သာရိပုတ္တ၊ ချစ်သားသာရိပုတ္တရာ။ တတ္ထေဝမဏ္ဍကပ္ပမှိ၊ ထိုမဏ္ဍကမ္ဘာ၌သာလျှင်။ အသမော၊ အတုမရှိထသော။ အပ္ပဋိပုဂ္ဂလော၊ တုဘက်ကင်းသောပုဂ္ဂိုလ်မြတ်လည်း ဖြစ်တော်မူထသော။

နာမေန၊ အမည်တော်အားဖြင့်။ ဝေဿဘူနာမ၊ ဝေဿဘူအမည်တော်ရှိထသော။ သောဇိနော၊ ထိုမြတ်စွာဘုရားသည်။ လောကေ၊ လောက၌။ ဥပ္ပဇ္ဇိ၊ ပွင့်တော်မူပြီ။

ရာဂဂ္ဂိစေဝ၊ ရာဂမီးသည်သာလျှင်။ အာဒိတ္တံ၊ ရဲရဲပြောင်ပြောင် တောက်လောင်ထသော။ တဒါ၊ အခါခပ်သိမ်း။ တဏှာနံ၊ တဏှာတို့၏။ ဝိဇိတံ၊ နိုင်ငံလည်းဖြစ်ထသော။

ဗန္ဓနံ၊ ထူးအနှေင်အဖွဲ့ကို။ ဆေတွာ၊ ဖြတ်၍။ ဂစ္ဆန္တော၊ လိုရာပိုင်ပိုင် တောမြိုင်နက်သို့နှစ်သက်ရွှင်လန်း ဘေးကျမ်းပယ်ရှား ထွက်ခါသွားသော။ နာဂေါဝ၊ ဆင်ပြောင်ကြီးကဲ့သို့။ ဣဒလောကတ္တယံ၊ ဤလောကသုံးပါး အပေါင်းကို။ ဆေတွာ၊ ဖြတ်၍။ ဥတ္တမံ၊ မြတ်သော။ သမ္ဗောဓိံ၊ အရဟတ္တမဂ်ဉာဏ် သဗ္ဗညုတညာဏ်တော်သို့။ ပတ္တော၊ ရောက်တော်မူပြီ။

ဝေဿဘူ၊ ဝေဿဘူအမည်ရှိသော။ လောကနာယကော၊ မြတ်စွာဘုရားသည်။ ဓမ္မစက္ကံ၊ ဓမ္မစကြာတရားတော်ကို။ ပဝတ္တေန္တေ၊ ဟောတော်မူသည်ရှိသော်။

အသီတိကောဋိသဟဿာနံ၊ ကုဋေရှစ်သောင်းသောလူနတ်ဗြဟ္မာတို့အား။ ပဋ္ဌမာဘိသမယော၊ ရှေးဦးစွာသစ္စာလေးပါးကိုထိုးထွင်း၍သိသည်။ အဟု၊ ဖြစ်ပြီ။

လောကဇေဋ္ဌေ၊ လူသုံးပါးတို့ထက်ကြီးမြတ်တော်မူသော။ နရာသဘေ၊ ဝေဿဘူမြတ်စွာဘုရားသည်။ ရဋ္ဌေ၊ တိုင်းနိုင်ငံ၌။ စာရိကံ၊ ဒေသစာရီကို။ ပက္ကန္တေ၊ ကြွတော်မူသည်ရှိသော်။

သတ္တတိကောဋိသဟဿာနံ၊ ကုဋေခုနှစ်သောင်းသောလူနတ်ဗြဟ္မာတို့အား။ ဒုတိယဘိသမယော၊ နှစ်ကြိမ်မြောက်သောသစ္စာလေးပါးကိုထိုးထွင်း၍သိသည်။ အဟု၊ ဖြစ်ပြီ။

သော၊ ထိုဝေဿဘူမြတ်စွာဘုရားသည်။ မဟာဒိဋ္ဌိံ၊ ကြီးစွာသောမိစ္ဆာအယူကို။ ဝိနောဒေန္တော၊ ပယ်ဖျောက်စေလျက်။ ပါဋိဟေရံ၊ ယမိုက်ပြာဋိဟာကို။ ကရောတိ၊ ပြုတော်မူ၏။

ဒသသဟဿီ၊ တစ်သောင်းသောလောကဓာတ်၌။ နရမရူ၊ လူနတ်တို့သည်။ သမာဂတာ၊ အညီအညွတ်စည်းဝေးကုန်ပြီးသည်ရှိသော်။ သဒေဝကေ၊ နတ်နှင့်တကွသောလောက၌။

