Tatthimā uddānagāthā
Sace
V0.206 bhāyasi dukkhassa , mābhinandi anāgataṃ ;Vassakāle yathā chattaṃ , kusalāni kamatthake .
Sabbe
P0.58 dhammā anattāti , samāgataṃ vicālaye ;Na vo dukkhā pamokkhātthi , samatho ca vipassanā .
Kāmacchandaṃ upādāya , yo so vitakkehi khajjati ;
Subhāvitatte bojjhaṅge , so imaṃ vijaṭaye jaṭaṃ .
Suññato lokaṃ avekkhassu , samādhibhāvi bhāvase ;
Kāmaṃ kāmayamānassa , dhammacariyāya sugatiṃ .
Haññate sabbā mucceva , nippoṭhento catuddisā ;
Yo kāme parivajjeti , pārichattopameva ca .
Yāni
M0.208 karoti puriso , lokadhammā pakāsitā ;Sukho vipāko puññānaṃ , tatiyaṃ aññaṃ na vijjati .
Ādānassa bhayaṃ ñatvā , jāyate jīyatepi ca ;
Kāmā hi citrā vividhā , atha loṇasallopamaṃ .
Na hi pāpaṃ kataṃ kammaṃ , agatīhi ca gacchati ;
Yassindriyāni samathaṅgatāni , tatheva pañcañāṇiko .
Sattiyā viya omaṭṭho , viññāṇañca patiṭṭhitā ;
Yo pāṇamatipāteti , tīṇi duccaritāni ca .
Saṭṭhivassasahassāni , khaṇaṃ laddhāna dullabhaṃ ;
Ayasāva malaṃ samuṭṭhitaṃ , catūsu paṭipattisu .
Nelaṅgo
V0.207 setapacchādo , atha gopālakopamaṃ ;Sukho viveko tuṭṭhassa , vitakkā ca sudesitā .
Pheṇapiṇḍopamaṃ rūpaṃ , brahā uju patāpavā ;
Paññā hi seṭṭhā lokasmiṃ , anaññā tīṇi indriyāni .
Kāmesu
P0.59 sattā kāmasaṅgasattā , atha vaṇṇo rahassavā ;Sabbe dhammā anattāti , ariyasaccañca desitaṃ .
Eseva maggo natthañño , sotāpannoti byākare ;
Yassindriyāni subhāvitāni , atha dhammapadehi ca .
Vacasā manasā ceva , pañcakkhandhā aniccato ;
Yāni karoti puriso , tīṇi sucaritāni ca .
Rūpaṃ vedayitaṃ saññā , pañcakkhandhā pakāsitā ;
Yo evaṃ paṭipajjati , brahmā ceva phalāni ca .
Sabbapāpassa akaraṇaṃ , vimokkhā taṃ hi desitā ;
Natthi puttasamaṃ pemaṃ , devānaṃ asurāna ca .
Yaṃ pattaṃ yañca pattabbaṃ , nandati socati niccaṃ ;
Ye keci bhūtā bhavissanti , satthāro ca pakāsitā .
Yañca
M0.209 kāmasukhaṃ loke , bojjhaṅgā ca sudesitā ;Maggānaṭṭhaṅgiko seṭṭho , tayo ca aggapattiyo .
Kāyena saṃvaro sādhu , karaṇīyañca desitaṃ ;
Natthi attasamaṃ pemaṃ , ariyā tīṇi ca desitā .
Kāyena
V0.208 kusalaṃ abhirato , vinayañca kāmasukhaṃ loke ;Bojjhaṅgā ca sudesitā , duddasaṃ anataṃ ceva parāparaṃ ca ;
Peṭakopadese sāsanappaṭṭhānaṃ nāma dutiyabhūmi samattā .