14. Etadaggavaggo
1. Paṭhamavaggo
188.‘‘ Etadaggaṃ
V1.31T1.31 , bhikkhave , mama sāvakānaṃ bhikkhūnaṃ rattaññūnaṃ yadidaṃ aññāsikoṇḍañño ’’[ aññātakoṇḍaññoti ( ka .), aññākoṇḍañño ( sī . syā . kaṃ . pī .)]. 189.… Mahāpaññānaṃ yadidaṃ sāriputto .
190.… Iddhimantānaṃ yadidaṃ mahāmoggallāno .
191.… Dhutavādānaṃ [ dhutaṅgadharānaṃ ( katthaci )] yadidaṃ mahākassapo .
192.… Dibbacakkhukānaṃ yadidaṃ anuruddho .
193.… Uccākulikānaṃ yadidaṃ bhaddiyo kāḷigodhāyaputto .
194.… Mañjussarānaṃ yadidaṃ lakuṇḍaka [ lakuṇṭaka ( syā . kaṃ .)] bhaddiyo .
195.… Sīhanādikānaṃ
M1.24 yadidaṃ piṇḍolabhāradvājo . 196.… Dhammakathikānaṃ yadidaṃ puṇṇo mantāṇiputto .
197.… Saṃkhittena bhāsitassa vitthārena atthaṃ vibhajantānaṃ yadidaṃ mahākaccānoti .
Vaggo paṭhamo .
2. Dutiyavaggo
198.‘‘ Etadaggaṃ
V1.32P1.24 , bhikkhave , mama sāvakānaṃ bhikkhūnaṃ manomayaṃ kāyaṃ abhinimminantānaṃ yadidaṃ cūḷapanthako ’’[ cullapanthako ( sī . syā . kaṃ . pī .)]. 199.… Cetovivaṭṭakusalānaṃ yadidaṃ cūḷapanthako .
200.… Saññāvivaṭṭakusalānaṃ yadidaṃ mahāpanthako .
201.… Araṇavihārīnaṃ yadidaṃ subhūti .
202.… Dakkhiṇeyyānaṃ yadidaṃ subhūti .
203.… Āraññakānaṃ yadidaṃ revato khadiravaniyo .
204.… Jhāyīnaṃ yadidaṃ kaṅkhārevato .
205.… Āraddhavīriyānaṃ yadidaṃ soṇo koḷiviso .
206.… Kalyāṇavākkaraṇānaṃ yadidaṃ soṇo kuṭikaṇṇo .
207.… Lābhīnaṃ yadidaṃ sīvali .
208.… Saddhādhimuttānaṃ yadidaṃ vakkalīti .
Vaggo dutiyo .
3. Tatiyavaggo
209.‘‘ Etadaggaṃ
V1.33 , bhikkhave , mama sāvakānaṃ bhikkhūnaṃ sikkhākāmānaṃ yadidaṃT1.32 rāhulo ’’. 210.… Saddhāpabbajitānaṃ
M1.25 yadidaṃ raṭṭhapālo . 211.… Paṭhamaṃ salākaṃ gaṇhantānaṃ yadidaṃ kuṇḍadhāno .
212.… Paṭibhānavantānaṃ yadidaṃ vaṅgīso .
213.… Samantapāsādikānaṃ yadidaṃ upaseno vaṅgantaputto .
214.… Senāsanapaññāpakānaṃ yadidaṃ dabbo mallaputto .
215.… Devatānaṃ piyamanāpānaṃ yadidaṃ pilindavaccho .
216.… Khippābhiññānaṃ yadidaṃ bāhiyo dārucīriyo .
217.… Cittakathikānaṃ yadidaṃ kumārakassapo .
218.… Paṭisambhidāpattānaṃ yadidaṃ mahākoṭṭhitoti [ mahākoṭṭhikoti ( aññesu suttesu marammapotthake )].
Vaggo tatiyo .
4. Catutthavaggo
219.‘‘ Etadaggaṃ , bhikkhave , mama sāvakānaṃ bhikkhūnaṃ bahussutānaṃ yadidaṃ ānando ’’.
220.… Satimantānaṃ
V1.34 yadidaṃ ānando . 221.… Gatimantānaṃ
P1.25 yadidaṃ ānando . 222.… Dhitimantānaṃ yadidaṃ ānando .
223.… Upaṭṭhākānaṃ yadidaṃ ānando .
224.… Mahāparisānaṃ yadidaṃ uruvelakassapo .
225.… Kulappasādakānaṃ yadidaṃ kāḷudāyī .
226.… Appābādhānaṃ yadidaṃ bākulo [ bakkulo ( sī . syā . kaṃ . pī .)].
227.… Pubbenivāsaṃ anussarantānaṃ yadidaṃ sobhito .