အဗ္ဘုတံ၊ မဖြစ်ဖူးသော။ လောမဟံသနံ၊ ကြက်သီးမွေးညှင်းထခြင်းရှိသော်။ မဟာအစ္ဆရိယံ၊ ကြီးစွာသောအံ့ဖွယ်သရဲကို။ ဒိသွာ၊ မြင်၍။

‌ဒေဝါစေဝ၊ နတ်တို့သည်လည်းကောင်း။ မနုဿာစ၊ လူတို့သည်လည်းကောင်း။ ဣတိ၊ ဤသို့။ သဋ္ဌိကောဋိယော၊ ကုဋေခြောက်ဆယ်တို့သည်။ ဗုဇ္ဈရေ၊ သစ္စာလေးပါးကိုထိုးထွင်း၍သိကုန်ပြီ။

ဝေဿဘုဿ၊ ဝေဿဘူအမည်တော်ရှိသော။ မဟေသိနော၊ မြတ်စွာဘုရားအား။ တယော၊ သုံးပါးကုန်သော။ သန္နိပါတာ၊ အစည်းအဝေးတို့သည်။ အာသုံ၊ ဖြစ်ကုန်ပြီ။

ဝိမလာနံ၊ ကိလေသာအညစ်အကြေးတို့မှကင်းစင်တော်မူကုန်ပြီးထသော။ သန္တစိတ္တာနံ၊ ငြိမ်သက်သောစိတ်လည်းရှိတော်မူကုန်ထသော။ တာဒိနံ၊ သည်းခံခြင်းကျေးဇူးနှင့်လည်းပြည့်စုံတော်မူကုန်ထသော။ ခီဏာသဝါနံ၊ ရဟန္တာတို့၏။

အသီတိဘိက္ခုသဟဿာနံ၊ ကုဋေရှစ်သောင်းသောရဟန်းတို့အား။ ပဋ္ဌမော၊ ရှေးဦးစွာသော။ သမာဂမော၊ အစည်းဝေးသည်။ အာသိ၊ ဖြစ်ပြီ။

သတ္တတိဘိက္ခုသဟဿာနံ၊ ခုနှစ်သောင်းသောရဟန်းတို့အား။ ဒုတိယော၊ နှစ်ကြိမ်မြောက်သော။ သမာဂမော၊ အစည်းဝေးသည်။ အာသိ၊ ဖြစ်ပြီ။

သဋ္ဌိဘိက္ခုသဟဿာနံ၊ ခြောက်သောင်းသောရဟန်းတို့၏။ တတိယော၊ သုံးကြိမ်မြောက်သော။ သမာဂမော၊ အစည်းဝေးသည်။ အာသိ၊ ဖြစ်ပြီ။

မဟေသိနော၊ ဝေဿဘူမြတ်စွာဘုရားအား။ ဇရာဒိဘယဘီတာနံ၊ ဇရာစသော ဘေးကိုကြောက်ကုန်ပြီးထသော။ ဩရသာနံ၊ ရွှေရင်တော်နှစ်သားတော်ချစ် ဖြစ်တော်မူကုန်ထသော။

အဟံ၊ ငါသည်။ တေနသမယေန၊ ထိုအခါ၌။ သုဒဿနောနာမ၊ သုဒဿနအမည်ရှိသော။ ခတ္တိယော၊ မင်းသည်။ ဟုတွာ၊ ဖြစ်၍။

နိမန္တေတွာ၊ ပင့်ဖိတ်၍။ မဟာရဟံ၊ မြတ်သောသူတို့နေခြင်းငှါထိုက်သော။ မဟာဝီရံဒါနံ၊ မြတ်သောကျောင်းအလှူကို။ ဒတွာ၊ လှူပြီး၍။

သသင်္ဃံ၊ သံဃာနှင့်တကွ။ ဇိန၊ မြတ်စွာဘုရားကို။ အန္နပါနေန၊ ဆွမ်းအဖျော်ယမကာဖြင့်လည်းကောင်း။ ဝတ္ထေန၊ သင်္ကန်းလျာပုဆိုးဖြင့်လည်းကောင်း။ သသင်္ဃံ၊ ရဟန်းသံဃာနှင့်တကွ။ ဇိန၊ ဝေဿဘူမြတ်စွာဘုရားကို။ ပူဇယိံ၊ ပူဇော်ပြီ။

