368. Alabhīti
M0.330 labho .Yathā ‘‘ pacatīti paco , pathatīti patho ’’ ti vuccati , evaṃ ‘‘ labhatīti labho ’’ ti kasmā na vuttaṃ ?Pariniṭṭhitalābhasseva idhādhippetattā .Maggeti sibbinimagge .Kappakatena saddhiṃ akappakataṃ sibbeti .Yāvatā adhiṭṭhānaṃ na vijahati , tāvatā pubbaṃ kappameva .Kappaṃ na vijahati ce , puna kappaṃ dātabbanti ācariyassa takko . 368. Aṭṭhame paṭiladdhanavacīvarenāti ettha pubbe akatakappaṃ katipāhaṃ nivāsanatthāya tāvakālikavasena laddhampi saṅgayhatīti vadanti .
‘‘ Nivāsetuṃ vā pārupituṃ vā ’’ ti vuttattā aṃsabaddhakāsāvampi pārupitabbato kappaṃ kātabbanti vadanti .
368. Aṭṭhame
M3.82V3.74 ‘‘ cammakāranīlaṃ nāma pakatinīlan ’’ ti tīsupi gaṇṭhipadesu vuttaṃ .
Cammakāranīlaṃ nāma cammaṃ nīlavaṇṇaṃ kātuṃ yojiyamānaṃ nīlaṃ .Pakatinīlamevāti keci .Gaṇṭhipade pana ‘‘ cammakārā udake tipumalaṃ ayagūthañca pakkhipitvā cammaṃ kāḷaṃ karonti , taṃ cammakāranīlan ’’ ti vuttaṃ .Sesamettha uttānameva .
Vuttappakārassa cīvarassa akatakappatā , anaṭṭhacīvarāditā , nivāsanaṃ vā pārupanaṃ vāti imāni panettha tīṇi aṅgāni .Yathāvuttacīvarassa akatakappatā , anaṭṭhacīvarāditā , nivāsanāditāti tīṇi aṅgāni .