā sabbepi satta mahāvārā .Vatthussa vattabbatte āpanne kinti paccayoti tassa nāmassāti yojanā .Etenāti ‘‘ rūpinoV0.253 dhammā arūpīnaṃ dhammānan ’’ ti etena vacanena .Kevalassāti nāmarahitassa vatthussa .Tathāti nāmassa paccayabhāvena .
YaṃM0.231V0.234 kiñci kāraṇaṃ nissayoti vadati , na vuttalakkhaṇūpapannameva .Etena paccayaṭṭho idha nissayaṭṭhoti dasseti .Tatthāti niddhāraṇe bhummaṃ .Tena vuttaṃ ‘‘ niddhāretī ’’ ti .
404. Datvāti ettha dā -saddo sodhanatthopi hotīti mantvā āha ‘‘ visuddhaṃ katvā ’’ ti .
Tesañhi taṃ cittan ti tesanti vattabbatārahaṃ sakadāgāmimaggādipurecārikaṃ taṃ gotrabhucittanti adhippāyoV0.229 .
Tathāti phalassa uppādanasamatthabhāvena .Atha vā tathāti nipphādanavasena upasevanavasena ca .
Tattha nipphādanaṃ hetupaccayasamodhānena phalassa nibbattanaṃ , taṃ suviññeyyanti anāmasitvā upasevanameva vibhāvento ‘‘ upasevito vā ’’ ti āha .
Tattha allīyāpanaṃ paribhogavasena veditabbaṃ .Tenāha ‘‘ upabhogūpasevanan ’’ ti .Vijānanādivasenāti vijānanasañjānanānubhavanādivasena .
Ekanteneva honti cittaniyamahetubhāvenaV0.254 pavattiniyamato .
Yesu padesūti yesu kusalādipadesu .Tesu ‘‘ kesañcī ’’ ti na vuttaṃ .Kasmā ?Na sakkā vattuṃ ekanteneva upalabbhanato .Tesūti kusalākusalapadesu .Na hi kusalo akusalassa anantarūpanissayo hoti , akusalo vā kusalassa , ārammaṇapakatūpanissayā pana anekantikā , tasmā tattha ‘‘ kesañcī ’’ ti vuttaṃ .
Siddhānaṃ paccayadhammānan ti paccayabhāvena purimanipphannānaṃ kusalādīnaṃ kusalassa akusalassa vāti attho .Akusalādīhīti yathāsaṅkhyaṃ akusalena kusalena vā .
Kasiṇārammaṇādīni ārammaṇameva honti , na upanissayoti iminā adhippāyena ‘‘ ekaccāyā ’’ ti āha .
Tenevāti cetanāhāravasena upakārakattā eva .
Yathā hi kāyavacīpayogo viññatti , evaṃ cittappayogo cetanā .
Tenāti cittakiriyabhāvena .Kiṃ vattabban ti asahajātānampi bhāvīnaṃ upakārikā cetanā sahajātānaṃ upakārikāti vattabbameva natthīti attho .
Ettha vadeyya , dve itthindriyapurisindriyadhammā indriyabhūtā samānāpi kasmā indriyapaccaye visuṃ na gahitāti .Paccayakiccassa abhāvato .Tividhañhi paccayakiccaṃ jananakiccañca upatthambhanakiccañca anupālanakiccañca .Tattha yo paccayo paccayuppannadhammassa uppādāya paccayo hoti , yasmiṃ asati paccayuppanno dhammo na uppajjati , tassa paccayakiccaṃ jananakiccaṃ nāma .Yathā anantarapaccayo .Yo paccayo paccayuppannadhammassa ṭhitiyā ca vuḍḍhiyā ca viruḷhiyā ca paccayo hoti , yasmiṃ asati paccayuppanno dhammo na tiṭṭhati na vaḍḍhati na virūhati , tassa paccayakiccaṃ upatthambhanakiccaṃ nāma .Yathā pacchājātapaccayo .Yo paccayo paccayuppannassa dhammassa pavattiyā paccayo hoti , yena vinā paccayuppanno dhammo cirakālaṃ na pavattati , santati gamanaṃ chijjati , tassa paccaya kiccaṃ anupālanakiccaṃ nāma .Yathā rūpa jīvitindriyapaccayo .Ete pana dve indriyadhammā tesu tīsu paccaya kiccesu ekakiccaṃpi nasādhenti , tasmā ete dve dhammā indriya paccaye visuṃ na gahitāti .
