Suddhasaccikaṭṭhaanulomapaccanīkaṃ
Puggalo
M0.30V0.26 upalabbhati saccikaṭṭhaparamatthenāti ( kathā .1), āmantā .Yo saccikaṭṭho paramattho , tato so puggalo upalabbhati saccikaṭṭhaparamatthenāti ?
Na hevaṃ vattabbe .
Ājānāhi niggahaṃ – hañci puggalo upalabbhati saccikaṭṭhaparamatthena , tena vata re vattabbe ‘‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’ ti .
Yaṃ tattha vadesi ‘‘ vattabbe kho ‘ puggalo upalabbhati saccikaṭṭhaparamatthena ’, no ca vattabbe ‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’’ ti , micchā .
No ce pana vattabbe ‘‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’ ti , no ca vata re vattabbe ‘‘ puggalo upalabbhati saccikaṭṭhaparamatthenā ’’ ti .
Yaṃ tattha vadesi ‘‘ vattabbe kho ‘ puggalo upalabbhati saccikaṭṭhaparamatthena ’, no ca vattabbe ‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’’ ti , micchā .
Anulomapañcakaṃ .
Puggalo nupalabbhati saccikaṭṭhaparamatthenāti ?
Āmantā .
Yo saccikaṭṭho paramattho , tato so puggalo nupalabbhati saccikaṭṭhaparamatthenāti ?
Na hevaṃ vattabbe .
Ājānāhi
M0.31 paṭikammaṃ – hañci puggalo nupalabbhati saccikaṭṭhaparamatthena , tena vata re vattabbe ‘‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’ ti .Yaṃ
V0.27 tattha vadesi ‘‘ vattabbe kho ‘ puggalo nupalabbhati saccikaṭṭhaparamatthena ’, no ca vattabbe ‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’’ ti , micchā .No ce pana vattabbe ‘‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’ ti , no ca vata re vattabbe ‘‘ puggalo nupalabbhati saccikaṭṭhaparamatthenā ’’ ti .
Yaṃ tattha vadesi ‘‘ vattabbe kho ‘ puggalo nupalabbhati saccikaṭṭhaparamatthena ’, no ca vattabbe ‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’’ ti , micchā .
Paṭikammacatukkaṃ .
Tvaṃ ce pana maññasi ‘‘ vattabbe kho ‘ puggalo nupalabbhati saccikaṭṭhaparamatthena ’, no ca vattabbe ‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’’ ti .
Tena tava tattha hetāya paṭiññāya hevaṃ paṭijānantaṃ hevaṃ niggahetabbe , atha taṃ niggaṇhāma , suniggahito ca hosi –
Hañci puggalo nupalabbhati saccikaṭṭhaparamatthena , tena vata re vattabbe ‘‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’ ti .
Yaṃ tattha vadesi ‘‘ vattabbe kho ‘ puggalo nupalabbhati saccikaṭṭhaparamatthena ’, no ca vattabbe ‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’’ ti , micchā .
No
M0.32 ce pana vattabbe ‘‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’ ti , no ca vata re vattabbe ‘‘ puggalo nupalabbhati saccikaṭṭhaparamatthenā ’’ ti .Yaṃ tattha vadesi ‘‘ vattabbe kho ‘ puggalo nupalabbhati saccikaṭṭhaparamatthena ’, no ca vattabbe ‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’’ ti , idaṃ te micchā .
Niggahacatukkaṃ .
Ese
V0.28 ce dunniggahite hevamevaṃ tattha dakkha ,‘‘ vattabbe kho ‘ puggalo upalabbhati saccikaṭṭhaparamatthena ’, no ca vattabbe ‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’’ ti , no ca mayaṃ tayā tattha hetāya paṭiññāya hevaṃ paṭijānantā hevaṃ niggahetabbā , atha maṃ niggaṇhāsi , dunniggahitā ca homa –Hañci puggalo upalabbhati saccikaṭṭhaparamatthena , tena vata re vattabbe ‘‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’ ti .
Yaṃ tattha vadesi ‘‘ vattabbe kho ‘ puggalo upalabbhati saccikaṭṭhaparamatthena ’, no ca vattabbe ‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’’ ti , micchā .
No ce pana vattabbe ‘‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’ ti , no ca vata re vattabbe ‘‘ puggalo upalabbhati saccikaṭṭhaparamatthenā ’’ ti , yaṃ tattha vadesi ‘‘ vattabbe kho ‘ puggalo upalabbhati saccikaṭṭhaparamatthena ’, no ca vattabbe ‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’’ ti , idaṃ te micchā .
Upanayanacatukkaṃ .
Na
M0.33 hevaṃ niggahetabbe , tena hi yaṃ niggaṇhāsi – hañci puggalo upalabbhati saccikaṭṭhaparamatthena , tena vata re vattabbe ‘‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’ ti .Yaṃ tattha vadesi ‘‘ vattabbe kho ‘ puggalo upalabbhati saccikaṭṭhaparamatthena ’, no ca vattabbe ‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’’ ti , micchā .
No ce pana vattabbe ‘‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’ ti , no ca vata re vattabbe ‘‘ puggalo upalabbhati saccikaṭṭhaparamatthenā ’’ ti .
Yaṃ tattha vadesi ‘‘ vattabbe kho ‘ puggalo upalabbhati saccikaṭṭhaparamatthena ’, no ca vattabbe ‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’’ ti
V0.29 , idaṃ te micchā .Tena hi ye kate niggahe , se niggahe dukkaṭe .
Sukate paṭikamme .
Sukatā paṭipādanāti .
Niggamanacatukkaṃ .
Paṭhamo niggaho .