အသမဿ၊ အတုမရှိသော။ တဿဗုဒ္ဓဿ၊ ထိုဝေဿဘူမြတ်စွာဘုရား၏။ ဥတ္တမံ၊ မြတ်သော။ ဝတ္တိတံ၊ ဟောတော်မူအပ်သော။ စက္ကံ၊ ဓမ္မစကြာဒေသနာတော်ကိုလည်းကောင်း။

ပဏီတံ၊ မြတ်သော။ ဓမ္မံ၊ ဈာန်မဂ်ဖိုလ်တရားကိုလည်းကောင်း။ သုတွာန၊ ကြားနာရ၍။ ပဗ္ဗဇ္ဇံ၊ ရဟန်းအဖြစ်ကို။ အဘိရောစယိံ၊ အလွန်နှစ်သက်ပြီ။

မဟာဒါနံ၊ ကြီးစွာသောအလှူကြီးကို။ ပဝတ္တေတွာ၊ ဖြစ်စေ၍။ ရတ္တိဒိဝံ၊ နေ့ညဉ့်ပတ်လုံး။ အတန္တိတော၊ မပျင်းရိသည်ဖြစ်၍။

ဂုဏသမ္ပန္နံ၊ ဈာန်သမာပတ်ဂုဏ်ကျေးဇူးနှင့်ပြည့်စုံသော။ ပဗ္ဗဇ္ဇံ၊ ရဟန်းအဖြစ်ကို။ ယာစိတွာ၊ တောင်း၍။ ဇိနသန္တိကေ၊ ဝေဿဘူမြတ်စွာဘုရား၏အထံတော်၌။ ပဗ္ဗဇိံ၊ ရဟန်းပြုပြီ။

အာစာရဂုဏသမ္ပန္နော၊ အကျင့်ဂုဏ်နှင့်ပြည့်စုံသော။ ဝတ္တသီလသမာဟိတော၊ အကျင့်သီလကိုဖြည့်ခြင်း၌။

သဗ္ဗညုတံ၊ ဘုရားအဖြစ်ကို။ ဂဝေသန္တော၊ ရှာသော။ အဟံ၊ ငါသည်။ ဇိနသာသနေ၊ ဝေဿဘူမြတ်စွာဘုရား၏သာသနာတော်၌။ ရမာမိ၊ မွေ့လျော်၏။

သဒ္ဓါပီတိံ၊ ကြည်ညိုခြင်းနှစ်သက်ခြင်းသို့။ ဥပဂန္တွာ၊ ရောက်၍။ သတ္ထရံ၊ ဆရာဖြစ်သော။ ဗုဒ္ဓံ၊ ဝေဿဘူမြတ်စွာဘုရားကို။ ဝန္ဒာမိ၊ ရှိခိုး၏။

မယှံ၊ ငါ၏။ ပီတိ၊ နှစ်သက်ခြင်းသည်။ ဗောဓိယာယေဝကာရဏာ၊ ဘုရားဖြစ်လိုသော အကြောင်းကြောင့်သာလျှင်။ ဥပ္ပဇ္ဇတိ၊ ဖြစ်၏။

သမ္ဗုဒ္ဓေါ၊ ဝေဿဘူမြတ်စွာဘုရားသည်။ မမ၊ ငါ၏။ အနိဝတ္တမာနသံ၊ မဆုတ်မနစ်ဘုရားအဖြစ်ကိုချစ်သောနှလုံးကို။ ဉတွာ၊ သိတော်မူ၍။ ဧတံဝစနံ၊ ဤသို့သောဗျာဒိတ်စကားတော်ကို။ အဗြဝိ၊ မိန့်တော်မူပြီ။

ဣတော၊ ဤမဏ္ဍကမ္ဘာမှ။ ဧကတိံသေ ကပ္ပေ၊ သုံးဆယ့်တစ်ကမ္ဘာထက်၌။ အယံ၊ ဤသုဒဿနမထေရ်သည်။ ဗုဒ္ဓေါ၊ ဂေါတမဘုရားသည်။ ဘဝိဿတိ၊ ဖြစ်လတ္တံ့။ ဣတိ၊ ဤသို့။

