7. Mahākoṭṭhikattheraapadānaṃ
221.
‘‘ Padumuttaro
T2.203P2.479 nāma jino , sabbalokavidū muni ;Ito satasahassamhi , kappe uppajji cakkhumā .
222.
‘‘ Ovādako viññāpako , tārako sabbapāṇinaṃ ;
Desanākusalo buddho , tāresi janataṃ bahuṃ .
223.
‘‘ Anukampako
V2.128 kāruṇiko , hitesī sabbapāṇinaṃ ;Sampatte titthiye sabbe , pañcasīle patiṭṭhapi .
224.
‘‘ Evaṃ nirākulaṃ āsi , suññataṃ titthiyehi ca ;
Vicittaṃ arahantehi , vasībhūtehi tādibhi .
225.
‘‘ Ratanānaṭṭhapaññāsaṃ , uggato so mahāmuni ;
Kañcanagghiyasaṅkāso , bāttiṃsavaralakkhaṇo .
226.
‘‘ Vassasatasahassāni , āyu vijjati tāvade ;
Tāvatā tiṭṭhamāno so , tāresi janataṃ bahuṃ .
227.
‘‘ Tadāhaṃ haṃsavatiyaṃ , brāhmaṇo vedapāragū ;
Upecca sabbalokaggaṃ [ sabbasāraggaṃ ( sī .), sattapāragaṃ ( pī .)], assosiṃ dhammadesanaṃ .
228.
‘‘ Tadā so sāvakaṃ vīro , pabhinnamatigocaraṃ ;
Atthe dhamme nirutte ca , paṭibhāne ca kovidaṃ .
229.
‘‘ Ṭhapesi etadaggamhi , taṃ sutvā mudito ahaṃ ;
Sasāvakaṃ jinavaraṃ , sattāhaṃ bhojayiṃ tadā .
230.
‘‘ Dussehacchādayitvāna
T2.204 , sasissaṃ buddhisāgaraṃ [ buddhasāgaraṃ ( ka .)];Nipacca pādamūlamhi , taṃ ṭhānaṃ patthayiṃ ahaṃ .
231.
‘‘ Tato
M2.132 avoca lokaggo ,‘ passathetaṃ dijuttamaṃ ;Vinataṃ pādamūle me , kamalodarasappabhaṃ .
232.
‘‘‘ Buddhaseṭṭhassa [ seṭṭhaṃ buddhassa ( syā . ka .)] bhikkhussa , ṭhānaṃ patthayate ayaṃ ;
Tāya saddhāya cāgena , saddhammassavanena [ tena dhammassavena ( sī . pī . ka .)] ca .
233.
‘‘‘ Sabbattha sukhito hutvā , saṃsaritvā bhavābhave ;
Anāgatamhi addhāne , lacchase taṃ manorathaṃ .
234.
‘‘‘ Satasahassito kappe , okkākakulasambhavo ;
Gotamo nāma gottena , satthā loke bhavissati .
235.
‘‘‘ Tassa
P2.480 dhammesu dāyādo , oraso dhammanimmito ;Koṭṭhiko nāma nāmena , hessati satthu sāvako ’.
236.
‘‘ Taṃ sutvā mudito hutvā , yāvajīvaṃ tadā jinaṃ ;
Mettacitto paricariṃ , sato paññāsamāhito .
237.
‘‘ Tena
V2.129 kammavipākena , cetanāpaṇidhīhi ca ;Jahitvā mānusaṃ dehaṃ , tāvatiṃsamagacchahaṃ .
238.
‘‘ Satānaṃ tīṇikkhattuñca , devarajjamakārayiṃ ;
Satānaṃ pañcakkhattuñca , cakkavattī ahosahaṃ .
239.
‘‘ Padesarajjaṃ vipulaṃ , gaṇanāto asaṅkhiyaṃ ;
Sabbattha sukhito āsiṃ , tassa kammassa vāhasā .
240.
‘‘ Duve
T2.205 bhave saṃsarāmi , devatte atha mānuse ;Aññaṃ gatiṃ na gacchāmi , suciṇṇassa idaṃ phalaṃ .
241.
‘‘ Duve kule pajāyāmi , khattiye atha brāhmaṇe ;
‘‘ Nīce kule na jāyāmi , suciṇṇassa idaṃ phalaṃ .
242.
‘‘ Pacchime bhave sampatte , brahmabandhu ahosahaṃ ;
Sāvatthiyaṃ vippakule , paccājāto mahaddhane .
243.
‘‘ Mātā candavatī nāma , pitā me assalāyano ;
Yadā me pitaraṃ buddho , vinayī sabbasuddhiyā .
244.
‘‘ Tadā
M2.133 pasanno sugate , pabbajiṃ anagāriyaṃ ;Moggallāno ācariyo , upajjhā sārisambhavo .
245.
‘‘ Kesesu chijjamānesu , diṭṭhi chinnā samūlikā ;
Nivāsento ca kāsāvaṃ , arahattamapāpuṇiṃ .
246.
‘‘ Atthadhammaniruttīsu , paṭibhāne ca me mati ;
Pabhinnā tena lokaggo , etadagge ṭhapesi maṃ .
247.
‘‘ Asandiṭṭhaṃ viyākāsiṃ , upatissena pucchito ;
Paṭisambhidāsu tenāhaṃ , aggo sambuddhasāsane .
248.
‘‘ Kilesā jhāpitā mayhaṃ … pe … viharāmi anāsavo .
249.
‘‘ Svāgataṃ vata me āsi … pe … kataṃ buddhassa sāsanaṃ .
250.
‘‘ Paṭisambhidā
T2.206 catasso … pe … kataṃ buddhassa sāsanaṃ ’’.Itthaṃ sudaṃ āyasmā mahākoṭṭhiko thero imā gāthāyo
Abhāsitthāti .
Mahākoṭṭhikattherassāpadānaṃ sattamaṃ .