47. Kesan tiV1.109 sāmivasena vuttakasaddo ‘‘ dhammaṭṭhā sīlasampannā ’’ ti ettha paccattabahuvacanavasena pariṇāmetabbo .Atthavasena hi vibhattivipariṇāmo .

47. Sattame dhammaṭṭhā sīlasampannāti ke dhammaṭṭhā , ke sīlasampannāti pucchati .

Bhagavā imaṃ pañhaṃ thāvaravatthunā dīpento ārāmaropātiādimāha .Tattha ārāmaropāti pupphārāmaphalārāmaropakā .Vanaropāti sayaṃjāte aropimavane sīmaṃ parikkhipitvā cetiyabodhicaṅkamanamaṇḍapakuṭileṇarattiṭṭhānadivāṭṭhānānaṃ kārakā chāyūpage rukkhe ropetvā dadamānāpi vanaropāyeva nāma .Setukārakāti visame setuṃ karonti , udake nāvaṃ paṭiyādentiV1.80 .

Papan ti pānīyadānasālaṃ .Udapānan ti yaṃkiñci pokkharaṇītaḷākādiṃ .Upassayan ti vāsāgāraṃ .‘‘ Upāsayan ’’ tipi pāṭho .

Sadā puññaṃ pavaḍḍhatīti na akusalavitakkaṃP1.89 vā vitakkentassa niddāyantassa vā pavaḍḍhati .Yadā yadā pana anussarati , tadā tadā tassa vaḍḍhati .Imamatthaṃ sandhāya ‘‘ sadā puññaṃ pavaḍḍhatī ’’ ti vuttaṃ .

Dhammaṭṭhā sīlasampannāti tasmiṃ dhamme ṭhitattā tenapi sīlena sampannattā dhammaṭṭhā sīlasampannā .Atha vāM1.84 evarūpāni puññāni karontānaṃ dasa kusalā dhammā pūrenti , tesu ṭhitattā dhammaṭṭhā .Teneva ca sīlena sampannattā sīlasampannāti .Sattamaṃ .