Etaṃ sante ete dve dhammā indriyātipi na vattabbāti .No na vattabbā .Kasmā .Indriyakiccasabbhāvatoti .Kiṃ pana etesaṃ indriyakiccanti .Liṅganimittakuttaākappesu issaratā indriya kiccaṃ .Tathā hi yassa puggalassa paṭisandhikkhaṇe itthindriyarūpaṃ uppajjati , tassa santāne catūhi kammādīhi paccayehi uppannā pañcakkhandha dhammā itthibhāvāya pariṇamanti , so attabhāvo ekantena itthiliṅga itthinimitta itthikutta itthākappayutto hoti , no aññathā .Na ca itthindriyarūpaṃ te pañcakkhandhadhamme janeti , na ca upatthambhati , nāpi anupāleti , atha kho te dhammā attano attano paccayehi uppajjamānā evañcevañca uppajjantūti āṇaṃ ṭhapentaṃ viya tesu attano anubhāvaṃ pavatteti .Te ca dhammā tatheva uppajjanti , no aññathāti .Ayaṃ itthindriyarūpassa itthiliṅgādīsu issaratā .Esa nayo purisindriyarūpassa purisaliṅgādīsu issaratāyaṃ .Evaṃ ete dve dhammā liṅgādīsu indriyakicca sabbhāvato indriyā nāma hontīti .
Rāgādiassādanakālesūti rāgādīnaṃ assādanakālesu .
‘‘ Rāgadiṭṭhisampayuttāyā ’’ ti ettha rāgasampayuttāya tāva avijjāya yojanā hotu rāgassa assādanabhāvato , diṭṭhisampayuttāya pana kathanti āha ‘‘ tadavippayuttā ca diṭṭhī … pe … veditabbā ’’ ti .
Taṃsampayuttasaṅkhārassāti rāgādisampayuttasaṅkhārassa .Avijjārammaṇāditan ti avijjāya ārammaṇāditaṃ .Ādi -saddena ārammaṇādhipatiārammaṇūpanissayapakatūpanissaye , anantarādike ca paccaye saṅgaṇhāti .
Anavijjārammaṇassāti na avijjārammaṇassa avijjaṃ anārabbha pavattassa .Ārammaṇādhipatianantarādipaccayavacanesūti ārammaṇādhipatiārammaṇūpanissayapaccayavacanesu avuttassa anavijjārammaṇassa , anantarādipaccayavacanesu avuttassa paṭhamajavanassa , dvīsupi vuttassa avijjārammaṇassa dutiyādijavanassāti yojetabbaṃ .Anantarapaccayalābhino anantarādinā , sahajātassa hetuādinā , asahajātassa upanissayādinā saṅkhārassa avijjā paccayo hotīti ayamattho ‘‘ yaṃ kiñcī ’’ tiādinā dassitoti veditabbaṃ .
Yathāphassan ti sukhavedanīyādicakkhusamphassāditaṃtaṃphassānurūpanti vuttaṃ hotīti dassento ‘‘ sukhavedanīyan ’’ tiādiṃ vatvā ‘‘ vedanāvavatthānato ’’ ti padassa atthaṃ dassetuṃ ‘‘ samānesū ’’ tiādi vuttaṃ .
Tattha samānesūti avisiṭṭhesu .Phassavasenāti sukhavedanīyādiphassavasena .Vipariyāyābhāvatoti byattayābhāvato .Na hi kadāci sukhavedanīyaṃ phassaṃ paṭicca dukkhavedanā , dukkhādivedanīyaṃ vā phassaṃ paṭicca sukhavedanā uppajjati .Sukhādicakkhusamphassajādīnan ti sukhādīnaṃ , cakkhusamphassajādīnañca vedanānaṃ .Oḷārikasukhumādīti ādi -saddena hīnapaṇītādisaṅgaho daṭṭhabbo .Tattha yaṃ upādāya yā vedanā ‘‘ oḷārikā , hīnā ’’ ti vā vuccati , na taṃyeva upādāya tassā kadācipi sukhumatā paṇītatā vā atthīti vuttaṃ ‘‘ oḷārikasukhumādisaṅkarābhāvato ’’ ti .
