7. Arahantavaggo
90.
Gataddhino
T0.27 visokassa , vippamuttassa sabbadhi ;Sabbaganthappahīnassa , pariḷāho na vijjati .
91.
Uyyuñjanti
V0.25 satīmanto , na nikete ramanti te ;Haṃsāva pallalaṃ hitvā , okamokaṃ jahanti te .
92.
Yesaṃ
P0.14 sannicayo natthi , ye pariññātabhojanā ;Suññato animitto ca , vimokkho yesaṃ gocaro ;
Ākāse va sakuntānaṃ [ sakuṇānaṃ ( ka .)], gati tesaṃ durannayā .
93.
Yassāsavā
M0.27 parikkhīṇā , āhāre ca anissito ;Suññato animitto ca , vimokkho yassa gocaro ;
Ākāse va sakuntānaṃ , padaṃ tassa durannayaṃ .
94.
Yassindriyāni samathaṅgatāni [ samathaṃ gatāni ( sī . pī .)], assā yathā sārathinā sudantā ;
Pahīnamānassa anāsavassa , devāpi tassa pihayanti tādino .
95.
Pathavisamo no virujjhati , indakhilupamo [ indakhīlūpamo ( sī . syā . ka .)] tādi subbato ;
Rahadova apetakaddamo , saṃsārā na bhavanti tādino .
96.
Santaṃ
T0.28 tassa manaṃ hoti , santā vācā ca kamma ca ;Sammadaññā vimuttassa , upasantassa tādino .
97.
Assaddho akataññū ca , sandhicchedo ca yo naro ;
Hatāvakāso vantāso , sa ve uttamaporiso .
98.
Gāme vā yadi vāraññe , ninne vā yadi vā thale ;
Yattha arahanto viharanti , taṃ bhūmirāmaṇeyyakaṃ .
99.
Ramaṇīyāni
M0.28P0.15 araññāni , yattha na ramatī jano ;Vītarāgā ramissanti , na te kāmagavesino .
Arahantavaggo sattamo niṭṭhito .