အဟုအဟော၊ ‌သြော်အံ့ဩဖွယ်ရှိစွ။ တထာဂတော၊ ဂေါတမဘုရားသည်။ ရမ္မာ၊ နှလုံးမွေ့လျော်ဖွယ်ရှိသော။ ကပိလဝှယာ၊ ကပိလဝတ်ပြည်မှ။ ပ။နိက္ခ မိတွာ၊ တောထွက်၍။ ပဓာနံ၊ ကမ္မဋ္ဌာန်းစီးဖြန်းခြင်းလုံ့လကို။ ပဒဟိတွာန၊ အားထုတ်တော်မူ၍။ ဒုက္ကရကာရိကံ၊ ဒုက္ကရစရိယာကို။ ကတွာ၊ ပြုတော်မူ၍။ အသတ္တမူလေ၊ ညောင်ဗောဓိဟေပင်ရင်း၌။ ဗုဇ္ဈိဿတိ၊ ပွင့်လတ္တံ့။ ဣမံဣမဿ၊ ဤသုဒဿနမထေရ်၏။ သမ္မုခါ၊ မျက်မှောက်တော်၌။ ဟေဿာမ၊ ဖြစ်ကုန်အံ့။ ဣတိ၊ ဤသို့။ ပတ္ထေန္တိ၊ ဆုတောင်းကြကုန်၏။

အဟံ၊ ငါသည်။ တဿာပိ၊ ထိုဝေဿဘူမြတ်စွာဘုရား၏လည်း။ ဝစနံ၊ ဗျာဒိတ်စကားတော်ကို။ သုတွာ၊ ကြား၍။ ဘိယျော၊ လွန်စွာ။ စိတ္တံ၊ စိတ်ကို။ ပဿဒယိံ၊ ကြည်လင်စေပြီ။

ဥတ္တရိ၊ အတိုင်းထက်အလွန်။ ဒသပါရမီ၊ ဆယ်ပါးသောပါရမီတို့ကို။ ပူရိယာ၊ ဖြည့်ခြင်းငှါ။ ဝတံ၊ ပါရမီကျေးဇူးကို။ အဓိဋ္ဌာသိံ၊ ဆောက်တည်ပြီ။

နဂရံ၊ ပြည်တော်သည်။ အနောမံနာမ၊ အနောမအမည်ရှိ၏။ ခတ္တိယော၊ ခမည်းတော်မင်းသည်။ သုပ္ပတီတောနာမ၊ သုပ္ပတီတအမည်ရှိ၏။

ဝေဿဘုဿ၊ ဝေဿဘူအမည်တော်ရှိသော။ မဟေသိနော၊ မြတ်စွာဘုရား၏။ မာတာ၊ မယ်တော်သည်။ ယသဝတီနာမ၊ ယသဝတီအမည်ရှိ၏။

သော၊ ထိုဝေဿဘူမြတ်စွာဘုရားသည်။ ဆဗ္ဗဿဉ္စသဟဿာနိ၊ အနှစ်ခြောက်ထောင်တို့ပတ်လုံး။ အဂါရံ၊ ရွှေနန်းတော်၏အလယ်၌။ အဇ္ဈဝသိ၊ စိုးအုပ်၍နေပြီ။

ရုစိသုရုစိရတိဝဍ္ဎနော၊ ရုစိပြာသာဒ်သုရုစိပြာသာဒ်ရတိဝဍ္ဎနပြာသာဒ်ဟုဆိုအပ်ကုန်သော။ ဥတ္တမာ၊ မြတ်ကုန်သော။ ပါသာဒါ၊ ပြာသာဒ်တို့သည်။ တယော၊ သုံးဆောင်တို့တည်း။

သမလင်္ကာတာ၊ ကောင်းစွာတန်ဆာဆင်အပ်ကုန်သော။ အနူနတိံသသဟဿာနိ၊ မယုတ်မလွန်သုံးသောင်းကုန်သော။ နာရိယော၊ မင်းသမီးအပေါင်းတို့သည်။

သုစိတ္တာနာမ၊ သုစိတ္တာအမည်ရှိသော။ နာရီ၊ မိဖုယားကို။ ပရိဝါရေသုံ၊ ခြံရံကုန်ပြီ။ အတြဇော၊ သားတော်သည်။ သုပ္ပဗုဒ္ဓေါနာမ၊ သုပ္ပဗုဒ္ဓအမည်ရှိ၏။

စတုရော၊ လေးပါးကုန်သော။ နိမိတ္တေ၊ နိမိတ်တို့ကို။ ဒိသွာ၊ မြင်၍။ သိဝိကာယာ၊ ရွှေထမ်းစင်ယာဉ်တော်ဖြင့်။ အဘိနိက္ခမိ၊ တောထွက်တော်မူပြီ ။

