1-2.
Anupubbavihārasuttādivaṇṇanā
32-33.
Catutthassa
V3.275 paṭhame anupubbavihārāti anupaṭipāṭiyā samāpajjitabbavihārā .Dutiye yattha kāmā nirujjhantīti yasmiṃ ṭhāne kāmā vūpasammanti .
Nirodhetvāti appaṭivatte katvā .
Nicchātāti taṇhādiṭṭhicchātānaṃ abhāvena nicchātā .
Nibbutāti attaparitāpanakilesānaṃ abhāvena nibbutā .
Tiṇṇāti kāmato tiṇṇā .
Pāraṃgatāti kāme pāraṃ gatā .
Tadaṅgenāti tena jhānaṅgena .
Ettha
P4.194 kāmā nirujjhantīti ettha paṭhamajjhāneM3.277 kāmā nirujjhanti .
Te cāti ye paṭhamajjhānaṃ samāpajjanti , te kāme nirodhetvā nirodhetvā viharanti nāma .
Pañjalikoti paggahitaañjaliko hutvā .
Payirupāseyyāti upaṭṭhāpeyya .
Iminā upāyena sabbattha attho veditabbo .