Sandakasutta
Pucchā – sandakasuttaṃ panāvuso kattha kaṃ ārabbha kismiṃ vatthusmiṃ kena bhāsitaṃ .
Vissajjanā – kosambiyaṃ
M2.44 bhante sandakaṃ paribbājakaṃ ārabbha āyasmatā ānandattherena dhammabhaṇḍāgārikena bhāsitaṃ .Sandako bhante paribbājako āyasmantaṃ ānandaṃ etadavoca ‘‘ sādhuvata bhavantaṃyeva ānandaṃ paṭibhātu sake ācariya ke dhammikathā ’’ ti , tasmiṃ bhante vatthusmiṃ bhāsitaṃ .
Pucchā – kathañcāvuso
M2.45 tattha cattāro abrahmacariyavāsā āyasmatā ānandattherena dhammabhaṇḍāgārikena vicāretvā pakāsitā .Vissajjanā – idha sandaka ekacco satthā evaṃvādī hoti evaṃdiṭṭhi natthi dinnaṃ , natthi yiṭṭhaṃ , natthi hutaṃ , natthi sukatadukkaṭānaṃ kammānaṃ phalaṃvipāko , natthi ayaṃloko , natthi paroloko , natthi mātā , natthi pitā , natthi sattā opapātikāti
Evamādinā
M2.46 bhante tattha āyasmatā ānandattherena dhammabhaṇḍāgārikena cattāro abrahmacariyavāsā vicāretvā pakāsitā .Pucchā – kathañcāvuso
M2.49 tattha cattāri anassāsikāni brahmacariyāni āyasmatā ānandattherena dhammabhaṇḍāgārikena vicāretvā pakāsitāni .Vissajjanā – idha
M2.50 sandaka ekacco satthā sabbaññū sabbadassāvī aparisesaṃ ñāṇadassanaṃ paṭijānāti ‘‘ carato ca me tiṭṭhato ca suttassa ca jāgarassa ca satataṃ samitaṃ ñāṇadassanaṃ paccupaṭṭhitan ’’ ti evamādinā bhante tattha āyasmatā ānandattherena dhammabhaṇḍāgārikena cattāri anassāsikāni brahmacariyāni vibhajitvā pakāsitāni .Pucchā – atha
M2.54 Kho āvuso sandako paribbājako āyasmantaṃ ānandattheraṃ kathaṃ pucchi , tathañcassāyasmānandatthero byākāsi .Vissajjanā – atha kho bhante sandako paribbājako ‘‘ so pana bho ānanda satthā kiṃvādī kiṃ akkhāyī ’’ ti evamādinā āyasmantaṃ ānandattheraṃ pucchi , āyasmā ca bhante ānandatthero ‘‘ idha sandaka tathāgato loke uppajjati arahaṃ sammāsambuddho vijjācaraṇasampanno ’’ ti evamādinā sandakassa paribbājakassa vibhajitvā vibhajitvā byākāsi .
Pucchā – imañca
M2.56 panāvuso dhammadesanaṃ sutvā sandako paribbājako imasmiṃ dhammavinaye pasanno kīdisaṃ pasannākāramakāsi .Vissajjanā – imañca
M2.57 bhante dhammadesanaṃ sutvā sandako paribbājako ‘‘ acchariyaṃ bho ānanda , abbhutaṃ bho ānanda , na ca nāma sadhammokkaṃsanā bhavissati , na paradhammavambhanā , āyatane ca dhammadesanā , tāva bahukā ca niyyātāro paññāyissantī ’’ ti evamādinā imasmiṃ dhammavinaye pasanno pasannākāramakāsi .