Catutthanissaggiyapācittiyasikkhāpadavaṇṇanā
748. Catutthe – kayenāti mūlena .
Na me āvuso sappinā attho ;
telena me atthoti idaṃ kira sā āhaṭasappiṃ datvā telampi āharissatīti maññamānā āha .
Viññāpetvāti jānāpetvā ;
idaṃ nāma āharāti yācitvā vā .
752. Taññeva viññāpetīti yaṃ paṭhamaṃ viññattaṃ taṃ thokaṃ nappahoti , tasmā puna taññeva viññāpetīti attho .
Aññañca viññāpetīti sace paṭhamaṃ sappiviññattaṃ , yamakaṃ pacitabbanti ca vejjena vuttattā telena attho hoti , tato telenāpi me atthoti evaṃ aññañca viññāpeti .
Ānisaṃsaṃ dassetvāti sace kahāpaṇassa sappi ābhataṃ hoti , iminā
V0.181 mūlena diguṇaṃ telaṃ labbhati , tenāpi ca idaṃ kiccaṃ nipphajjati , tasmā telaṃ āharāti evaṃ ānisaṃsaṃ dassetvā viññāpetīti .Sesaṃ uttānameva .
Chasamuṭṭhānaṃ – kiriyaṃ , nosaññāvimokkhaṃ , acittakaṃ , paṇṇattivajjaṃ , kāyakammaṃ , vacīkammaṃ , ticittaṃ , tivedananti .
Catutthasikkhāpadaṃ .