7. Vīriyārambhādivaggo
61.‘‘ Nāhaṃ
V1.15P1.12M1.11 , bhikkhave , aññaṃ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṃ , bhikkhave , vīriyārambho [ viriyārambho ( sī . syā . kaṃ . pī .)].Āraddhavīriyassa , bhikkhave , anuppannā ceva kusalā dhammā uppajjanti uppannā ca akusalā
T1.14 dhammā parihāyantī ’’ ti .Paṭhamaṃ .
62.‘‘ Nāhaṃ , bhikkhave , aññaṃ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṃ , bhikkhave , mahicchatā .
Mahicchassa , bhikkhave , anuppannā ceva akusalā dhammā uppajjanti uppannā ca kusalā dhammā parihāyantī ’’ ti .
Dutiyaṃ .
63.‘‘ Nāhaṃ , bhikkhave , aññaṃ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṃ , bhikkhave , appicchatā .
Appicchassa , bhikkhave , anuppannā ceva kusalā dhammā uppajjanti uppannā ca akusalā dhammā parihāyantī ’’ ti .
Tatiyaṃ .
64.‘‘ Nāhaṃ , bhikkhave , aññaṃ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṃ , bhikkhave , asantuṭṭhitā .
Asantuṭṭhassa , bhikkhave , anuppannā ceva akusalā dhammā uppajjanti uppannā ca kusalā dhammā parihāyantī ’’ ti .
Catutthaṃ .
65.‘‘ Nāhaṃ , bhikkhave , aññaṃ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṃ , bhikkhave , santuṭṭhitā .
Santuṭṭhassa , bhikkhave , anuppannā ceva kusalā dhammā uppajjanti uppannā ca akusalā dhammā
T1.15 parihāyantī ’’ ti .Pañcamaṃ .
66.‘‘ Nāhaṃ
V1.16P1.13 , bhikkhave , aññaṃ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṃ , bhikkhave , ayonisomanasikāro .Ayoniso , bhikkhave , manasi karoto anuppannā ceva akusalā dhammā uppajjanti uppannā ca kusalā dhammā parihāyantī ’’ ti .
Chaṭṭhaṃ .
67.‘‘ Nāhaṃ
M1.12 , bhikkhave , aññaṃ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṃ , bhikkhave , yonisomanasikāro .Yoniso , bhikkhave , manasi karoto anuppannā ceva kusalā dhammā uppajjanti uppannā ca akusalā dhammā parihāyantī ’’ ti .
Sattamaṃ .
68.‘‘ Nāhaṃ , bhikkhave , aññaṃ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṃ , bhikkhave , asampajaññaṃ .
Asampajānassa , bhikkhave , anuppannā ceva akusalā dhammā uppajjanti uppannā ca kusalā dhammā parihāyantī ’’ ti .
Aṭṭhamaṃ .
69.‘‘ Nāhaṃ , bhikkhave , aññaṃ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṃ , bhikkhave , sampajaññaṃ .
Sampajānassa , bhikkhave , anuppannā ceva kusalā dhammā uppajjanti uppannā ca akusalā
T1.16 dhammā parihāyantī ’’ ti .Navamaṃ .
70.‘‘ Nāhaṃ , bhikkhave , aññaṃ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṃ , bhikkhave , pāpamittatā .
Pāpamittassa , bhikkhave , anuppannā ceva akusalā dhammā uppajjanti uppannā ca kusalā dhammā parihāyantī ’’ ti .
Dasamaṃ .
Vīriyārambhādivaggo sattamo .