Dhammadāyādasutta
Pucchā – dhammadāyādasuttaṃ
M1.7 panāvuso bhagavatā kattha kaṃ ārabbha kismiṃ vatthusmiṃ bhāsitaṃ .Vissajjanā – sāvatthiyaṃ bhante sambahule bhikkhū ārabbha bhāsitaṃ , bhagavato ca bhante bhikkhusaṅghassa ca tadā mahālābhasakkāro udapādi , tasmiṃ bhante vatthusmiṃ bhāsitaṃ .
Pucchā – tatthāvuso
M1.9 dve anusandhayo , tesu paṭhame anusandhimhi kathaṃ bhagavatā bhikkhūnaṃ ovādo dinno .Vissajjanā – paṭhame bhante anusandhimhi dhammadāyādā me bhikkhave bhavatha mā āmisadāyādā , atthi me tumhesu anukampā , kinti me sāvakā dhammadāyādā bhaveyyuṃ no āmisadāyādāti evamādinā bhagavatā bhikkhūnaṃ ovādo dinno .
Dhammadāyādā
M1.11 me bhikkhave bhavatha mā āmisadāyādā , atthi me tumhesu anukampā kinti me sāvakā dhammadāyādā bhaveyyuṃ , no āmisadāyādā .Pucchā – dutiye
M1.12 panāvuso anusandhimhi āyasmatā sāriputtattherena dhammasenāpatinā kīdisī dhammadesanā vibhajitvā pakāsitā .Vissajjanā – dutiye pana bhante anusandhimhi āyasmatā sāriputtattherena dhammasenāpatinā satthu pavivittassa viharato sāvakānaṃ vivekaṃ ananusikkhataṃ tīhi ṭhānehi gārayutaṃ , anusikkhantānañca tīhi ṭhānehi pāsaṃsataṃ , soḷasa ca pāpake dhamme tesañca pahānāya majjhimā paṭipadā vibhajitvā pakāsitā .