Issues
Select Version
Nettippakaraṇapāḷi

10. Vevacanahārasampāto

Author: _System_Pali_VRI_ @ Administrator

10. Vevacanahārasampāto

72. TatthaV0.87M0.88 katamo vevacano hārasampāto ?
‘‘ Tasmā rakkhitacittassa , sammāsaṅkappagocaro ’’ ti gāthā .
‘‘ Tasmā rakkhitacittassā ’’ ti cittaṃ mano viññāṇaṃ manindriyaṃ manāyatanaṃ vijānanā vijānitattaṃ , idaṃ vevacanaṃ .
‘‘ Sammāsaṅkappagocaro ’’ ti nekkhammasaṅkappo abyāpādasaṅkappo avihiṃsāsaṅkappo , idaṃ vevacanaṃ .
‘‘ Sammādiṭṭhipurekkhāro ’’ ti sammādiṭṭhi nāma paññāsatthaṃ paññākhaggo paññāratanaṃ paññāpajjoto paññāpatodo paññāpāsādo , idaṃ vevacanaṃ .
Niyutto vevacano hārasampāto .