Yathāvuttasamphassassāti sukhavedanīyādiphassassa .Sukhavedanīyaphassatoyeva sukhavedanā , na itaraphassato .Sukhavedanīyaphassato sukhavedanāva , na itaravedanā .Tathā sesesupīti ubhayapadaniyamavasena yathāphassaṃ vedanāvavatthānaṃ , yathāvedanaṃ phassavavatthānanti padadvayena kāraṇantarāsammissatā phalassa , phalantarāsammissatāM0.109 ca kāraṇassa dassitā paṭhamapakkhe asaṃkiṇṇatāvavatthānanti katvā .Dutiyapakkhe pana paccayabhedabhinnena kāraṇavisesena phalaviseso , phalavisesena ca kāraṇaviseso nicchīyatīti ayamattho dassito sanniṭṭhānaṃ vavatthānanti katvā .Purimasmiñca pakkhe dhammānaṃ asaṅkarato vavatthānaṃ vuttaṃ , dutiyasmiñca yathāvavatthitabhāvajānananti ayametesaṃ viseso .
Utuādayoti ādi -saddena cittavisamācārā pittavātādayopi saṅgayhanti .Ekasmiṃ dose kupite itarepi khobhaṃ gacchanti .Santesupi tesu semhapaṭikārena rogavūpasamato semho pākaṭoti attho .
‘‘ Bhavo ’’ ti vuttānaṃ saṅkhārānaṃ kāraṇassa pakāraṇaṃ , kāraṇameva vā taṇhāti āha ‘‘ taṇhāya saṅkhārakāraṇabhāvassa vuttattā ’’ ti .
Tassāpīti taṇhāyapi .Taṇhā hi kāmāsavo bhavāsavo ca .
Kāmāsavabhavāsavā kāmupādānaṃ , diṭṭhāsavo itarupādānanti āha ‘‘ caturupādānabhūtāV0.106 kāmabhavadiṭṭhāsavā ’’ ti .Te ca ‘‘ upādānapaccayā bhavo ’’ ti vacanato upādānañca ,‘‘ taṇhāpaccayā upādānan ’’ ti vacanato taṇhā ca saṅkhārassa kāraṇanti pākaṭā .
Anassādanīyesu anekādīnavavokiṇṇesu saṅkhāresu assādānupassanā avijjāya vinā na hotīti dassento āha ‘‘ assādānupassino … pe … dassitā hotī ’’ ti .
Khīṇāsavassa saṅkhārābhāvatoti byatirekenapi avijjāya saṅkhārakāraṇabhāvaṃ vibhāveti .Ekantena hi khīṇāsavova viddasu .Etena bālānaṃ eva sambhavato avijjāya asādhāraṇatā vuttāti dasseti .Vatthārammaṇādīni hi itaresampi sādhāraṇāni . Vatthārammaṇataṇhupādānādīni viya avijjāpi puññābhisaṅkhārādīnaṃ sādhāraṇakāraṇanti codanaṃ manasi katvā āha ‘‘ puññabhavādī ’’ tiādi .Tattha ādi -saddena apuññāneñjabhavā gahetabbā .Puññabhavoti puññābhisaṅkhārahetuko upapattibhavo .Esa nayo sesesu .Ettha ca kiccakaraṇaṭṭhānabhedena kiccavatī avijjā bhinditvā dassitā .Na hi yadavatthā avijjā puññābhisaṅkhārānaṃ upanissayo , tadavatthā eva itaresaṃ upanissayoti sakkā viññātuṃ .Ettha ca bhavādīnavappaṭicchādanan ti atthato puññābhisaṅkhārādīnaṃ taṃtaṃbhavasaṅkhātadukkhahetusabhāvānabhisamayanimittatā .
Ṭhānan tiM0.110 dharamānatā adhippetāti vuttaṃ ‘‘ ṭhānaviruddhoti atthitāviruddho ’’ ti .Ṭhānāviruddhā cakkhurūpādayo .
