Ayañca vippayuttatā na sampayuttapaccayatāya viya aññamaññaṃ paccayapaccayuppannadhammavasena gahetabbā , atha kho visuṃyeva .Tattha hi arūpadhammānaṃ samānajātiyatāya samadhuraṃ , idha rūpārūpadhammānaṃ vijātiyatāya vidhuraṃ .
Sampayujjamānānañhi arūpānaṃ rūpehi , rūpānañca tehi siyā sampayogāsaṅkāti tesaṃ aññamaññaṃ vippayuttapaccayatā vuttā .Sampayujjamānānañhi arūpānaṃ rūpehi , rūpānañca tehi siyā sampayogāsaṅkā , sampayogalakkhaṇaṃ pana natthīti tesaṃ vippayogo vutto .Rūpānaṃ pana rūpehi sampayogo natthīti na tesaṃ vippayuttapaccayatā vuttā .