90-92.Bhavanti ahuvuñcāti dvikāliko bhūtasaddo .Yadi bījato nibbattena bījaṃ dassitaṃ , tadeva santakaṃ yadidaṃ .
90. Bhavantīti iminā viruḷhamūle nīlabhāvaṃ āpajjitvā vaḍḍhamānake taruṇagacche dasseti .Ahuvun ti iminā pana vaḍḍhitvā ṭhite mahante rukkhagacchādike dasseti .
90. Bhavantīti vaḍḍhanti .Ahuvuntīti babhūvu .Tenāha ‘‘ jātā vaḍḍhitā ’’ ti .
90.‘‘ Bhavantī ’’ ti iminā virūḷhe mūle nīlabhāvaṃ āpajjitvā vaḍḍhamānake taruṇarukkhagacchādike dasseti .‘‘ Ahuvatthun ’’ ti iminā pana vaḍḍhitvā ṭhite mahantarukkhagacchādike dasseti .‘‘ Ahuvatthun ’’ ti ca hiyyattanisaṅkhātāya tthuṃ-vibhattiyā hū-dhātussa ūkārassa uvādeso hoti .Potthakesu pana ‘‘ ahuvatī ’’ ti pāṭho dissati , so apāṭhoti daṭṭhabbo .‘‘ Jāyantī ’’ ti iminā bhū-dhātussa sattatthabhāvaṃ dasseti
M0.19 ,‘‘ vaḍḍhantī ’’ ti iminā vaḍḍhanatthabhāvaṃ .Bhavantīti imassa vivaraṇaṃ ‘‘ jāyanti vaḍḍhantī ’’ ti , ahuvun ti imassa ‘‘ jātā vaḍḍhitā ’’ ti .
Rāsīti suddhaṭṭhakadhammasamūho .
Bhūtānan ti tathāladdhasamaññānaṃ aṭṭhadhammānaṃ .‘‘ Bhūtānaṃ gāmo ’’ ti vuttepi avayavavinimuttassa
V3.18 samudāyassa abhāvato bhūtasaññitā teyeva tiṇarukkhalatādayo gayhanti .‘‘ Bhūmiyaṃ patiṭṭhahitvā haritabhāvamāpannā rukkhagacchādayo devatāhi pariggayhanti , tasmā bhūtānaṃ nivāsaṭṭhānatāya bhūtānaṃ gāmo ’’ tipi vadanti .
Bhūtānaṃ gāmoti mahābhūtānaṃ haritatiṇādibhāvena samaggānaṃ samūho .Tabbinimuttassa gāmassa abhāvaṃ dassetuṃ ‘‘ bhūtā eva vā gāmo ’’ ti vuttaṃ .
Rukkhādīnan ti ādi -saddena osadhigacchalatādayo veditabbā .
Etan ti ‘‘ bhūtagāmo ’’ ti nāmaṃ .
Pātabya -saddassa pā pāneti dhātvatthaṃ sandhāyāha ‘‘ paribhuñjitabbatā ’’ ti .
Pīyate yathākāmaṃ paribhuñjīyate , pātabbaṃ paribhuñjitabbanti vā pātabyaṃ , pāsaddo yathākāmaparibhuñjanattho .Tenāha –‘‘ chedanabhedanādīhi yathāruci paribhuñjitabbatāti attho ’’ ti .
Sā ca pātabyatā chedanādi eva hotīti āha ‘‘ tassā … pe … bhūtagāmassa jātā chedanādipaccayā ’’ ti .