531. Sattame katthāti kismiṃ khandhake , kismiṃ vatthusmiṃ vā .
531. Kiñcāpi
V0.309 nisīdanassa jāti na dissati ettha , tathāpi cīvarakkhandhake anuññātattā ,‘‘ nava cīvarāni adhiṭṭhātabbānī ’’ ti ettha ca pariyāpannattā cīvarajātiyevassa jātīti veditabbā .Hīti saccaṃ .Tatthāti cīvarakkhandhake , paṇītabhojanavatthusmiṃ vā .
‘‘ Yathā nāmā ’’ ti iminā ‘‘ seyyathāpī ’’ ti padassa atthaṃ dasseti ,‘‘ purāṇo cammakāro ’’ ti iminā ‘‘ purāṇāsikoṭṭho ’’ ti padassa .Cammakāro hi asinā cammaṃ kuṭati chindatīti ‘‘ asikoṭṭho ’’ ti vuccati .Vatthuppannakālamupanidhāya vuttaṃ ‘‘ purāṇo ’’ ti
V1.107 .Tamevūpamaṃ pākaṭaṃ karonto āha ‘‘ yathā hī ’’ ti .Hīti tappākaṭīkaraṇaṃ , taṃ pākaṭaṃ karissāmīti hi attho .Cammakāro kaḍḍhatīti sambandho .Vitthatan ti visālaṃ .
Sopīti udāyīpi .Taṃ nisīdanaṃ kaḍḍhatīti yojanā .
Tenāti kaḍḍhanahetunā .Tan ti udāyiṃ .
‘‘ Santhatasadisaṃ santharitvāti sadasan ’’ ti pubbe vuttanisīdanasanthatattā upameti .Lābhe sadasaṃ , alābhe adasampi
M0.342 vaṭṭatīti eke , taṃ na yuttaṃ .
Santhatasadisan ti santhatena sadisaṃ .Ekasmiṃ anteti ekasmiṃ koṭṭhāse , phāletvāti sambandhoti .Sattamaṃ .
‘‘ Nisīdanaṃ nāma sadasaṃ vuccatī ’’ ti tassa saṇṭhānaniyamanato .