228.… Vinayadharānaṃ yadidaṃ upāli .
229.… Bhikkhunovādakānaṃ
M1.26 yadidaṃ nandako . 230.… Indriyesu guttadvārānaṃ yadidaṃ nando .
231.… Bhikkhuovādakānaṃ yadidaṃ mahākappino .
232.… Tejodhātukusalānaṃ yadidaṃ sāgato .
233.… Paṭibhāneyyakānaṃ yadidaṃ rādho .
234.… Lūkhacīvaradharānaṃ
V1.35 yadidaṃ mogharājāti .Vaggo catuttho .
5. Pañcamavaggo
235.‘‘ Etadaggaṃ
T1.33 , bhikkhave , mama sāvikānaṃ bhikkhunīnaṃ rattaññūnaṃ yadidaṃ mahāpajāpatigotamī ’’. 236.… Mahāpaññānaṃ yadidaṃ khemā .
237.… Iddhimantīnaṃ yadidaṃ uppalavaṇṇā .
238.… Vinayadharānaṃ yadidaṃ paṭācārā .
239.… Dhammakathikānaṃ yadidaṃ dhammadinnā .
240.… Jhāyīnaṃ yadidaṃ nandā .
241.… Āraddhavīriyānaṃ yadidaṃ soṇā .
242.… Dibbacakkhukānaṃ yadidaṃ bakulā [ sakulā ( sī . syā . kaṃ . pī .)].
243.… Khippābhiññānaṃ yadidaṃ bhaddā kuṇḍalakesā .
244.… Pubbenivāsaṃ anussarantīnaṃ yadidaṃ bhaddā kāpilānī .
245.… Mahābhiññappattānaṃ yadidaṃ bhaddakaccānā .
246.… Lūkhacīvaradharānaṃ yadidaṃ kisāgotamī .
247.… Saddhādhimuttānaṃ
V1.36 yadidaṃ siṅgālakamātāti [ sigālamātāti ( sī . syā . kaṃ . pī .)].Vaggo pañcamo .
6. Chaṭṭhavaggo
248.‘‘ Etadaggaṃ
M1.27 , bhikkhave , mama sāvakānaṃ upāsakānaṃ paṭhamaṃ saraṇaṃ gacchantānaṃ yadidaṃP1.26 tapussabhallikā [ tapassubhallikā ( sī . pī .)] vāṇijā ’’. 249.… Dāyakānaṃ yadidaṃ sudatto gahapati anāthapiṇḍiko .
250.… Dhammakathikānaṃ yadidaṃ citto gahapati macchikāsaṇḍiko .
251.… Catūhi saṅgahavatthūhi parisaṃ saṅgaṇhantānaṃ yadidaṃ hatthako āḷavako .
252.… Paṇītadāyakānaṃ yadidaṃ mahānāmo sakko .
253.… Manāpadāyakānaṃ yadidaṃ uggo gahapati vesāliko .
254.… Saṅghupaṭṭhākānaṃ yadidaṃ hatthigāmako uggato gahapati .
255.… Aveccappasannānaṃ yadidaṃ sūrambaṭṭho [ sūro ambaṭṭho ( sī . syā . kaṃ . pī .) surebandho ( ka .)].
256.… Puggalappasannānaṃ yadidaṃ jīvako komārabhacco .
257.… Vissāsakānaṃ
V1.37 yadidaṃ nakulapitā gahapatīti .Vaggo chaṭṭho .
7. Sattamavaggo
258.‘‘ Etadaggaṃ
T1.34 , bhikkhave , mama sāvikānaṃ upāsikānaṃ paṭhamaṃ saraṇaṃ gacchantīnaṃ yadidaṃ sujātā seniyadhītā ’’[ senānī dhītā ( sī . syā . kaṃ . pī .)]. 259.… Dāyikānaṃ yadidaṃ visākhā migāramātā .
260.… Bahussutānaṃ yadidaṃ khujjuttarā .
261.… Mettāvihārīnaṃ yadidaṃ sāmāvatī .
262.… Jhāyīnaṃ yadidaṃ uttarānandamātā .
263.… Paṇītadāyikānaṃ yadidaṃ suppavāsā koliyadhītā .
264.… Gilānupaṭṭhākīnaṃ
M1.28 yadidaṃ suppiyā upāsikā . 265.… Aveccappasannānaṃ yadidaṃ kātiyānī .
266.… Vissāsikānaṃ yadidaṃ nakulamātā gahapatānī .
267.… Anussavappasannānaṃ yadidaṃ kāḷī upāsikā kulagharikā [ kulagharikā ( ka .)] ti .
Vaggo sattamo .
Etadaggavaggo cuddasamo .