8. Aggikkhandhopamasuttavaṇṇanā
72. Aṭṭhamaṃ
M3.189P4.65 atthuppattiyaṃ kathitaṃ .
Atthuppatti panassa heṭṭhā cūḷaccharāsaṅghātasuttavaṇṇanāya ( a . ni . aṭṭha .1.1.51 ādayo ) vitthāritā eva .Passatha noti passatha nu .
Āliṅgitvāti upagūhitvā .
Upanisīdeyyāti samīpe nissāya nisīdeyya .
Upanipajjeyyāti upagantvā nipajjeyya .
Ārocayāmīti ācikkhāmi .
Paṭivedayāmīti paṭivedetvā jānāpetvā kathemi .
Vālarajjuyāti assavālagovālehi vaṭṭitarajjuyā .
Paccorasmin ti
V3.189 uramajjhe .Pheṇuddehakan ti pheṇaṃ uddehitvā , ussādetvāti attho .
Attatthan ti attano diṭṭhadhammikasamparāyikalokiyalokuttaraṃ atthaṃ .
Paratthobhayatthesu pi eseva nayo .
Sesamettha yaṃ vattabbaṃ siyā , taṃ sabbaṃ cūḷaccharāsaṅghātasuttassa ( a . ni .1.51 ādayo ) atthuppattiyaṃ kathitameva .
Idañca pana suttaṃ kathetvā satthā cūḷaccharāsaṅghātasuttaṃ kathesi .
Navamaṃ uttānatthameva .