Sābhāvika vibhāvanā
251.
Na hoti khalu dujjanya , mapi dujjanasaṅgame ;
Sabhāvanimmalatare , sādhujantūna cetasi .
252.
Janako
M0.178 , ñāpako ceti , duvidhā hetavo siyuṃ ;Paṭisaṅkharaṇaṃ tesaṃ , alaṅkāratāyo ’ ditaṃ .
253.
Bhāvā ’ bhāva kiccavasā , cittahetuvasāpi ca ;
Bhedā ’ nantā idaṃ tesaṃ , mukhamatta nidassanaṃ .
254.
Paramatthapakāse ’ ka , rasā sabbamanoharā ;
Munino desanā ’ yaṃ me , kāmaṃ toseti mānasaṃ .
Bhāvakicco kārakahetu .
255.
Dhīrehi saha saṃvāsā , saddhammassā ’ bhiyogato ;
Niggaheni ’ ndriyānañca , dukkhassu ’ pasamo siyā .
Abhāvakicco kārakahetu .
256.
Muninda ’ canda saṃvādi , kantabhāvo ’ pasobhinā ;
Mukhene ’ va subodhaṃ te , manaṃ pāpā ’ bhinissaṭaṃ .
Bhāvakicco ñāpakahetu .
257.
Sādhuhatthā ’ ravindāni , saṅkocayati te kathaṃ ;
Muninda !
Caraṇadvanda , rāgabālā ’ tapo phusaṃ ?
Ayuttakārī cittahetu .
258.
Saṅkocayanti jantūnaṃ , pāṇipaṅkeruhāni ’ ha ;
Muninda !
Caraṇadvanda , nakha candāna ’ maṃsavo .
Yuttakārī cittahetu .
259.
Uddiṭṭhānaṃ padatthānaṃ , anuddeso yathākkamaṃ ;
‘ Saṅkhyāna ’ miti niddiṭṭhaṃ , yathāsaṅkhyaṃ kamo pi ca .
260.
Ālāpa hāsa līḷāhi , muninda !
Vijayā tava ;
Kokilā kumudāni co , pasevante vanaṃ jalaṃ .
261.
Siyā piyataraṃ nāma , attharūpassa kassaci ;
Piyassā ’ tisayene ’ taṃ , yaṃ hoti paṭipādanaṃ .
262.
Pītiyā me samuppannā , santa !
Sandassanā tava ;
Kālenā ’ yaṃ bhave pīti , tave ’ va puna dassanā .
263.
Vaṇṇiteno ’ pamānena , vutyā ’ dhippeta vatthuno ;
Samāsavutti nāmā ’ yaṃ , attha saṅkhepa rūpato .
264.
Sā ’ yaṃ
M0.179 visesyamattena , bhinnā ’ bhinnavisesanā ;Atthe ’ va aparā pya ’ tthi , bhinnā ’ bhinnavisesanā .