987. Abyākatapadaniddeso uttānatthoyevāti .Imasmiṃ tike tīṇi lakkhaṇāni tisso paññattiyo kasiṇugghāṭimākāsaṃ ajaṭākāsaṃ ākiñcaññāyatanassa ārammaṇaṃ nirodhasamāpatti ca na labbhatīti vuttaṃ .
1050. Ajjhattattikaniddese tesaṃ tesan ti padadvayena sabbasatte pariyādiyati .Ajjhattaṃ paccattan ti ubhayaṃ niyakajjhattādhivacanaṃ .Niyatāti attani jātā .Pāṭipuggalikāti pāṭiyekkassa pāṭiyekkassa
V0.389 puggalassa santakā .Upādiṇṇāti sarīraṭṭhakā .Te hi kammanibbattā vā hontu mā vā , ādinnagahitaparāmaṭṭhavasena pana idha upādiṇṇāti vuttā .