Issues
Select Version
Nettippakaraṇapāḷi

Tassānugīti

Author: _System_Pali_VRI_ @ Administrator

Tassānugīti

Paṭhamo nandiyāvaṭṭo , dutiyo ca tipukkhalo ;
Sīhavikkīḷito nāma , tatiyo nayalañjako [ nayalañchako ( sī .)].
DisālocanamāhaṃsuV0.3 , catutthaṃ nayamuttamaṃ ;
Pañcamo aṅkuso nāma , sabbe pañca nayā gatāti .
3. Tattha katamāni aṭṭhārasa mūlapadāni ?
Nava padāni kusalāni nava padāni akusalāni .
Tattha katamāni nava padāni akusalāni , taṇhā avijjā lobho doso moho subhasaññā sukhasaññā niccasaññā attasaññāti , imāni nava padāni akusalāni , yattha sabbo akusalapakkho saṅgahaṃ samosaraṇaṃ gacchati .
Tattha katamāni nava padāni kusalāni ?
Samatho vipassanā alobho adoso amoho asubhasaññā dukkhasaññā aniccasaññā anattasaññāti , imāni nava padāni kusalāni , yattha sabbo kusalapakkho saṅgahaṃ samosaraṇaṃ gacchati .