Sāmagāmasutta
Pucchā – sāmagāmasuttaṃ
M2.155 panāvuso bhagavatā kattha kaṃ ārabbha kismiṃ vatthusmiṃ bhāsitaṃ .Vissajjanā – sakkesu bhante sāmagāme nāma sakyānaṃ nigame āyasmantañca ānandaṃ āyasmantañca cundaṃ ārabbha bhāsitaṃ , āyasmā ca bhante ānando āyasmā ca cundo yena bhagavā tenupasaṅkamisu , upasaṅkamitvā bhagavantaṃ abhivādetvā ekamantaṃ nisīdiṃsu , ekamantaṃ nisinno kho āyasmā ānando bhagavantaṃ etadavoca ‘‘ ayaṃ bhante cundo samaṇuddeso evamāha ‘ nigaṇṭho bhante nāṭaputto pāvāyaṃ adhunā kālaṅkato , tassa kālaṅkiriyāya bhinnā nigaṇṭhā dvedhikajātā bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti … pe …
M2.156 bhinnathūpe appaṭisaraṇe ’ ti .Tassa mayhaṃ bhante evaṃ hoti ‘ māheva bhagavato accayena saṅghe vivādo uppajji , svāssa vivādo bahujanaahitāya bahujanaasukhāya bahuno janassa anatthāya ahitāya dukkhāya devamanussānan ’ ti ’’.
Tasmiṃ bhante vatthusmiṃ bhāsitaṃ .