245. Aññaṃ byākarontīti arahattaṃ byākaronti .Attho ca vuttoti yena arahāti ñāyati , so attho vutto .Suttattho pana suttavaṇṇanatoyeva gahetabbo .Attā ca anupanītoti ahaṃ arahāti evaṃ byañjanavasena attā na upanīto .
Atha ca panidhekacce moghapurisāti aññe pana tucchapurisā hasamānā viya asantameva aññaṃ vacanamattena santaṃ katvā byākaronti .
Ekapalāsikan ti ekapaṭalaṃ
M0.367 .Asītisakaṭavāheti ettha dve sakaṭabhārā eko vāhoti veditabbo .Sattahatthikañca anīkan ti ettha cha hatthiniyo eko ca hatthīti idamekaṃ anīkaṃ .Īdisāni satta anīkāni sattahatthikaṃ anīkaṃ nāma .
Diguṇāti dvipaṭalā .
Tiguṇāti tipaṭalā .
Gaṇaṅguṇūpāhanāti catupaṭalato paṭṭhāya vuccati .