ပုရိသုတ္တမော၊ ယောကျ်ားမြတ်သည်။ ဆမာသံ၊ ခြောက်လပတ်လုံး။ ပဓါနစာရံ၊ ဒုက္ကစရိယာအကျင့်ကို။ အစရီ၊ ကျင့်တော်မူပြီ။

ဗြဟ္မုနာ၊ ဗြဟ္မာမင်းသည်။ ယာစိတော၊ တောင်းပန်အပ်ထသော။ သန္တော၊ တည်ကြည်ငြိမ်သက်တော်မူထသော။ ဝေဿဘူလောကနာယကော၊ ဝေဿဘူမြတ်စွာဘုရားသည်။

မဟာဝီရော၊ ကြီးမြတ်သောလုံ့လရှိတော်မူထသော။ နရုတ္တမော၊ လူတို့ထက်မြတ်တော်မူထသော။ အရုဏာရာမေ၊ အရုဏာရာမ၌။ စက္ကံ၊ ဓမ္မစကြာတရားတော်ကို။ ဝတ္တိ၊ ဟောတော်မူပြီ။

သောဏောစ၊ သောဏလည်းကောင်း။ ဥတ္တရောစေဝ၊ ဥတ္တရလည်းကောင်း။ ဣတိ၊ ဤသို့။ ဒွေဘိက္ခု၊ နှစ်ပါးသောရဟန်းတို့သည်။ အဂ္ဂသာဝကာ၊ မြတ်သောလက်ယာရံလက်ဝဲရံအဂ္ဂသာဝကတို့သည်။ အဟေသုံ၊ ဖြစ်ကုန်ပြီ။

ဝေဿဘုဿ၊ ဝေဿဘူအမည်တော်ရှိသော။ မဟေသိနော၊ မြတ်စွာဘုရားအား။ ဥပဋ္ဌာကော၊ အလုပ်အကျွေးတော်ရဟန်းသည်။ ဥပသန္တောနာမ၊ ဥပသန္တအမည်ရှိ၏။

ရာမာစေဝ၊ ရာမာလည်းကောင်း။ သမာလာစ၊ သမလာလည်းကောင်း။ ဣတိ၊ ဤသို့။ ဒွေဘိက္ခုနီ၊ နှစ်ပါးသောဘိက္ခုနီမတို့သည်။ အဂ္ဂသာဝိကာ၊ မြတ်သောလက်ယာရံလက်ဝဲရံအဂ္ဂသာဝိကာမတို့သည်။ အဟေသုံ၊ ဖြစ်ကုန်ပြီ။

တဿဘဂဝတော၊ ထိုဝေဿဘူမြတ်စွာဘုရား၏။ ဗောဓိ၊ ပွင့်တော်မူရာဗောဓိကို။ မဟာသာလောတိ၊ မြတ်သောအင်ကြင်းပင်ဟူ၍။ ဝုစ္စတိ၊ ဆိုအပ်၏။

သောတ္ထိကောစေဝ၊ သောတ္ထိကလည်းကောင်း။ ရမ္ဘောစ၊ ရမ္ဘာလည်းကောင်း။ ဣတိ၊ ဤသို့။ ဒွေဥပါသကာ၊ နှစ်ယောက်သောဒါယကာတို့သည်။ အဂ္ဂုပဋ္ဌာကာ၊ မြတ်သောလက်ယာရံလက်ဝဲရံအလုပ်အကျွေးတော်တို့သည်။ အဟေသုံ၊ ဖြစ်ကုန်ပြီ။

ဂေါတမီစ၊ ဂေါတမီလည်းကောင်း။ သိရိမာစေဝ၊ သိရိမာလည်းကောင်း။ ဣတိ၊ ဤသို့။ ဒွေဥပါသိကာ၊ နှစ်ယောက်သောဒါယိကာမတို့သည်။ အဂ္ဂုပဋ္ဌိကာ၊ မြတ်သောအလုပ်အကျွေးတော်ဒါယိကာမတို့သည်။ အဟေသုံ၊ ဖြစ်ကုန်ပြီ။

ဟေမယူပသမူပမော၊ ကောင်းစွာလုံးသောရွှေလည်တိုင်နှင့်တူသော။ သောဘဂဝါ၊ ထိုဝေဿဘူမြတ်စွာဘုရားသည်။ သဋ္ဌိရတနမုဗ္ဗေဓေါ၊ အတောင်ခြောက်ဆယ်မြင့်တော်မူ၏။

