Evaṃ pasannoti evaṃ saddahāmi ahanti attho .
Ñāṇamevāti nikkaṅkhabhāvapaccakkhakaraṇañāṇaṃyeva , ettha tathāgatassa na saddhāmattanti attho .
Imesañhi , ānandāti imesaṃ antosāṇiyaṃ nisinnānaṃ pañcannaṃ bhikkhusatānaṃ .Yo pacchimakoti yo guṇavasena pacchimako .Ānandattheraṃyeva sandhāyāha .
218. Appamādena sampādethāti satiavippavāsena sabbakiccāni sampādeyyātha .Iti bhagavā parinibbānamañce nipanno pañcacattālīsa vassāni dinnaṃ ovādaṃ sabbaṃ ekasmiṃ appamādapadeyeva pakkhipitvā adāsi .Ayaṃ tathāgatassa pacchimā vācāti idaṃ pana saṅgītikārakānaṃ
P2.594 vacanaṃ .