ဘာဝနာယ၊ အပ္ပနာဘာဝနာကို။ ပဋိသင်္ခါရကမ္မဘူတာ၊ ပြုစီမံတတ်သောအလုပ်ဖြစ်၍ဖြစ်သော။ (ဘာဝနာ၊ သည်။) ပရိကမ္မဘာဝနာနာမ၊ မည်၏။ ဝါ၊ တစ်နည်း။ (ဘာဝနာယ၊ အပ္ပနာဘာဝနာ၏) အာဒိကမ္မဘူတာ၊ အစအလုပ်ဖြစ်၍ဖြစ်သော။ ပုဗ္ဗဘာဂဘာဝနာ၊ ရှေ့အဖို့၌ဖြစ်သောဘာဝနာသည်။ ပရိကမ္မဘာဝနာနာမ၊ မည်၏။

နီဝရဏဝိက္ခမ္ဘနတော၊ နီဝရဏတို့ကိုခွာနိုင်ရာအခါမှ။ ပဋ္ဌာယ၊ ၍။ ဂေါတြဘုပရိယောသာနာ၊ ဂေါတြဘုအဆုံးရှိသော။ ကာမာဝစရဘာဝနာ၊ သည်။ ဥပစာရဘာဝနာနာမ၊ မည်၏။ (ကသ္မာ)။

ဂါမူပစာရာဒယောဝိယ၊ ရွာ၏ဥပစာအစရှိသည်တို့ကဲ့သို့။ အပ္ပနာယ၊ အပ္ပနာဘာဝနာ၏။ သမီပစာရိတ္တာ၊ အနီး၌ဖြစ်လေ့ရှိသည်၏အဖြစ်ကြောင့်တည်း။ **ပရိကမ္မဘာဝနာ နာမ** ။ ။ ပဋိသင်္ခါရကမ္မဘူတာကို ကြည့်၍ "ပရိကရောတိပဋိသင်္ခရောတိ-အပ္ပနာဘာဝနာကိုပြုစီမံတတ်၏၊ ဣတိ ပရိကမ္မံ"ဟုပြု၊ ဤဝိဂ္ဂဟ အလိုအားဖြင့် ဥပစာရဘာဝနာလည်း ပရိကံအမည်ရနိုင်သောကြောင့်"အာဒိကမ္မဘူတာဝါ"ဟုနောက်တစ်နည်းပြသည်၊ဤနည်း၌ကား ပရိသဒ္ဒါသည်အာဒိအနက်ဟောတည်း၊အာဒိဘူတံ-အပ္ပနာဘာဝနာ၏ရှေးအစဖြစ်သော+ကမ္မံ-အလုပ်တည်း၊ပရိကမ္မံ-အလုပ်၊ "ပရိကမ္မံ စ+တံ+ဘာဝနာစာတိ ပရိကမ္မဘာဝနာ"ဟုဆက်၊ ကမ္မဋ္ဌာန်းအားထုတ်မှုဟူသည်၊အပ္ပနာသို့ရောက်ဖို့ချည်းဖြစ်သောကြောင့်"ဘာဝနာယ"ကို "အပ္ပနာဘာဝနာ၏"ဟုအနက်ပေးရသည်။ [ဥပစာရဘာဝနာ အပ္ပနာဘာဝနာတို့၏အဓိပ္ပာယ်ကိုဘာသာဋီကာ၌ပြထားပြီ။]

မဟဂ္ဂတဘာဝပ္ပတ္တာ၊ မဟဂ္ဂုတ်အဖြစ်သို့ရောက်သော။ ["မဟဂ္ဂတာနုတ္တရဘာဝပ္ပတ္တာ"ဟုရှိလျှင်ကောင်း၏။] (ဘာဝနာ၊ သည်။) အပ္ပနာဘာဝနာနာမ၊ မည်၏။ (ကသ္မာ၊ ‌အဘယ့်ကြောင့်အပ္ပနာမည်သနည်း။) အပ္ပနာ။ ပေ။ ပခုမတ္တာ၊ အပ္ပနာဟုဆိုအပ်သောဝိတက်အမှူးရှိသည်၏အဖြစ်ကြောင့်တည်း။

ဟိ၊ ချဲ့။ သမ္ပယုတ္တဓမ္မေ၊ တို့ကို။ အာရမဏေ၊ ၌။ ဝါ၊ သို့။ အပ္ပေန္တောဝိယ၊ တင်သွင်းသကဲ့သို့။ ပဝတ္တတိ၊ ဖြစ်တတ်၏။ ဣတိ၊ ထို့ကြောင့်။ ဝိတက္ကော၊ သည်။ အပ္ပနာ၊ မည်၏။

တထာဟိ၊ ထိုစကားမှန်၏။ သော၊ ထိုဝိတက်ကို။ အပ္ပနာ ဗျပ္ပနာတိ၊ ဟူ၍။ နိဒ္ဒိဋ္ဌော၊ ညွှန်ပြတော်မူအပ်ပြီ။ [ဓမ္မသင်္ဂဏီပါဠိတော်၌ ညွှန် ပြတော်မူအပ်ပြီ-ဟူလို။]

ပန၊ ဆက်။ တပ္ပမုခတာဝသေန၊ ထိုဝိတက်အမှူးရှိကုန်သည်၏အဖြစ်၏အစွမ်းဖြင့်။ သဗ္ဗေပိ၊ ကုန်သော။ မဟဂ္ဂတာနုတ္တရဈာနဓမ္မာ၊ မဟဂ္ဂုတ်လောကုတ္တရာဖြစ်သောဈာန်တရားတို့ကို။ အပ္ပနာ၊ ဟူ၍။ ဝုစ္စန္တိ၊ ကုန်၏။ ["အပ္ပနာ၊ ပေ၊ မုခတ္တာ"စသော စကားတို့၏အဓိပ္ပာယ်ကိုသင်္ဂြိုဟ်ဘာသာဋီကာအပ္ပနာဇောဝါရအဖွင့်၌ပြခဲ့ပြီ။]