152. Yavanti tāya sattā amissitāpi samānajātitāya missitā viya hontīti yoni .Sā pana atthato aṇḍādiuppattiṭṭhānavisiṭṭho khandhānaṃ bhāgaso pavattivisesoti āha ‘‘ khandhakoṭṭhāso yoni nāmā ’’ ti .
Sā pana atthato aṇḍādiuppattiṭṭhānavisiṭṭho khandhānaṃ bhāgaso pavattivisesoti āha ‘‘ khandhakoṭṭhāso yoni nāmā ’’ ti .
Aṇḍe jātāti paṭhamāya jātiyā vasena vuttaṃ , dutiyāya pana aṇḍato , aṇḍe vā bhijjamāne jātāti evamattho veditabbo .Tenāha ‘‘ abhinibbhijja jāyantī ’’ ti .
Vināti etehi aṇḍādīhi bāhirapaccayehi vinā .Uppatitvā viyāti uppajjanavasena patitvā viya .Bāhirapaccayanirapekkhattāyeva vā upapatane sādhukārino upapātikā , te eva idha opapātikāti vuttā .
Ādi -saddena gabbhamale nibbattamahāpadumakumārādīnaṃ saṅgaho .Nijjhāmataṇhikapetānaṃ niccaṃ dukkhāturatāya kāmasevanā natthi
V2.27 , tasmā te gabbhaseyyakā na honti , jālavantatāya na tāsaṃ kucchiyaṃ gabbho saṇṭhāti , tasmā te opapātikāyeva saṃsedajattāyapi asambhavato .Nerayikā viyāti nidassanāpadesena tesampi opapātikattaṃ dīpeti .Avasesāti nijjhāmataṇhikanerayike ṭhapetvā avasesā vinipātikā .
Yakkhānaṃ cātumahārājikatāya opapātikabhāve eva āpanne taṃ nivattetuṃ ‘‘ evaṃ yakkhāpī ’’ ti vuttaṃ .Tathā hi te na bhummadevā na ca vinipātikāti .