M0.145 baddhasīmaṃ dassetvā idāni abaddhasīmaṃ dassento ‘‘ abaddhasīmā panā ’’ tiādimāha .Gāmo eva sīmā gāmasīmā .Gāmaggahaṇena cettha nigamanagarānampi saṅgaho veditabbo .Sīmābhāvaṃ paṭikkhipitvātiV0.139 baddhasīmābhāvaṃ paṭikkhipitvā .
‘‘ Samantā udakukkhepā ’’ ti vuttattā sabbadisāsu gahetabbamevāti ce ?Yato labbhati , tato gahetabbo ‘‘ yasmiṃ padese pakativīciyo ottharitvāM0.6 saṇṭhahanti , tato paṭṭhāya kappiyabhūmi , tattha ṭhatvā uposathādikammaṃ kātuṃ vaṭṭatī ’’ ti vuttattā .
Samāno saṃvāso etthāti samānasaṃvāsā .Eko uposatho etthāti ekūposathā .Ettha ca uposathassa visuṃ gahitattā avasesakammavasena samānasaṃvāsatā veditabbā .Vuttāti abaddhasīmāparicchedaṃ dassetuṃ uposathakkhandhake ( mahāva .149) vuttā .
M0.146 khaṇitvā akatoti antamaso tiracchānenapi khaṇitvā akato .V0.140 nāvā sīghameva atikkāmeti .Evaṃ sati aññissā sīmāya ñatti , aññissā anussāvanā hoti , tasmā nāvaṃ arittena vā ṭhapetvā , pāsāṇe vā lambitvā , antonadiyaṃ jātarukkhe vā bandhitvā kammaṃ kātabbaṃ .Antonadiyaṃ baddhaaṭṭakepi antonadiyaṃ jātarukkhepi ṭhitehi kammaṃ kātuṃ vaṭṭati .
Sace pana rukkhassa sākhā vā tato nikkhantapāroho vā bahinadītīre vihārasīmāya vā gāmasīmāya vā patiṭṭhito , sīmaṃ vā sodhetvā , sākhaṃM0.147 vā chinditvā kammaṃ kātabbaṃ .Bahinadītīre jātarukkhassa antonadiyaṃ paviṭṭhasākhāya vā pārohe vā nāvaṃ bandhitvā kammaṃ kātuṃ na vaṭṭati .Karontehi sīmā vā sodhetabbā , sākhaṃ chinditvā vā tassa bahipatiṭṭhitabhāgo nāsetabbo .Nadītīre pana khāṇukaṃ koṭṭetvā tattha bandhanāvāya na vaṭṭatiyeva .
Nadiyaṃ setuṃ karonti , sace antonadiyaṃyeva setu vā setupādā vā , setumhi ṭhitehi kammaṃ kātuṃ vaṭṭati .Sace pana setu vā setupādā vā bahitīre patiṭṭhitā , kammaṃ kātuṃ na vaṭṭati , sīmaṃ sodhetvā kammaṃ kātabbaṃ .Atha setupādā anto , setu pana ubhinnampi tīrānaṃ upariākāse ṭhito , vaṭṭati .Jātassarepi eseva nayo .
‘‘ Yasmiṃ padese pakativīciyo ottharitvā saṇṭhahantī ’’ ti etena yaṃ padesaṃ uddhaṃ vaḍḍhanakaudakaṃ vā pakativīciyo vā vegena āgantvā ottharanti , tattha kammaṃ kātuṃ na vaṭṭatīti ( mahāva . aṭṭha .147) dasseti .Sace ūmivego bādhati , nāvāya vā aṭṭake vā ṭhatvā kātabbaṃ .Tesu vinicchayo nadiyaṃ vuttanayeneva veditabbo .Sace pana samuddo gāmasīmaṃ vā nigamasīmaṃ vā ottharitvā tiṭṭhati , samuddova hoti .Tattha kammaṃ kātuṃ vaṭṭati .Tato paṭṭhāya kappiyabhūmīti ottharitvā saṇṭhitaudakantato paṭṭhāya anto nadījātassarasamuddo nāmāti attho .V0.141 nadimpi vināsetvā taḷākaṃ karonti , heṭṭhā pāḷi baddhā , udakaṃ āgantvā taḷākaṃ pūretvā tiṭṭhati , ettha kammaṃ kātuṃ na vaṭṭati .Upari pavattanaṭṭhāne chaḍḍitaṃ udakaṃ nadiṃ ottharitvā sandanaṭṭhānato paṭṭhāya vaṭṭati .Kāci nadī kālantarena uppatitvā gāmanigamasīmaṃ ottharitvā pavattati , nadīyevaM0.148 hoti , kammaṃ kātuṃ vaṭṭati .Sace vihārasīmaṃ ottharati ‘‘ vihārasīmā ’’ tveva saṅkhaṃ gacchati .Tasmāti yasmā anto gacchati , tasmā .Samantā udakukkhepaparicchedo kātabboti pahonakaṭṭhānaṃ sandhāya vuttaṃ .Yattha pana kunnadīādīsu nappahoti , tattha pahonakaṭṭhānato udakukkhepaparicchedo kātabbo .