‘‘ Mayūraṇḍaṃ atimahantan ’’ ti vacanato mayūraṇḍappamāṇo kabaḷo na vaṭṭati .Keci pana ‘‘ mayūraṇḍato mahanto na vaṭṭatī ’’ ti vadanti , taṃ na gahetabbaṃ ,‘‘ nātimahantan ’’ ti ca atimahantasseva paṭikkhittattā khuddake āpatti na dissati .‘‘ Mayūraṇḍaṃ atimahantaṃ , kukkuṭaṇḍaṃ atikhuddakaṃ , tesaṃ vemajjhappamāṇo ’’ ti iminā pana sāruppavasena khuddakampi paṭikkhipitvā paricchedo na dassitoti veditabbaṃ .
615.‘‘ Kukkuṭaṇḍaṃ atikhuddakan ’’ ti idaṃ asāruppavasena vuttaṃ , atimahante eva āpattīti daṭṭhabbaṃ .
615. Tesan ti mayūraṇḍakukkuṭaṇḍānanti .
619. Sakabaḷenāti
V1.116 ettha kabaḷasaddena vacanassa aparipuṇṇakāraṇaṃ sabbampi gahetabbaṃ . 638. Aṅgulantaran ti pādaṅgulavivaraṃ .Pādukan ti upāhanaviseso .So hi pajjate imāyāti pādukāti vuccati , sā bahupaṭalā cammamayā vā hoti kaṭṭhamayā vā .
Paṭimuñcitvāti pādukaṃ paṭimuñcītvā .