(12)2. Āyācanavaggo
131.‘‘ Saddho
V1.107 , bhikkhave , bhikkhu evaṃ sammā āyācamāno āyāceyya –‘ tādiso homi yādisā sāriputtamoggallānā ’ ti .
Esā , bhikkhave , tulā etaṃ pamāṇaṃ mama sāvakānaṃ bhikkhūnaṃ yadidaṃ sāriputtamoggallānā ’’ ti .
132.‘‘ Saddhā , bhikkhave , bhikkhunī evaṃ sammā āyācamānā āyāceyya –
‘ tādisī homi yādisī khemā ca bhikkhunī uppalavaṇṇā cā ’ ti .
Esā , bhikkhave , tulā etaṃ pamāṇaṃ mama sāvikānaṃ bhikkhunīnaṃ yadidaṃ khemā ca bhikkhunī uppalavaṇṇā cā ’’ ti .
133.‘‘ Saddho , bhikkhave , upāsako evaṃ sammā āyācamāno āyāceyya
T1.111 –‘ tādiso homi yādiso citto ca gahapati hatthako ca āḷavako ’ ti .
Esā , bhikkhave , tulā etaṃ pamāṇaṃ mama sāvakānaṃ upāsakānaṃ yadidaṃ citto ca gahapati hatthako ca āḷavako ’’ ti .
134.‘‘ Saddhā
M1.88 , bhikkhave , upāsikā evaṃ sammā āyācamānā āyāceyya –‘ tādisī homi yādisī khujjuttarā ca upāsikā veḷukaṇḍakiyā [ veḷukaṇḍakī ( a . ni .6.37; a . ni .4.176 āgataṃ ] ca nandamātā ’ ti . Esā
P1.89 , bhikkhave , tulā etaṃ pamāṇaṃ mama sāvikānaṃ upāsikānaṃ yadidaṃ khujjuttarā ca upāsikā veḷukaṇḍakiyā ca nandamātā ’’ ti . 135.‘‘ Dvīhi , bhikkhave , dhammehi samannāgato bālo abyatto asappuriso khataṃ upahataṃ attānaṃ pariharati , sāvajjo ca hoti sānuvajjo ca viññūnaṃ , bahuñca apuññaṃ pasavati .
Katamehi dvīhi ?
Ananuvicca apariyogāhetvā avaṇṇārahassa vaṇṇaṃ bhāsati , ananuvicca apariyogāhetvā vaṇṇārahassa avaṇṇaṃ bhāsati .
Imehi kho , bhikkhave , dvīhi dhammehi samannāgato bālo abyatto asappuriso khataṃ upahataṃ attānaṃ pariharati , sāvajjo ca hoti sānuvajjo ca viññūnaṃ , bahuñca apuññaṃ pasavatīti .
‘‘ Dvīhi
V1.108 , bhikkhave , dhammehi samannāgato paṇḍito viyatto sappuriso akkhataṃ anupahataṃ attānaṃ pariharati , anavajjo ca hoti ananuvajjo ca viññūnaṃ , bahuñca puññaṃ pasavati .Katamehi dvīhi ?
Anuvicca pariyogāhetvā avaṇṇārahassa avaṇṇaṃ bhāsati , anuvicca pariyogāhetvā vaṇṇārahassa vaṇṇaṃ bhāsati .
Imehi kho , bhikkhave , dvīhi dhammehi
T1.112 samannāgato paṇḍito viyatto sappuriso akkhataṃ anupahataṃ attānaṃ pariharati , anavajjo ca hoti ananuvajjo ca viññūnaṃ , bahuñca puññaṃ pasavatī ’’ ti . 136.‘‘ Dvīhi , bhikkhave , dhammehi samannāgato bālo abyatto asappuriso khataṃ upahataṃ attānaṃ pariharati , sāvajjo ca hoti sānuvajjo ca viññūnaṃ , bahuñca apuññaṃ pasavati .
Katamehi dvīhi ?
Ananuvicca apariyogāhetvā appasādanīye ṭhāne pasādaṃ upadaṃseti , ananuvicca apariyogāhetvā pasādanīye ṭhāne appasādaṃ upadaṃseti .
Imehi kho , bhikkhave , dvīhi dhammehi samannāgato bālo abyatto asappuriso khataṃ upahataṃ attānaṃ pariharati , sāvajjo ca hoti sānuvajjo ca viññūnaṃ , bahuñca apuññaṃ pasavatīti .
