Lābha saddoyaṃ kammasādhano ‘‘ ko bhavatā lābho laddho ’’ tiādīsu viya , so cettha atītakālikoti āha ‘‘ alabbhīti labho ’’ ti
M0.406 , laddhanti attho .‘‘ Labho eva lābho ’’ ti iminā sakatthe ṇapaccayoti dasseti .Kiṃ alabbhīti kiṃ laddhaṃ .Navan ti abhinavaṃ .Ettāvatā ca navañca taṃ cīvarañcāti navacīvaraṃ , navacīvaraṃ lābho etenāti navacīvaralābhoti evamettha samāso daṭṭhabboti .Yadi evaṃ kathaṃ ‘‘ navaṃ cīvaralābhenā ’’ ti vuttanti āha ‘‘ iti navacīvaralābhenā ’’ tiādi .
Morakkhimaṇḍalamaṅgulapiṭṭhīnan ti
V0.93 na ekantato , adhikaṃ , orañcāti vadanti .Ekakoṇepi vaṭṭati , evaṃ yattha katthaci ekabindupi vaṭṭatīti .Ettha ca ‘‘ vikappanupagaṃ pacchiman ’’ ti na vuttattā cīvaran ti yaṃ nivāsetuṃ vā pārupituṃ vā sakkā hoti , tadeva veditabbanti āha ‘‘ nivāsanapārupanupagaṃ cīvaran ’’ ti .