‘‘ Purimacittañhī ’’ tiādinā ṭhānaviruddho ca udāhaṭoti āha ‘‘ na idaṃ ekantikaṃ siyā ’’ ti .‘‘ Cakkhurūpādayo ’’ tiādinā hi parato ṭhānāviruddhā udāharīyantīti .
Purimasippādisikkhā hi pacchā pavattamānasippādikiriyānaṃ samodhānāsambhavā ṭhānavirodhoti yathāvuttamatthaṃ samatthetuṃ ‘‘ na ca sippādīnan ’’ tiādi vuttaṃ .Tattha tan ti paṭisandhiādiṭhānaṃ .Idhāti ṭhānasabhāvakiccādiggahaṇe .Ādi -saddena ārammaṇabhūmisantānādiviruddhā gahetabbā , te ca anulomato gotrabhussa , gotrabhuto maggassa liṅgaparivattanādivasena ca pavattiyaṃ veditabbā .
Namanaruppanavirodhā sabhāvaviruddho paccayoti yojanā .Tattha namanaruppanan ti arūparūpabhāvameva dasseti .Kammaṃ cetanāsabhāvaṃ , rūpaṃ ruppanasabhāvanti sabhāvaviruddhaṃ .
Madhurambilarasādīti khīraṃ madhurarasaṃ pittupasamanaṃ madhuravipākasabhāvaṃ , dadhi ambilarasaṃ pittabrūhanaṃ kaṭukavipākasabhāvanti ato sabhāvavirodhā .
AvīV0.107 nāma eḷakā , tā pana yebhuyyena rattalomakā hontīti vuttaṃ ‘‘ rattā eḷakā ’’ ti .
Vipākānampi paccayabhāvato , avipākānampi paccayuppannabhāvato na vipākadhammavipākāpekkhā paccayapaccayuppannatāti vuttaṃ ‘‘ vipākāyeva te ca nā ’’ ti .Tenāha ‘‘ tasmā ’’ tiādi .Tadavipākānan ti tassā avijjāya avipākabhūtānaṃ .Na na yujjati yujjati eva paccayuppannatāmattassa adhippetattā .
Pubbāpariyavavatthānan ti kāyapavattigatijātiādīnaṃ yathārahaṃ pubbāparabhāvena pavatti , sā pana kenaci akaṭā akaṭavidhā paṭiniyatasabhāvāti dassetuṃ niyativādinā vuttanidassanaṃ āharanto ‘‘ acchejjasuttāvutābhejjamaṇīnaṃ viyā ’’ ti āha .Dutiyavikappe saṅgatīti adhiccasamuppādo yādicchikatā , yaṃ sandhāya ‘‘ yadicchāya pavattanaṃ nivattanaṃ yadicchāyā ’’ tiādi vuccati .
Bhāvoti dhammānaṃ sabhāvasiddhitā , yaṃ sandhāya vadanti ‘‘ kaṇṭakassa koṭitikhiṇabhāvaṃ , kapiṭṭhaphalassa vaṭṭabhāvaṃ , migapakkhīnaṃ vā vicittavaṇṇasaṇṭhānāditaṃ ko abhisaṅkharoti , kevalaṃ sabhāvasiddhovāyaṃ viseso ’’ ti .Tenāha ‘‘ sabbe sattā , sabbe pāṇāM0.111 , sabbe bhūtā , sabbe jīvā avasā abalā avīriyā niyatisaṅgatibhāvapariṇatā ’’ ti ( dī . ni .1.168).
Etehi vikappanehīti cutiādīsu sammūḷhatāya ‘‘ satto maratī ’’ tiādivikappanehi kāraṇabhūtehi .Akusalaṃ cittaṃ katvāti ayonisomanasikāraparibrūhanena cittaṃ akusalaṃ katvā .
Suttādidhamman ti suttageyyādipariyattidhammaṃ .Pariyattidhammañhi sammadeva jānanto paṭipattidhammaṃ paripūretvā paṭivedhadhamme patiṭṭhahati .
Tan ti taṃ jānanaṃ , nibbānābhisamayoti attho .