‘‘ Dvīhi
M1.89P1.90 , bhikkhave , dhammehi samannāgato paṇḍito viyatto sappuriso akkhataṃ anupahataṃ attānaṃ pariharati , anavajjo ca hoti ananuvajjo ca viññūnaṃ , bahuñca puññaṃ pasavati .Katamehi dvīhi ?
Anuvicca pariyogāhetvā appasādanīye ṭhāne appasādaṃ upadaṃseti , anuvicca pariyogāhetvā pasādanīye ṭhāne pasādaṃ upadaṃseti .
Imehi kho , bhikkhave , dvīhi dhammehi samannāgato paṇḍito viyatto sappuriso akkhataṃ anupahataṃ attānaṃ pariharati , anavajjo ca hoti ananuvajjo ca viññūnaṃ , bahuñca puññaṃ pasavatī ’’ ti .
137.‘‘ Dvīsu , bhikkhave , micchāpaṭipajjamāno bālo abyatto asappuriso khataṃ upahataṃ attānaṃ pariharati , sāvajjo ca hoti sānuvajjo ca viññūnaṃ
T1.113 , bahuñca apuññaṃ pasavati .Katamesu dvīsu ?
Mātari ca pitari ca .
Imesu kho , bhikkhave , dvīsu micchāpaṭipajjamāno bālo abyatto asappuriso khataṃ upahataṃ attānaṃ pariharati , sāvajjo ca hoti sānuvajjo ca viññūnaṃ , bahuñca apuññaṃ pasavatīti .
‘‘ Dvīsu , bhikkhave , sammāpaṭipajjamāno paṇḍito viyatto sappuriso akkhataṃ anupahataṃ attānaṃ
V1.109 pariharati , anavajjo ca hoti ananuvajjo ca viññūnaṃ , bahuñca puññaṃ pasavati .Katamesu dvīsu ?
Mātari ca pitari ca .
Imesu kho , bhikkhave , dvīsu sammāpaṭipajjamāno paṇḍito viyatto sappuriso akkhataṃ anupahataṃ attānaṃ pariharati , anavajjo ca hoti ananuvajjo ca viññūnaṃ , bahuñca puññaṃ pasavatī ’’ ti .
138.‘‘ Dvīsu , bhikkhave , micchāpaṭipajjamāno bālo abyatto asappuriso khataṃ upahataṃ attānaṃ pariharati , sāvajjo ca hoti sānuvajjo ca viññūnaṃ , bahuñca apuññaṃ pasavati .
Katamesu dvīsu ?
Tathāgate ca tathāgatasāvake ca .
Imesu kho , bhikkhave , micchāpaṭipajjamāno bālo abyatto asappuriso khataṃ upahataṃ attānaṃ pariharati , sāvajjo ca hoti sānuvajjo ca viññūnaṃ , bahuñca apuññaṃ pasavatīti .
‘‘ Dvīsu
P1.91 , bhikkhave , sammāpaṭipajjamāno paṇḍito viyatto sappuriso akkhataṃ anupahataṃ attānaṃ pariharati , anavajjo ca hoti ananuvajjo ca viññūnaṃ , bahuñcaT1.114 puññaṃ pasavati .Katamesu dvīsu ?
Tathāgate ca tathāgatasāvake
M1.90 ca .Imesu kho , bhikkhave , dvīsu sammāpaṭipajjamāno paṇḍito viyatto sappuriso akkhataṃ anupahataṃ attānaṃ pariharati , anavajjo ca hoti ananuvajjo ca viññūnaṃ , bahuñca puññaṃ pasavatī ’’ ti .
139.‘‘ Dveme , bhikkhave , dhammā .
Katame dve ?
Sacittavodānañca na ca kiñci loke upādiyati .
Ime kho , bhikkhave , dve dhammā ’’ ti .
140.‘‘ Dveme , bhikkhave , dhammā .
Katame dve ?
Kodho ca upanāho ca .
Ime kho , bhikkhave , dve dhammā ’’ ti .
141.‘‘ Dveme , bhikkhave , dhammā .
Katame dve ?
Kodhavinayo ca upanāhavinayo ca .
Ime kho , bhikkhave , dve dhammā ’’ ti .
Āyācanavaggo dutiyo .