ကာယာ၊ ကိုယ်တော်မှ။ ရသ္မိ၊ အရောင်တော်တို့သည်။ နိစ္ဆရတိ၊ ထွက်၏။ တိမိဝ၊ အဘယ်ကဲ့သို့နည်းဟူမူကား။ ရတ္တိံ၊ ညဉ့်အခါ၌။ ပဗ္ဗတေ၊ တောင်ထိပ်၌။ သိခိဣဝ၊ မီးလျှံကဲ့သို့တည်း။

သဋ္ဌိဝဿသဟဿာနိ၊ အနှစ်ခြောက်သောင်းတို့သည်။ တဿမဟေသိနော၊ ထိုဝေဿဘူမြတ်စွာဘုရား၏။ အာယု၊ အသက်တမ်းသည်။ ဟောတိ၊ ဖြစ်၏။

တာဝတာ၊ ထိုမျှလောက်။ တိဋ္ဌမာနော၊ တည်လျက်။ သော၊ ထိုဝေဿဘူမြတ်စွာဘုရားသည်။ ဗဟုံ၊ များစွာသော။ ဇနတံ၊ သတ္တဝါအပေါင်းကို။ သံသာရသောတတော၊ သံသာရာတည်းဟူသောသမုဒ္ဒရာရေအယဉ်မှ။ တာရေသိ၊ နိဗ္ဗာန်သို့ကယ်တင်တော်မူပြီ။

ဓမ္မံ၊ တရားတော်ကို။ ဝိတ္ထာရိကံ၊ ပြန့်နှံ့သည်ကို။ ကတွာ၊ ပြု၍။ မဟာဇနံ၊ များစွာသောလူအပေါင်းကို။ ဝိဘဇိတွာ၊ သောတာပန်စသည်၏အစွမ်းဖြင့်ဝေဖန်တော်မူ၍။

ဓမ္မနသံ၊ တရားတည်းဟူသောသင်္ဘောကို။ စတုရောဃနိတ္ထရကတ္ထာယ၊ လေးပါးသော ဩဃမှထွက်မြောက်စိမ့်သောငှါ။ ဋ္ဌပေတွာန၊ ထားပြီး၍။ သော၊ ထိုဝေဿဘူမြတ်စွာဘုရားသည်။ သသာဝကော၊ တပည့်သားသာဝက အပေါင်းနှင့်တကွ။ နိဗ္ဗုတော၊ ပရိနိဗ္ဗာန်စံတော်မူပြီ။

ဒဿနေယျံ၊ ရှုချင်ဖွယ်ရှိသော။ သဗ္ဗဇနံ၊ ဘုရားနှင့်တကွအလုံးစုံသော သာဝက သံဃာအပေါင်းသည်လည်းကောင်း။ ဣရိယာပထံ၊ ဣရိယာပုတ်မျှတရားဖြစ်သော။ ဝိဟာရံ၊ ကျောင်းတော်သည်လည်းကောင်း။

တံသဗ္ဗံ၊ ထိုအလုံးစုံသည်။ အန္တရဟိတံ၊ ကွယ်ပြီ။ သဗ္ဗသင်္ခါရာ၊ အလုံးစုံသောသင်္ခါရတို့သည်။ နနုရိတ္တာ၊ အချည်းနှီးတို့သာတည်း။

သတ္ထာ၊ လူနတ်တို့၏ဆရာဖြစ်တော်မူထသော။ ဝေဿဘူ၊ ဝေဿဘူအမည်တော်ရှိထသော။ ဇိနဝရော၊ ဘုရားမြတ်သည်။ ခေမာရာမှိ၊ ခေမာရာမ၌။ နိဗ္ဗုတော၊ ပရိနိဗ္ဗာန်ပြုတော်မူပြီ။

ဓာတု၊ ဓာတ်တော်သည်။ တေသုတေသုပဒေသတော၊ ထိုထိုအရပ်မျက်နှာတို့၌။ ဝိတ္ထာရိတံ၊ ပြန့်နှံ့သည်။ အာသိ၊ ဖြစ်ပြီ။ ဣတိ၊ ဤသို့။ အာဟ၊ ဟောတော်မူ၏။

ဧကဝီသတိမော၊ နှစ်ဆယ့်တစ်ဆူမြောက်သော။ ဝေဿဘူဿ၊ ဝေဿဘူအမည်တော်ရှိသော။ ဘဂဝတော၊ မြတ်စွာဘုရား၏။ ဝံသော၊ အနွယ်တော်သည်။ နိဋ္ဌိတော၊ ပြီးခြင်းသို့ရောက်ပြီ။