Tayo satipaṭṭhānāti satipaṭṭhāna-saddassa
P2.362 atthuddhāradassanaṃ , na idha pāḷiyaṃ vuttassa satipaṭṭhāna-saddassa atthadassananti .Ādīsu hi satigocaroti ettha ādi -saddena ‘‘ phassasamudayā vedanānaṃ samudayo , nāmarūpasamudayā cittassa samudayo , manasikārasamudayā dhammānaṃ samudayo ’’ ti ( saṃ . ni .5.408)‘‘ satipaṭṭhānā ’’ ti vuttānaṃ sabhigocarānaṃ pakāsake suttappadese saṅgaṇhāti .
Satiyā paṭṭhānan ti satiyā patiṭṭhātabbaṭṭhānaṃ .
Paṭṭhātīti ettha pa -saddo bhusatthavisiṭṭhaṃ pakkhandanaṃ dīpetīti ‘‘ okkanditvā pakkhanditvā pattharitvā pavattatīti attho ’’ ti āha .Puna bhāvatthaṃ sati , saddaṃ , paṭṭhānasaddañca
M2.288 vaṇṇento ‘‘ atha vā ’’ tiādimāha , tena purimavikappe sati , saddo , paṭṭhāna-saddo ca kattuatthotiP2.364 viññāyati .