Ābādhikan ti iriyāpathabhañjanakena visabhāgabādhena ābādhikaṃ .Dukkhitan ti rogadukkhena dukkhitaṃ .Bāḷhagilānan ti adhimattagilānaṃ .
149. Attamanā te bhikkhūti te bhikkhū attamanā sakamanā , buddhagatāya pītiyā udaggacittā hutvāti vuttaṃ hoti .Bhagavato bhāsitan ti evaṃ vicitranayadesanāvilāsayuttaṃ idaṃ suttaṃ karavīkarutamañjunā kaṇṇasukhena paṇḍitajanahadayānaṃ amatābhisekasadisena brahmassarena bhāsamānassa bhagavato vacanaṃ .Abhinandun ti anumodiṃsu ceva sampaṭicchiṃsu ca .Ayañhi abhinanda saddo –‘‘ abhinandati abhivadatī ’’ tiādīsu ( saṃ . ni .3.5) taṇhāyampi āgato .‘‘ Annamevābhinandanti , ubhaye devamānusā ’’ tiādīsu ( saṃ . ni .1.43) upagamanepi .
195-201.Catutthe
V3.185 tathā pahīno cāyasmato mahākassapassa so ābādho ahosīti therassa kira imaṃ bojjhaṅgabhāvanaṃ sādhukaṃM3.186 suṇantassa etadahosi ‘‘ mayhaṃ pabbajitadivasato sattame divase saccāni paṭivijjhantassa ime bojjhaṅgā pātubhūtā ’’ ti .Athassa ‘‘ niyyānikaṃ vata satthusāsanan ’’ ti cintayato lohitaṃ pasīdi , upādārūpaṃ visuddhaṃ ahosi , pokkharapatte patitaudakabindu viya sarīrato rogo vinivattitvā gato .Tena vuttaṃ ‘‘ tathā pahīno cāyasmato mahākassapassa so ābādho ahosī ’’ ti .Pañcamachaṭṭhesupi eseva nayo .Imesaṃ pana tiṇṇampi janānaṃ pabbatapāde pupphitavisarukkhavātasamphassena uppanno mandasītajaro ābādhoti veditabbo .Sesaṃ sabbattha uttānamevāti .