Issues
Editor
Settings
Abhidhammamātikāpāḷi
Abhidhammamātikāpāḷi

Kālasaccikaṭṭhaanulomapaccanīkaṃ

Author： _System_Pali_VRI_ @ Administrator

Kālasaccikaṭṭhaanulomapaccanīkaṃ

PuggaloV0.33 upalabbhati saccikaṭṭhaparamatthenāti ?
Āmantā .
Sabbadā puggalo upalabbhati saccikaṭṭhaparamatthenāti ?
Na hevaṃ vattabbe .
ĀjānāhiM0.38 niggahaṃ – hañci puggalo upalabbhati saccikaṭṭhaparamatthena , tena vata re vattabbe ‘‘ sabbadā puggalo upalabbhati saccikaṭṭhaparamatthenā ’’ ti .
Yaṃ tattha vadesi ‘‘ vattabbe kho ‘ puggalo upalabbhati saccikaṭṭhaparamatthena ’, no ca vattabbe ‘ sabbadā puggalo upalabbhati saccikaṭṭhaparamatthenā ’’’ ti micchā .
No ce pana vattabbe ‘‘ sabbadā puggalo upalabbhati saccikaṭṭhaparamatthenā ’’ ti , no ca vata re vattabbe ‘‘ puggalo upalabbhati saccikaṭṭhaparamatthenā ’’ ti .
Yaṃ tattha vadesi ‘‘ vattabbe kho ‘ puggalo upalabbhati saccikaṭṭhaparamatthena ’, no ca vattabbe ‘ sabbadā puggalo upalabbhati saccikaṭṭhaparamatthenā ’’’ ti , micchā … pe ….
Catuttho niggaho .